ജനവാസമേഖലയിൽ കക്കൂസ് മാലിന്യം തള്ളി

പു​ന​ലൂ​ർ: ജ​ന​വാ​സ​മേ​ഖ​ല​യി​ൽ റോ​ഡി​ലും ജ​ല​സ്രോ​ത​സ്സി​ലും ക​ക്കൂ​സ് മാ​ലി​ന്യം ത​ള്ളി. ന​ഗ​ര​സ​ഭ​യി​ലെ ക​ല​ങ്ങും​മു​ക​ൾ വാ​ർ​ഡി​ലെ പ​കി​ടി ഭാ​ഗ​ത്താ​ണ് ക​ഴി​ഞ്ഞ​ദി​വ​സം പു​ല​ർ​ച്ച ദു​ർ​ഗ​ന്ധ​ത്തോ​ടെ വീ​ടു​ക​ൾ​ക്ക് മു​ന്നി​ൽ റോ​ഡി​ലാ​യി മാ​ലി​ന്യം ക​ണ്ട​ത്.

അ​ർ​ധ​രാ​ത്രി​യി​ൽ പ്ര​ദേ​ശ​ത്തെ വീ​ട്ടി​ൽ സെ​പ്റ്റി​ക്ക് ടാ​ങ്ക് ശു​ചീ​ക​ര​ണ​ത്തി​ന് വ​ന്ന ക​രാ​ർ പ​ണി​ക്കാ​രു​ടെ പ​മ്പു​സെ​റ്റി​ന് വ​ന്ന ത​ക​രാ​റു​മൂ​ല​മാ​ണ് കു​റ​ച്ച​ധി​കം മാ​ലി​ന്യ​വും മ​ലി​ന​ജ​ല​വും റോ​ഡി​ലൂ​ടെ ഒ​ഴു​കാ​ൻ ഇ​ട​യാ​യ​തെ​ന്നാ​ണ്​ ക​രു​തി​യ​ത്. പ്ര​ദേ​ശ​വാ​സി​ക​ൾ വി​വ​രം അ​റി​യി​ച്ച​തി​നെ​തു​ട​ർ​ന്ന് സ്ഥ​ല​ത്തെ​ത്തി​യ വാ​ർ​ഡ് കൗ​ൺ​സി​ല​ർ ജി. ​ജ​യ​പ്ര​കാ​ശും നാ​ട്ടു​കാ​രും ചേ​ർ​ന്ന് ശു​ചീ​ക​ര​ണ പ്ര​വ​ർ​ത്ത​നം ന​ട​ത്തി.

പു​ന​ലൂ​ർ ഫ​യ​ർ​ഫോ​ഴ്സ് സം​ഘം റോ​ഡ് ക​ഴു​കി വൃ​ത്തി​യാ​ക്കി. ന​ഗ​ര​സ​ഭ ആ​രോ​ഗ്യ​വി​ഭാ​ഗം ജീ​വ​ന​ക്കാ​ർ ബ്ലീ​ച്ചി​ങ്​ പൗ​ഡ​റും ക്ലോ​റി​നേ​ഷ​നും ന​ട​ത്തി. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ടാ​ങ്ക​റി​ൽ കൊ​ണ്ടു​പോ​യ മാ​ലി​ന്യം സ​മീ​പ​ത്തു​ള്ള തോ​ട്ടി​ലേ​ക്ക് ഒ​ഴു​ക്കി​ക്ക​ള​ഞ്ഞ​താ​യി മ​ന​സ്സി​ലാ​യ​ത്.

കൗ​ൺ​സി​ല​ർ ന​ൽ​കി​യ പ​രാ​തി​യെ​തു​ട​ർ​ന്ന് പു​ന​ലൂ​ർ പൊ​ലീ​സും ന​ഗ​ര​സ​ഭ​യും അ​ന്വേ​ഷ​ണം ആ​രം​ഭി​ച്ചു. റോ​ഡി​ലും ജ​ന​ങ്ങ​ളു​ടെ കു​ടി​വെ​ള്ള സ്രോ​ത​സ്സി​ലും ക​ക്കൂ​സ് മാ​ലി​ന്യം ത​ള്ളു​ന്ന​വ​രെ നി​യ​മ​പ​ര​മാ​യി നേ​രി​ടു​മെ​ന്ന് കൗ​ൺ​സി​ല​ർ അ​റി​യി​ച്ചു.