വന്യമൃഗങ്ങളാൽ ഇനിയും എത്ര ജീവൻ പൊലിയണം?

പു​ന​ലൂ​ർ: നി​ര​ന്ത​ര​മു​ണ്ടാ​കു​ന്ന വ​ന്യ​മൃ​ഗ​ങ്ങ​ളു​ടെ ഉ​പ​ദ്ര​വ​ത്തി​ൽ കി​ഴ​ക്ക​ൻ മ​ല​യോ​ര​ത്ത് ഇ​നി​യും എ​ത്ര ജീ​വ​നു​ക​ൾ ന​ഷ്ട​പ്പെ​ടേ​ണ്ടി​വ​രും. മൂ​ന്ന്​ വ​ർ​ഷ​ങ്ങ​ൾ​ക്കി​ടെ വ​ന്യ​മൃ​ഗ ആ​ക്ര​മ​ണ​ത്തി​ൽ ഈ ​മേ​ഖ​ല​യി​ൽ മൂ​ന്നു​പേ​രു​ടെ ജീ​വ​ൻ ന​ഷ്ട​പ്പെ​ട്ടു. വെ​ള്ളി​യാ​ഴ്ച രാ​വി​ലെ ആ​യൂ​ർ പെ​രു​ങ്ങ​ള്ളൂ​രി​ൽ സാ​മു​വ​ൽ വ​ർ​ഗീ​സി​നെ കാ​ട്ടു​പോ​ത്ത് ആ​ക്ര​മി​ച്ചു കൊ​ല​പ്പെ​ടു​ത്തി​യ​താ​ണ്​ ഒ​ടു​വി​ല​ത്തെ​സം​ഭ​വം.

നൂ​റു​ക​ണ​ക്കി​ന് വ​ള​ർ​ത്തു മൃ​ഗ​ങ്ങ​ളെ​യും പു​ലി​യ​ട​ക്കം അ​ടു​ത്ത​കാ​ല​ത്താ​യി പി​ടി​ച്ചു​കൊ​ന്നു. ല​ക്ഷ​ക്ക​ണ​ക്കി​ന് രൂ​പ​യു​ടെ കൃ​ഷി​യാ​ണ് ഓ​രോ വ​ർ​ഷ​വും ന​ശി​പ്പി​ക്കു​ന്ന​ത്. വ​ന്യ​ജീ​വി​ക​ൾ കാ​ടി​റ​ങ്ങാ​തി​രി​ക്കാ​ൻ വ​നം വ​കു​പ്പ് കോ​ടി​ക​ൾ ചെ​ല​വി​ടു​ന്നു​ണ്ട്. ഇ​തി​ന് മ​തി​യാ​യ ഫ​ലം ഇ​ല്ലാ​താ​കു​ന്ന​തോ​ടെ മൃ​ഗ​ങ്ങ​ൾ ഒ​റ്റ​ക്കും കൂ​ട്ടാ​യും മ​ല​യോ​ര​വും​വി​ട്ട് ജ​ന​വാ​സ മേ​ഖ​ല​ക​ളി​ലേ​ക്ക് ഇ​റ​ങ്ങു​ന്ന അ​വ​സ്ഥ വ​ർ​ധി​ച്ചു.

ആ​യൂ​രി​ൽ വ​ന​വു​മാ​യി ബ​ന്ധ​വു​മി​ല്ലാ​ത്ത ഗ്രാ​മ​ത്തി​ലാ​ണ് കാ​ട്ടു​പോ​ത്തി​റ​ങ്ങി​യ​ത്. വ​ന​വു​മാ​യി നേ​രി​ട്ട് ബ​ന്ധ​മു​ള്ള കു​ള​ത്തൂ​പ്പു​ഴ, ആ​ര്യ​ങ്കാ​വ്, തെ​ന്മ​ല, പി​റ​വ​ന്തൂ​ർ പ​ഞ്ചാ​യ​ത്തു​ക​ൾ കൂ​ടാ​തെ സ​മീ​പ പ​ഞ്ചാ​യ​ത്തു​ക​ളി​ലേ​ക്കും ആ​ന​യും കാ​ട്ടു​പ​ന്നി​ക​ളും കാ​ട്ടു​പോ​ത്തു​ക​ളും ഇ​റ​ങ്ങി നാ​ശം വി​ത​ക്കു​ന്ന​ത് പ​തി​വാ​ണ്.

മൂ​ന്ന് വ​ർ​ഷം മു​മ്പ് തെ​ന്മ​ല​യി​ലെ കു​റ​വ​ന്താ​വ​ളം എ​സ്റ്റേ​റ്റി​ൽ റ​ബ​ർ ടാ​പ്പി​ങ്ങി​നി​ടെ തു​ള​സീ​ധ​ര​നെ കാ​ട്ടാ​ന ച​വി​ട്ടി​ക്കൊ​ന്നി​രു​ന്നു. ആ​റു​മാ​സം മു​മ്പ് അ​ലി​മു​ക്ക്-​അ​ച്ച​ൻ​കോ​വി​ൽ റോ​ഡി​ൽ ക​ട​മ്പു​പാ​റ​ക്ക് സ​മീ​പം അ​ജ്ഞാ​ത​നെ കാ​ട്ടാ​ന അ​തി​ദാ​രു​ണ​മാ​യി കൊ​ല​പ്പെ​ടു​ത്തി.

