കാരാളിമുക്കിനെ വെടിപ്പാക്കാൻ അബ്ദുൽ റഹിമാന്‍റെ യജ്ഞം

ശാ​സ്താം​കോ​ട്ട: വൃ​ത്തി​യു​ടെ​യും വെ​ടി​പ്പി​ന്‍റെ​യും കാ​ര്യ​ത്തി​ൽ കാ​രാ​ളി​മു​ക്കി​നെ സൗ​ദി അ​റേ​ബ്യ പോ​ലെ​യാ​ക്കാ​ൻ തു​നി​ഞ്ഞി​റ​ങ്ങി​യി​രി​ക്കു​ക​യാ​ണ് 72 കാ​ര​നാ​യ ക​ണ​ത്താ​ർ​കു​ന്നം പാ​ട്ടു​പു​ര​വ​ട​ക്ക​തി​ൽ അ​ബ്ദു​ൽ റ​ഹി​മാ​ൻ. കാ​രാ​ളി​മു​ക്കി​ലു​ള്ള ര​ണ്ട് റെ​യി​ൽ​വേ മേ​ൽ​പ്പാ​ല​ങ്ങ​ളു​ടെ മു​ക​ളി​ലും ഇ​തി​നോ​ട​നു​ബ​ന്ധി​ച്ചു​ള്ള വ​ഴി​ക​ളി​ലും കാ​ടു​പി​ടി​ച്ചും മാ​ലി​ന്യം കു​ന്നു​കൂ​ടി​യും കി​ട​ന്ന സ്ഥ​ല​ങ്ങ​ൾ വൃ​ത്തി​യാ​ക്കു​ന്ന തി​ര​ക്കി​ലാ​ണ് ഇ​പ്പോ​ൾ ഇ​ദ്ദേ​ഹം. ക​ട​പു​ഴ ഭാ​ഗ​ത്തേ​ക്കു​ള്ള പാ​ലം വൃ​ത്തി​യാ​ക്കി ക​ഴി​ഞ്ഞു.

ഇ​പ്പോ​ൾ ശാ​സ്​​താം​കോ​ട്ട ഭാ​ഗ​ത്തേ​ക്കു​ള്ള പാ​ലം വൃ​ത്തി​യാ​ക്കി കൊ​ണ്ടി​രി​ക്കു​ക​യാ​ണ്. വെ​റു​തേ കാ​ടു​ക​ൾ വെ​ട്ടി​പ്പോ​വു​ക​യ​ല്ല, ഈ ​ഭാ​ഗ​ത്തു​ള്ള പു​ല്ലു​വ​രെ ചെ​ത്തി, യാ​ത്ര​ക്ക്​ അ​സൗ​ക​ര്യ​മാ​യി പാ​ല​ത്തി​ൽ കി​ട​ക്കു​ന്ന മ​ൺ​കൂ​ന​ക​ൾ​വ​രെ അ​വി​ടെ​നി​ന്ന് മാ​റ്റി​യാ​ണ് വൃ​ത്തി​യാ​ക്കു​ന്ന​ത്.

37 വ​ർ​ഷം സൗ​ദി​യി​ലെ റോ​ഡു​ക​ളും പാ​ർ​ക്കു​ക​ളും ഉ​ൾ​പ്പെ​ടെ​യു​ള്ള പൊ​തു സ്ഥ​ല​ങ്ങ​ൾ വൃ​ത്തി​യാ​യി സൂ​ക്ഷി​ക്കു​ക​യും ചെ​ടി​ക​ളും മ​റ്റും വെ​ച്ച് പി​ടി​പ്പി​ക്കു​ന്ന ജോ​ലി ചെ​യ്തു​വ​രി​ക​യാ​യി​രു​ന്നു. ര​ണ്ട് മാ​സം മു​മ്പാ​ണ് നാ​ട്ടി​ൽ വ​ന്ന​ത്. കാ​രാ​ളി​മു​ക്കി​ലെ ര​ണ്ട് പാ​ല​ങ്ങ​ളു​ടെ​യും കാ​ട് മൂ​ടി​ക്കി​ട​ക്കു​ന്ന അ​വ​സ്ഥ ക​ണ്ട് ഇ​ത് വൃ​ത്തി​യാ​ക്കാ​ൻ സ്വ​യം സ​ന്ന​ദ്ധ​നാ​യി ഇ​റ​ങ്ങു​ക​യാ​യി​രു​ന്നു.

കാ​രാ​ളി​മു​ക്ക് ജു​മാ​മ​സ്ജി​ദി​ലെ ന​മ​സ്കാ​ര​ത്തി​ന് ശേ​ഷം സ​മ​യം പോ​ലെ​യാ​ണ് വൃ​ത്തി​യാ​ക്ക​ൽ ന​ട​ക്കു​ന്ന​ത്. ഇ​പ്പോ​ഴ​ത്തെ പ്ര​വൃ​ത്തി തു​ട​ങ്ങി​യി​ട്ട് ര​ണ്ടാ​ഴ്ച പി​ന്നി​ട്ടി​ട്ടു​ണ്ട്. തി​ര​ക്കേ​റി​യ റോ​ഡി​ൽ ഇ​ദ്ദേ​ഹം ചെ​യ്യു​ന്ന പ്ര​വ​ർ​ത്ത​നം ക​ണ്ടി​ട്ട് പ​ല​രും അ​ഭി​ന​ന്ദ​ന​വു​മാ​യി വ​ന്നി​ട്ടു​ണ്ട്. ക​ഴി​ഞ്ഞ ദി​വ​സം മ​റ്റൊ​രാ​ൾ കൂ​ടി സ്വ​യം സ​ന്ന​ദ്ധ​നാ​യി ഇ​ദ്ദേ​ഹ​ത്തോ​ടൊ​പ്പം ചേ​ർ​ന്നി​രു​ന്നു.

വൃ​ത്തി​യാ​ക്കു​ന്ന ഭാ​ഗ​ങ്ങ​ളി​ൽ ചെ​ടി​ക​ളും മ​റ്റും വെ​ച്ചു​പി​ടി​പ്പി​ക്കാ​നും ല​ക്ഷ്യ​മി​ടു​ന്നു. പാ​ല​ങ്ങ​ൾ വൃ​ത്തി​യാ​ക്കി​ക്ക​ഴി​ഞ്ഞാ​ൽ ഏ​റെ വൃ​ത്തി​ഹീ​ന​മാ​യി കി​ട​ക്കു​ന്ന കാ​രാ​ളി​മു​ക്ക് ജ​ങ്​​ഷ​നും പ​രി​സ​ര പ്ര​ദേ​ശ​ങ്ങ​ളും വൃ​ത്തി​യാ​ക്കാ​നു​ള്ള ത​യാ​റെ​ടു​പ്പി​ലാ​ണ് ഇ​ദ്ദേ​ഹം. ജ​മീ​ലാ​ബീ​വി​യാ​ണ്​ ഭാ​ര്യ. ആ​റ്​ മ​ക്ക​ളു​മു​ണ്ട്.