വീട്ടില് ചാരായം വാറ്റിയ നാലുപേര് പിടിയില്
text_fieldsശാസ്താംകോട്ട: പോരുവഴിയില് ചാരായം വാറ്റുന്നതിനിടെ നാലു യുവാക്കള് പൊലീസ് പിടിയിലായി. ഇടയ്ക്കാട് വടക്ക് മൂവക്കോട് സ്വദേശിയായ സാബുവിെൻറ വീട്ടില് നടത്തിയ പരിശോധനയിലാണ് നാലു യുവാക്കളെയും 1.5 ലിറ്റര് ചാരായവും 20 ലിറ്റര് കോടയും പിടികൂടിയത്.
ഇടയ്ക്കാട് വാറുവില് ബിജുമോന്, സഹോദരന് ബാബുരാജ്, തെങ്ങമം ചരുവിളയില് കൃഷ്ണകുമാര്, നല്ലില പ്രദീപ് ഭവനില് പ്രമോദ് എന്നിവരെയാണ് ശൂരനാട് പൊലീസ് അറസ്റ്റ് ചെയ്തത്. വീട്ടുടമയും മുഖ്യ പ്രതിയുമായ സാബു ഒളിവിലാണ്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. ശൂരനാട് എസ്.എച്ച്.ഒ കെ. ശ്യാം, എസ്.ഐമാരായ ട്വിങ്കിള് ശശി, ചന്ദ്രമോന്, സി.പി.ഒമാരായ സുധീന്ദ്രബാബു, ചന്ദ്രകാന്ത് എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.