ജ​ന​വാ​സ മേ​ഖ​ല​യാ​യ അ​ച്ച​ൻ​കോ​വി​ലി​ൽ വീ​ട്ടി​ൽ ക​യ​റി​പോ​ലും ആ​ളു​ക​ളെ പ​ന്നി ആ​ക്ര​മി​ച്ചി​രു​ന്നു. ക​ഴി​ഞ്ഞ ദി​വ​സം ആ​ര്യ​ങ്കാ​വി​ൽ അ​റ​ണ്ട​ലി​ൽ സ്കൂ​ട്ട​ർ യാ​ത്രി​ക​നാ​യ മു​നി​യ സാ​മി കാ​ട്ടാ​ന​യി​ൽ​നി​ന്ന് ഭാ​ഗ്യ​ത്തി​നാ​ണ് ര​ക്ഷ​പ്പെ​ട്ട​ത്. ഒ​റ്റ​യാ​ൻ സ്കൂ​ട്ട​ർ ച​വി​ട്ടി​പ്പൊ​ളി​ച്ചു. മൂ​ന്നു​മാ​സം മു​മ്പ് അ​ച്ച​ൻ​കോ​വി​ൽ വീ​ട്ടി​ൽ ക​യ​റി യു​വ​തി​യെ കാ​ട്ടു​പ​ന്നി മാ​ര​ക​മാ​യി കു​ത്തി​യ സം​ഭ​വ​മു​ണ്ടാ​യി.

ക​ഴി​ഞ്ഞ ആ​ഗ​സ്റ്റ് 27ന് ​അ​മ്പ​നാ​ട് എ​സ്റ്റേ​റ്റ് തൊ​ഴി​ലാ​ളി അ​ന്തോ​ണി​യെ ഭാ​ര്യ​യു​ടെ മു​ന്നി​ലി​ട്ട് കാ​ട്ടാ​ന ആ​ക്ര​മി​ച്ചു ഗു​രു​ത​ര​മാ​യി പ​രി​ക്കേ​ൽ​പി​ച്ചു. ക​ഴി​ഞ്ഞ മാ​ർ​ച്ച് 23ന് ​അ​മ്പ​നാ​ട് അ​ര​ണ്ട ഡി​വി​ഷ​നി​ലെ കോ​ട്ട​യി​ലെ തോ​ട്ടം തൊ​ഴി​ലാ​ളി​യാ​യ സോ​പാ​ലി​ന് ആ​ന​യു​ടെ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റു.

മൂ​ന്ന് ദി​വ​സം മു​മ്പ് നാ​ഗ​മ​ല എ​സ്റ്റേ​റ്റ് തോ​ട്ടം തൊ​ഴി​ലാ​ളി പി​ച്ച മ​ണി​യു​ടെ തൊ​ഴു​ത്തി​ൽ കെ​ട്ടി​യി​രു​ന്ന പ​ശു​ക്കു​ട്ടി​യെ പു​ലി പി​ടി​ച്ചു കൊ​ന്നു. വ​ന്യ​ജീ​വി​ക​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ച​ത് വ​ന​ത്തി​ലെ ആ​വാ​സ വ്യ​വ​സ്ഥ ത​കി​ടം മ​റി​ച്ചു. ഇ​വ​ക്ക്​ ആ​വ​ശ്യ​മാ​യ തീ​റ്റ​യും വെ​ള്ള​വും ഇ​ല്ലാ​താ​യ​തോ​ടെ സ​മീ​പ​ത്തെ കൃ​ഷി​യി​ട​ങ്ങ​ളാ​ണ് ആ​ശ്ര​യം.

വ​ന്യ​ജീ​വി​ക​ളെ കാ​ട്ടി​ൽ ത​ന്നെ നി​ല​നി​ർ​ത്താ​നാ​വ​ശ്യ​മാ​യ നി​ല​യി​ൽ കു​ള​ങ്ങ​ൾ നി​ർ​മി​ക്കാ​നും ഈ​റ, മു​ള തു​ട​ങ്ങി​യ തീ​റ്റ​ക​ൾ​വെ​ച്ചു പി​ടി​പ്പി​ക്കാ​നും എ​ല്ലാ റേ​ഞ്ചു​ക​ളി​ലും മു​റ​ക്ക് ന​ട​ക്കു​ന്നു​ണ്ടെ​ങ്കി​ലും ഫ​ല​വ​ത്താ​കു​ന്നി​ല്ല. ഇ​തി​ന്‍റെ സൂ​ച​ന​യാ​ണ് മൃ​ഗ​ങ്ങ​ളു​ടെ കാ​ടി​റ​ക്കം.

