Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightദുരിതം നൽകി അപൂർവരോഗം;...

ദുരിതം നൽകി അപൂർവരോഗം; യുവതി സഹായം തേടുന്നു

text_fields
bookmark_border
ദുരിതം നൽകി അപൂർവരോഗം; യുവതി സഹായം തേടുന്നു
cancel
camera_alt

1. സ്മിതയും ഭർത്താവ്​ പ്രദീപും. 2. അപൂർവരോഗം ബാധിച്ച സ്​മിതയുടെ കാലുകൾ

ചവറ: കാലിൽ കറുത്ത പാടുകളായി പ്രത്യക്ഷപ്പെട്ട്​ തുടങ്ങിയ അപൂർവരോഗം തകർത്ത ജീവിതത്തിന്​ ആശ്വാസമാകാൻ സുമനസ്സുകളുടെ സഹായം തേടി യുവതിയും കുടുംബവും.

കറ​ുത്തപാടുകൾ വ്രണമാകുകയും ക്രമേണ വൃക്കകളെയും ഹൃദയത്തെയും കാഴ്​ചയെയും കീഴ്​പ്പെടുത്തുകയും ചെയ്​ത ദുരിതമാണ്​ ചവറ പന്മന കുറ്റിവട്ടം വളാലി തെക്കതിൽ സ്മിത (34) പങ്കു​െവക്കുന്നത്​. കാലിൽ മുറിവുകൾ പ്രത്യക്ഷപ്പെട്ട് തുടങ്ങിയ രോഗം വൃക്കകളുടെയും ഹൃദയത്തി​െൻറയും പ്രവർത്തനത്തെയും ബാധിക്കുകയായിരുന്നു. പിന്നീടാണ്​ കാഴ്ചശക്തി കൂടി പൂർണമായും ഇല്ലാതായത്​.

ഭർത്താവ് പ്രദീപ് മൈക്ക് സെറ്റ്​ ഓപറേറ്ററായിരുന്നു. കാഴ്ച നഷ്​ടപ്പെട്ട സ്മിതയുടെയും വിദ്യാർഥികളായ മൂന്ന്​ കുട്ടികളുടെയും കാര്യം നോക്കേണ്ടിവരുന്നതിനാൽ പ്രദീപിന്​ എല്ലാ ദിവസവും ജോലിക്ക് പോകാൻ കഴിഞ്ഞിരുന്നില്ല. കോവിഡ്​ രോഗവ്യാപനം കാരണം ലോക്​ഡൗൺ ആയതോടെ ജോലിയും നിലച്ചു. 10, എട്ട്, നാല് ക്ലാസുകളിൽ പഠിക്കുന്ന മൂന്ന് കുട്ടികളാണ് ഇവർക്കുള്ളത്. മൂത്ത പെൺകുട്ടിക്ക് ഹൃദയസംബന്ധമായ അസുഖമുണ്ട്. സ്മിതക്ക് മാ​ത്രം 5100 രൂപയുടെ മരുന്നാണ് ആഴ്ചതോറും വേണ്ടത്. സ്മിതയുടെ വൃദ്ധരായ മാതാപിതാക്കളും ഇവരോടൊപ്പമാണ് കഴിയുന്നത്.

സഹായം നൽകാനാഗ്രഹിക്കുന്നവർക്കായി ബാങ്ക് ഓഫ് ഇന്ത്യ ഇടപ്പള്ളികോട്ട ശാഖയിൽ അക്കൗണ്ട്​ തുറന്നിട്ടുണ്ട്​. അക്കൗണ്ട്​ നമ്പർ: 8472 10 110014028. ഐ.എഫ്.എസ്​.സി കോഡ് BKID0008472. ഫോൺ നമ്പർ: 8086869421.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:helpRare diseaseyoung woman
Next Story