ശാസ്താംകോട്ട കായൽ ദുരന്തത്തിന് ഇന്ന് 43 ആണ്ട്

ശാ​സ്താംകോ​ട്ട: കേ​ര​ള​ത്തെ ഞെ​ട്ടി​ച്ച ശാ​സ്താം​കോ​ട്ട കാ​യ​ൽ​ദു​ര​ന്തം ന​ട​ന്നി​ട്ട് വ്യാ​ഴാ​ഴ്ച 43 ആ​ണ്ട്. 1982 ജ​നു​വ​രി 16 മ​ക​ര​പ്പൊ​ങ്ക​ലി​ന്റെ ത​ലേ​ദി​വ​സം ശാ​സ്താം​കോ​ട്ട കാ​യ​ലി​ൽ വ​ള്ളം മു​ങ്ങി 24 പേ​ർ മ​രി​ക്കു​ക​യാ​യി​രു​ന്നു. പ്ര​സി​ദ്ധ​മാ​യ ശാ​സ്താം​കോ​ട്ട​ച​ന്ത​യി​ൽ എ​ത്തി സാ​ധ​ന​ങ്ങ​ൾ വി​ൽ​ക്കു​ന്ന​തി​നും വാ​ങ്ങു​ന്ന​തി​നും ക്ഷേ​ത്ര​ദ​ർ​ശ​നം ന​ട​ത്തു​ന്ന​തി​നും എ​ത്തി​യ പ​ടി​ഞ്ഞാ​റേ​ക​ല്ല​ട സ്വ​ദേ​ശി​ക​ളാ​ണ് ഏ​റെ​യും മ​ര​ണ​പ്പെ​ട്ട​ത്.

മു​ങ്ങി​മ​രി​ച്ച 24 പേ​രി​ൽ 22പേ​രും പ​ടിഞ്ഞാ​റേ ക​ല്ല​ട​യി​ലെ വി​ള​ന്ത​റ​ ദേ​ശ​ക്കാ​രാ​യി​രു​ന്നു. സാ​ധ​ന​ങ്ങ​ൾ വാ​ങ്ങി ശാ​സ്താം​കോ​ട്ട അ​മ്പ​ല​ക്ക​ട​വി​ൽ നി​ന്ന് പ​ടി. ക​ല്ല​ട​യി​ലെ വെ​ട്ടോ​ലി​ക്ക​ട​വി​ലേ​ക്ക് ക​ട​ത്തു​വ​ള്ള​ത്തി​ൽ ആ​ളു​ക​ൾ ക​യ​റി. മു​മ്പേ വീ​ട​ണ​യാ​നു​ള്ള വെ​പ്രാ​ള​ത്തി​ൽ വ​ള്ള​ത്തി​ൽ പ​രി​ധി​യി​ല​ധി​കം പേ​ർ ക​യ​റു​ക​യാ​യി​രു​ന്നു. ഒ​പ്പം യ​ഥേ​ഷ്ടം സാ​ധ​ന​ങ്ങ​ളും. ക​ട​ത്തു​കാ​രു​ടെ മു​ന്ന​റി​യി​പ്പും ആ​രും വ​ക​െ​വ​ച്ചി​ല്ല. കാ​യ​ലി​ന്‍റെ ന​ടു​ക്ക് എ​ത്തി​യ​തോ​ടെ ശ​ക്ത​മാ​യ കാ​റ്റി​ൽ വ​ള്ളം ആ​ടി​യു​ല​യാ​ൻ തു​ട​ങ്ങി. വ​ള്ളം അ​പ​ക​ട​ത്തി​ൽ​പ്പെ​ടു​മെ​ന്ന് ക​ണ്ട​തോ​ടെ തീ​ര​ത്തു​നി​ന്ന് മ​റ്റൊ​രു വ​ള്ള​മെ​ത്തി. ഉ​ട​ൻ​ത​ന്നെ എ​ല്ലാ​വ​രും ഈ ​വ​ള്ള​ത്തി​ൽ ക​യ​റാ​ൻ തി​ക്കി​ത്തി​ര​ക്കി.

തു​ട​ർ​ന്ന്​ ര​ണ്ട് വ​ള്ള​ങ്ങ​ളും മ​റി​യു​ക​യാ​യി​രു​ന്നു. വ​ള്ള​ക്കാ​രും നീ​ന്ത​ൽ അ​റി​യാ​വു​ന്ന​വ​രും ഏ​റെ പേ​രെ ര​ക്ഷ​പ്പെ​ടു​ത്തി​യ​ങ്കി​ലും 24 പേ​ർ കാ​യ​ലി​ന്‍റെ കാ​ണാ​ക്ക​യ​ത്തി​ൽ മു​ങ്ങി​ത്താ​ണു. മ​രി​ച്ച​വ​രി​ൽ ഏ​റെ​യും സ്ത്രീ​ക​ളും കു​ട്ടി​ക​ളു​മാ​യി​രു​ന്നു. ര​ക്ഷാ​പ്ര​വ​ർ​ത്ത​ക​രി​ൽ ചി​ല​രും മ​ര​ണ​പ്പെ​ട്ടു. കൊ​ച്ചി​യി​ൽ​നി​ന്ന് മു​ങ്ങ​ൽ വി​ദ​ഗ്​​ധ​ർ എ​ത്തി​യാ​ണ് ര​ണ്ടു​മൂ​ന്ന് ദി​വ​സ​ത്തി​ന് ശേ​ഷം മൃ​ത​ദേ​ഹ​ങ്ങ​ൾ ക​ണ്ടെ​ടു​ത്ത​ത്. ആ ​കാ​ല​ഘ​ട്ട​ത്തി​ൽ കാ​യ​ലി​ന്‍റെ ആ​ഴം സം​ബ​ന്ധി​ച്ച് അ​ഭ്യൂ​ഹ​ങ്ങ​ൾ പ്ര​ച​രി​ച്ചി​രു​ന്നു. ര​ക്ഷ​പ്പെ​ട്ട​വ​രെ​യും ര​ക്ഷാ​പ്ര​വ​ർ​ത്ത​ക​രെ​യും കു​റി​ച്ചു​ള്ള വീ​ര​സാ​ഹ​സ​ങ്ങ​ളും ദു​ര​ന്ത​ത്തെ അ​ടി​സ്ഥാ​ന​മാ​ക്കി ക​വി​ത​ക​ളും അ​ന്ന് പ്ര​ച​രി​ച്ചു.

കാ​യ​ൽ​ദു​ര​ന്ത​ത്തി​ൽ ര​ക്ഷ​പ്പെ​ട്ട പ​ല​രും ഇ​പ്പോ​ഴും ജീ​വി​ച്ചി​രി​പ്പു​ണ്ട്. ന​മ്മു​ടെ കാ​യ​ൽ കൂ​ട്ടാ​യ്മ പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ഇ​പ്പോ​ഴും ദു​ര​ന്തം ന​ട​ന്ന ദി​വ​സം അ​നു​സ്മ​ര​ണ​ങ്ങ​ൾ സം​ഘ​ടി​പ്പി​ച്ചു​വ​രു​ന്നു. ര​ക്ഷ​പ്പെ​ട്ട​വ​രും ദു​ര​ന്ത​ത്തി​ൽ മ​രി​ച്ച​വ​രു​ടെ കു​ടും​ബാം​ഗ​ങ്ങ​ളു​മ​ട​ക്കം അ​നു​സ്മ​ര​ണ ച​ട​ങ്ങി​ൽ പ​ങ്കെ​ടു​ക്കും