വി​ഷ​യ​ത്തി​ൽ വ്യാ​പ​ക പ്ര​തി​ഷേ​ധം ഉ​യ​രു​മ്പോ​ഴും ഫ​ല​പ്ര​ദ​മാ​യി ന​ട​പ​ടി​ക​ൾ സ്വീ​ക​രി​ക്കു​വാ​ൻ അ​ധി​കൃ​ത​ർ ത​യ്യാ​റാ​വു​ന്നി​ല്ല എ​ന്നു​ള്ള​താ​ണ് ആ​ക്ഷേ​പം. ആ​ക്ര​മ​ണം ത​ട​യാ​ൻ മാ​സ്റ്റ​ർ പ്ലാ​ൻ അ​ട​ക്കം ത​യാ​റാ​ക്കി​യെ​ങ്കി​ലും ഒ​ന്നും ഫ​ല​പ്രാ​പ്തി​യി​ൽ എ​ത്തി​യി​ട്ടി​ല്ല. കൂ​ടാ​തെ ആ​ക്ര​മ​ങ്ങ​ൾ​ക്ക് വി​ധേ​യ​രാ​കു​ന്ന​വ​ർ​ക്കും കൃ​ഷി​നാ​ശം ഉ​ൾ​പ്പെ​ടെ സം​ഭ​വി​ക്കു​ന്ന​വ​ർ​ക്കു​ള്ള ന​ഷ്ട​പ​രി​ഹാ​രം സ​മ​യ​ത്തി​ന് ല​ഭി​ക്കാ​റു​മി​ല്ല. തു​ച്ഛ​മാ​യി ല​ഭി​ക്കു​ന്ന തു​ക വ​ള​രെ പ്ര​യാ​സ​പ്പെ​ട്ടാ​ണ് അ​ധി​കൃ​ത​ർ നി​ന്നും ല​ഭി​ക്കു​ന്ന​ത്.

ഗൾഫിൽനിന്ന് രാത്രി വീട്ടിലെത്തി, രാവിലെ കൊല്ലപ്പെട്ടു

അ​ഞ്ച​ൽ: കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട സാ​മു​വ​ൽ വ​ർ​ഗീ​സും ഭാ​ര്യ​യും മ​ക​ളു​ടെ പ്ര​സ​വ ശു​ശ്രൂ​ഷ​ക്കാ​യി ക​ഴി​ഞ്ഞ മൂ​ന്നു​മാ​സ​മാ​യി ഗ​ൾ​ഫി​ലാ​യി​രു​ന്നു. വ്യാ​ഴാ​ഴ്ച രാ​ത്രി എ​ട്ട​ര​യോ​ടെ​യാ​ണ് ഇ​രു​വ​രും നാ​ട്ടി​ലെ​ത്തി​യ​ത്.

വീ​ടി​നോ​ട് ചേ​ർ​ന്നു​ള്ള റ​ബ്ബ​ർ പു​ര​യി​ട​ത്തി​ൽ കാ​ട്ടു​പ​ന്നി ക​യ​റി​യെ​ന്ന്​ ക​രു​തി ടാ​പ്പി​ങ് ന​ട​ത്തു​ന്ന​യാ​ൾ സാ​മു​വ​ൽ വ​ർ​ഗീ​സി​നെ വി​ളി​ച്ച​റി​യി​ച്ചു. തു​ട​ർ​ന്നെ​ത്തി​യ സാ​മു​വ​ൽ വ​ർ​ഗീ​സും ടാ​പ്പി​ങ് തൊ​ഴി​ലാ​ളി​യും ചേ​ർ​ന്ന് വി​ര​ട്ടി​യോ​ടി​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് അ​പ്ര​തീ​ക്ഷി​ത​മാ​യി കാ​ട്ടു​പോ​ത്ത് പാ​ഞ്ഞ​ടു​ത്ത​ത്.

ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ സാ​മു​വ​ൽ വ​ർ​ഗീ​സി​നെ കാ​ട്ടു​പോ​ത്ത് ആ​ക്ര​മി​ച്ച് ക​ഴി​ഞ്ഞി​രു​ന്നു. ഈ​സ​മ​യം പ്രാ​ണ​ര​ക്ഷാ​ർ​ത്ഥം റ​ബ്ബ​ർ മ​ര​ത്തി​ൽ ക​യ​റി ര​ക്ഷ​പ്പെ​ട്ട ടാ​പ്പി​ങ് തൊ​ഴി​ലാ​ളി​യു​ടെ ബ​ഹ​ളം കേ​ട്ടാ​ണ് പ​രി​സ​ര​വാ​സി​ക​ൾ ഓ​ടി​യെ​ത്തി​യ​ത്.