പള്ളിവാസലിൽ കാട്ടാനയിറങ്ങി; കൃഷി നശിപ്പിച്ചു

പു​ന​ലൂ​ർ: അ​ച്ച​ൻ​കോ​വി​ൽ പ​ള്ളി​വാ​സ​ലി​ൽ കാ​ട്ടാ​ന​യി​റ​ങ്ങി ഒ​റ്റ​ക്ക് താ​മ​സി​ക്കു​ന്ന വ​യോ​ധി​ക​യു​ടെ കൃ​ഷി ന​ശി​പ്പി​ച്ചു. അ​ച്ച​ൻ​കോ​വി​ൽ- ചെ​ങ്കോ​ട്ട പാ​ത​യോ​ര​ത്ത്​ വ​ന​ത്തി​ന്​ ന​ടു​വി​ൽ ഒ​മ്പ​ത് കു​ടും​ബ​ങ്ങ​ളാ​ണ് വ​ർ​ഷ​ങ്ങ​ളാ​യി താ​മ​സി​ച്ചു​വ​രു​ന്ന​ത്. പ​ള്ളി​വാ​സ​ൽ താ​വ​ള​ത്ത് വീ​ട്ടി​ൽ മ​സൂ​ദ​മ്മ​യു​ടെ കൃ​ഷി​യി​ട​ത്തി​ലാ​ണ് കാ​ട്ടാ​ന ഇ​റ​ങ്ങി നാ​ശം​വ​രു​ത്തു​ന്ന​ത്. ക​ഴി​ഞ്ഞ രാ​ത്രി ര​ണ്ടു​ത​വ​ണ​യാ​യി ആ​ന​ക​ളെ​ത്തി.

ആ​റി​ന് മ​റു​ക​ര​യി​ൽ​നി​ന്ന്​ കൂ​ട്ട​മാ​യും ഒ​റ്റ​യാ​നും എ​ത്തി​യ​ത്. പ​റ​മ്പി​ലു​ണ്ടാ​യി​രു​ന്ന തെ​ങ്ങ്, ക​മു​ങ്ങ് തു​ട​ങ്ങി​യ​വ​യെ​ല്ലാം പി​ഴു​തും ഓ​ടി​ച്ചും ന​ശി​പ്പി​ച്ചു. മ​സൂ​ദ​മ്മ ഒ​റ്റ​ക്കാ​ണ് താ​മ​സി​ക്കു​ന്ന​ത്. അ​ടു​ത്ത​കാ​ല​ത്താ​യി ഇ​വ​രു​ടെ പു​ര​യി​ട​ത്തി​ലെ 50 മൂ​ട് ക​മു​ങ്ങ്, എ​ട്ട് മൂ​ട് തെ​ങ്ങ് തു​ട​ങ്ങി​യ​വ ആ​ന ന​ശി​പ്പി​ച്ചി​രു​ന്നു. പ​രി​സ​ര​ങ്ങ​ളി​ലെ​ല്ലാം വീ​ടു​ക​ളു​ണ്ടെ​ങ്കി​ലും ഏ​റ്റ​വും കൂ​ടു​ത​ൽ കൃ​ഷി​നാ​ശം ഇ​വ​രു​ടെ പു​ര​യി​ട​ത്തി​ലാ​ണു​ണ്ടാ​യ​ത്.

ശ​നി​യാ​ഴ്ച രാ​ത്രി കാ​ട്ടാ​ന ഇ​റ​ങ്ങി​യ വി​വ​ര​മ​റി​ഞ്ഞ്​ പ​രി​സ​ര​ത്തു​ള്ള​വ​ർ എ​ത്തി ആ​ന​യെ വ​ര​ട്ടി ഓ​ടി​ക്കു​ക​യാ​യി​രു​ന്നു. സം​ഭ​വം അ​റി​ഞ്ഞ്​ ഞാ​യ​റാ​ഴ്ച അ​ച്ച​ൻ​കോ​വി​ൽ നി​ന്നു​ള്ള വ​നം അ​ധി​കൃ​ത​രെ​ത്തി നാ​ശ​ന​ഷ്ടം വി​ല​യി​രു​ത്തി.