ഫ്ലക്സ്​ ബോർഡുകൾ നിറഞ്ഞ് ഭരണിക്കാവ് ട്രാഫിക് ഐലൻഡ്

ശാ​സ്താം​കോ​ട്ട: ഒ​രു ഇ​ട​വേ​ള​ക്കു​ശേ​ഷം ഭ​ര​ണി​ക്കാ​വി​ലെ ട്രാ​ഫി​ക് ഐ​ല​ന്റ് ഫ്ല​ക്സും ബോ​ർ​ഡു​ക​ളും കൊ​ടി​തോ​ര​ണ​ങ്ങ​ളും കൊ​ണ്ട് നി​റ​ഞ്ഞു. രാ​ഷ്ട്രീ​യ പാ​ർ​ട്ടി​ക​ളു​ടെ തെ​ര​ത്തെ​ടു​പ്പ് പ്ര​ചാ​ര​ണ ഫ്ല​ക്സ്, ക്ഷേ​ത്രോ​ത്സ​വ​ങ്ങ​ളു​ടെ​യും സ്ഥാ​പ​ന​ങ്ങ​ളു​ടെ ഉ​ദ്ഘാ​ട​ന​ത്തോ​ട​നു​ബ​ന്ധി​ച്ചു​ള്ള ബോ​ർ​ഡ് തു​ട​ങ്ങി എ​ല്ലാം ട്രാ​ഫി​ക് ഐ​ല​ൻ​ഡി​ൽ നി​ര​ത്തി വെ​ച്ചി​രി​ക്കു​ക​യാ​ണ്. പൊ​തു​സ്ഥ​ല​ങ്ങ​ളി​ൽ ഫ്ല​ക്സു​ക​ളോ ബോ​ർ​ഡു​ക​ളോ സ്ഥാ​പി​ക്ക​രു​തെ​ന്ന തെ​ര​ഞ്ഞെ​ടു​പ്പ് ക​മീ​ഷ​ന്റെ ഉ​ത്ത​ര​വ് ലം​ഘി​ച്ചാ​ണ് ഇ​വി​ടെ സ്ഥാ​നാ​ർ​ഥി​ക​ളു​ടെ ഫ്ല​ക്സു​ക​ൾ സ്ഥാ​പി​ച്ചി​രി​ക്കു​ന്ന​ത്.

കു​ന്ന​ത്തൂ​ർ താ​ലൂ​ക്കി​ൽ കൂ​ടു​ത​ൽ ഗ​താ​ഗ​ത​ക്കു​രു​ക്കു​ള്ള സ്ഥ​ല​മാ​ണ് ഭ​ര​ണി​ക്കാ​വ് ജ​ങ്ഷ​ൻ. കൊ​ല്ലം-​തേ​നി ദേ​ശീ​യ​പാ​ത​യും ച​വ​റ-​കൊ​ട്ടാ​ര​ക്ക​ര സം​സ്ഥാ​ന​പാ​ത​യും സം​ഗ​മി​ക്കു​ന്ന സ്ഥ​ല​വും അ​ഞ്ച്​ ദി​ശ​ക​ളി​ൽ നി​ന്നെ​ത്തു​ന്ന വാ​ഹ​ന​ങ്ങ​ൾ തി​രി​ഞ്ഞു​പോ​കേ​ണ്ട സ്ഥ​ല​വു​മാ​ണ്. യാ​ത്ര​ക്കാ​രു​ടെ​യും ഡ്രൈ​വ​ർ​മാ​രു​ടെ​യും കാ​ഴ്ച മ​റ​ക്കു​ന്ന ത​ര​ത്തി​ൽ സ്ഥാ​പി​ച്ചി​രി​ക്കു​ന്ന ഫ്ല​ക്സ് ബോ​ർ​ഡ് വ​ലി​യ ബു​ദ്ധി​മു​ട്ടാ​ണ് സൃ​ഷ്ടി​ക്കു​ന്ന​ത്. ക​ഴി​ഞ്ഞ​മാ​സം കൂ​ടി​യ താ​ലൂ​ക്ക് വി​ക​സ​ന സ​മി​തി​യി​ൽ താ​ലൂ​ക്കി​ലെ പ്ര​ധാ​ന ജ​ങ്ഷ​നു​ക​ളി​ലെ ട്രാ​ഫി​ക് ഐ​ല​ൻ​ഡി​ൽ ഫ്ല​ക്സു​ക​ളും ബോ​ർ​ഡു​ക​ളും സ്ഥാ​പി​ക്കു​ന്ന​തി​നെ​തി​രെ ന​ട​പ​ടി സ്വീ​ക​രി​ക്കാ​ൻ പൊ​ലീ​സി​ന് നി​ർ​ദേ​ശം ന​ൽ​കു​ക​യും ഇ​തി​ന്റെ അ​ടി​സ്ഥാ​ന​ത്തി​ൽ എ​ടു​ത്ത് മാ​റ്റു​ക​യും ചെ​യ്തി​രു​ന്നു. ര​ണ്ടാ​ഴ്ച ഈ ​അ​വ​സ്ഥ തു​ട​ർ​ന്ന​ങ്കി​ലും പി​ന്നീ​ട് വ്യാ​പ​ക​മാ​യി ഫ്ല​ക്സു​ക​ളും ബോ​ർ​ഡു​ക​ളും സ്ഥാ​പി​ച്ചു​വ​രി​ക​യാ​ണ്.