ശാസ്താംകോട്ട തടാകത്തിൽനിന്ന്​ മണ്ണ്​ കടത്താൻ ശ്രമം

ശാ​സ്താം​കോ​ട്ട: ശാ​സ്തം​കോ​ട്ട ശു​ദ്ധ ജ​ല​ത​ടാ​ക​ത്തി​ലെ ച​ളി നീ​ക്കാ​നെ​ന്ന​പേ​രി​ൽ മ​ണ്ണ് ക​ട​ത്താ​ൻ ശ്ര​മ​മെ​ന്ന്​ ആ​രോ​പ​ണം. 2018ലെ ​പ്ര​ള​യ​കാ​ല​ത്തി​നു​ശേ​ഷം ഒ​രി​ക്ക​ലും ത​ടാ​ക​ത്തി​ലെ ജ​ല​നി​ര​പ്പ് ആ​ശ​ങ്ക​യു​ണ്ടാ​കും വി​ധം വേ​ന​ലി​ല്‍പോ​ലും താ​ഴ്ന്നി​ട്ടി​ല്ല. ഈ ​സാ​ഹ​ച​ര്യ​ത്തി​ല്‍ ത​ടാ​ക​ത്തി​ലെ ജ​ല​നി​ര​പ്പ് കു​റ​യു​ന്ന​ത് ച​ളി അ​ടി​ഞ്ഞു​കൂ​ടി​യ​ത് കൊ​ണ്ടാ​ണെ​ന്നു​ള്ള വാ​ദം ശ​രി​യ​ല്ലെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ത​ടാ​ക​ത്തി​ന്റെ പു​ന​രു​ദ്ധാ​ര​ണ​ത്തി​നാ​യി ഒ​രു കോ​ടി രൂ​പ അ​നു​വ​ദി​ച്ച​താ​യി മ​ന്ത്രി റോ​ഷി അ​ഗ​സ്റ്റി​ന്റെ ഓ​ഫി​സാ​ണ്​ അ​റി​യി​പ്പ്​ ന​ൽ​കി​യ​ത്. ശു​ദ്ധ​ജ​ല ത​ടാ​ക​ത്തി​ന്റെ സ്വാ​ഭാ​വി​ക നീ​രു​റ​വ​യെ ബാ​ധി​ക്കും​വി​ധം ച​ളി അ​ടി​ഞ്ഞു​കൂ​ടി​യ​താ​യും ആ​ഴം കു​റ​ഞ്ഞ​താ​യും അ​റി​യി​പ്പി​ൽ വി​ശ​ദീ​ക​രി​ച്ചി​രു​ന്നു.

ഹൈ​ഡ്രോ​ള​ജി വി​ഭാ​ഗം ബാ​ത്തി​മെ​ട്രി​ക് സ​ര്‍വേ​യി​ലൂ​ടെ ത​ടാ​ക​ത്തി​ന്റെ മി​ക്ക ഭാ​ഗ​ങ്ങ​ളി​ലും വ​ലി​യ തോ​തി​ല്‍ ച​ളി അ​ടി​ഞ്ഞ​താ​യി ക​ണ്ടെ​ത്തി​യെ​ന്നും അ​റി​യി​പ്പി​ലു​ണ്ട്. എ​ന്നാ​ൽ, സ​മീ​പ​കാ​ല​ത്തൊ​ന്നും ത​ടാ​ക​വു​മാ​യി ബ​ന്ധ​പ്പെ​ട്ട ഇ​ത്ത​ര​ത്തി​ലു​ള്ള സ​ർ​വേ​യോ റി​പ്പോ​ർ​ട്ടോ ഉ​ണ്ടാ​യി​ട്ടി​ല്ലെ​ന്ന് ത​ടാ​ക​സം​ര​ക്ഷ​ണ​വു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​വ​ർ പ​റ​യു​ന്നു.

ച​ളി​നീ​ക്കം ചെ​യ്യാ​നെ​ന്ന പേ​രി​ൽ നൂ​റു​ക​ണ​ക്കി​ന് ലോ​ഡ് മ​ണ്ണ് നീ​ക്കം ചെ​യ്യാ​നു​ള്ള ശ്ര​മ​മാ​ണ് ന​ട​ക്കു​ന്ന​തെ​ന്നും ഇ​വ​ർ ആ​രോ​പി​ക്കു​ന്നു. ശാ​സ്താം​കോ​ട്ട ത​ടാ​ക​ത്തി​ന്‍റെ സ്വാ​ഭാ​വി​ക ജ​ല​ശു​ദ്ധി നി​ല​നി​ര്‍ത്തു​ന്ന​ത് അ​തി​ന്റെ അ​ടി​ത്ത​ട്ടി​ലെ ച​ളി​യാ​ണെ​ന്ന് ശാ​സ്ത്ര​സാ​ഹി​ത്യ പ​രി​ഷ​ത്, സെ​സ്, സി.​ഡ​ബ്ല്യു.​ഡി.​ആ​ര്‍.​എം എ​ന്നി​വ പ​ല ഘ​ട്ട​ങ്ങ​ളി​ല്‍ ന​ട​ത്തി​യ പ​ഠ​ന​ത്തി​ല്‍ വ്യ​ക്ത​മാ​ക്കി​യി​ട്ടു​ണ്ട്.