299 രൂപക്ക് 10 ലക്ഷം രൂപയുടെ അപകട ഇൻഷുറൻസ്

കൊല്ലം: 299 രൂപ മുടക്കിയാൽ 10 ലക്ഷം രൂപ വരെയുള്ള അപകട ഇൻഷുറൻസ് പരിരക്ഷ. തപാൽവകുപ്പിനു കീഴിലുള്ള ഇന്ത്യ പോസ്റ്റ് പേമെന്‍റ്സ് ബാങ്കാണ് ഇത്തരമൊരു പദ്ധതി ആവിഷ്കരിച്ചിരിക്കുന്നത്. തപാൽവകുപ്പിന്റെ പേമെന്‍റ്സ് ബാങ്കിൽ അക്കൗണ്ടുള്ളവർക്കാണ് ‘പേഴ്സനൽ/ഗ്രൂപ് ആക്സിഡന്‍റ് ഗാർഡ്’ എന്ന പേരിലുള്ള അപകട ഇൻഷുറൻസ് പോളിസിയിൽ ചേരാനാകുക.

299 രൂപ, 399 രൂപ എന്നിങ്ങനെ രണ്ടുതരം ആക്സിഡന്റ് പോളിസികൾ ഉപഭോക്താവിന് തെരഞ്ഞെടുക്കാൻ അവസരമുണ്ട്. പോളിസിയിൽ ചേരാനുള്ള പ്രായപരിധി: 18- 65 വയസ്സ്. ഇന്ത്യ പോസ്റ്റ് പേമെന്‍റ്സ് ബാങ്ക്, ടാറ്റ എ.ഐ.ജി, ബജാജ് എന്നീ ഇൻഷുറൻസ് കമ്പനികളുമായി ചേർന്നാണ് പോളിസി ലഭ്യമാക്കിയിരിക്കുന്നത്.