ചൂട് കഠിനം; ജലക്ഷാമം; കനാലുകൾ തുറക്കണമെന്ന് ആവശ്യം

പു​ന​ലൂ​ർ: മ​ഴ മാ​റി ചൂ​ട് കൂ​ടി​യ​തോ​ടെ ക​ല്ല​ട ജ​ല​സേ​ച​ന പ​ദ്ധ​തി​യു​ടെ ക​നാ​ലു​ക​ൾ തു​റ​ക്ക​ണ​മെ​ന്ന ആ​വ​ശ്യ​മു​യ​രു​ന്നു. ക​നാ​ൽ വെ​ള്ളം എ​ത്തു​ന്ന മേ​ഖ​ല​ക​ളി​ൽ നി​ല​വി​ൽ പ​ച്ച​ക്ക​റി അ​ട​ക്ക​മു​ള്ള കൃ​ഷി​ക്ക് വെ​ള്ളം കോ​രി ന​ന​ക്കു​ക​യാ​ണ് ചെ​യ്യു​ന്ന​ത്. തോ​ടു​ക​ളി​ലും നീ​ർ​ച്ചാ​ലു​ക​ളും വെ​ള്ളം കു​റ​ഞ്ഞ​തോ​ടെ പ​ല​യി​ട​ത്തും ജ​ല​ക്ഷാ​മം തു​ട​ങ്ങി. കൃ​ഷി​ക്ക്​ വേ​ണ്ട വെ​ള്ളം ല​ഭി​ച്ചാ​ൽ മെ​ച്ച​പ്പെ​ട്ട വി​ള​വി​നൊ​പ്പം അ​ധ്വാ​ന​വും കു​റ​യു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

മു​ൻ വ​ർ​ഷ​ങ്ങ​ളി​ൽ പ​ല​യി​ട​ത്തും വെ​ള്ളം കി​ട്ടാ​തെ കൃ​ഷി ഉ​ണ​ങ്ങി ന​ശി​ച്ചി​ട്ടും ഏ​റെ മു​റ​വി​ളി​ക്ക് ശേ​ഷ​മാ​ണ് ക​നാ​ലി​ലൂ​ടെ വെ​ള്ളം തു​റ​ന്ന​ത്. ക​ഴി​ഞ്ഞ ജ​നു​വ​രി 13 ന്​ ​വ​ല​തു​ക​ര ക​നാ​ലും ദി​വ​സ​ങ്ങ​ൾ ക​ഴി​ഞ്ഞ്​ ഇ​ട​തു​ക​ര​യും തു​റ​ന്നി​രു​ന്നു. വ​ല​തു​ക​ര ക​നാ​ലി​ലെ വെ​ള്ളം കൊ​ല്ലം, പ​ത്ത​നം​തി​ട്ട ആ​ല​പ്പു​ഴ ജി​ല്ല​ക​ളി​ലും ഇ​ട​ത് ക​ര​യി​ലേ​ത് കൊ​ല്ലം ജി​ല്ല​ക്കു​മാ​ണ്​ ഉ​പ​ക​രി​ക്കു​ന്ന​ത്. ആ​യി​ര​ക്ക​ണ​ക്കി​ന് ഹെ​ക്ട​ർ കൃ​ഷി​ക്കും കു​ടി​വെ​ള്ള​ത്തി​നും ക​നാ​ൽ വെ​ള്ളം പ്ര​യോ​ജ​ന​പ്പെ​ടു​ന്നു. തെ​ന്മ​ല പ​ര​പ്പാ​ർ ഡാ​മി​ലെ വെ​ള്ളം ഒ​റ്റ​ക്ക​ൽ ത​ട​യ​ണ​യി​ൽ സം​ഭ​രി​ച്ചാ​ണ് ക​നാ​ലു​ക​ളി​ലൂ​ടെ​യും ക​ല്ല​ട​യാ​റ്റി​ലൂ​ടെ​യും തു​റ​ന്നു​വി​ടു​ന്ന​ത്.

ഇ​ത്ത​വ​ണ ക​നാ​ലു​ക​ൾ തു​റ​ക്കു​ന്ന​ത് സം​ബ​ന്ധി​ച്ച് തീ​രു​മാ​ന​മെ​ടു​ത്തി​ട്ടി​ല്ലെ​ന്നാ​ണ് തെ​ന്മ​ല കെ.​ഐ.​പി അ​ധി​കൃ​ത​ർ പ​റ​യു​ന്ന​ത്. ക​നാ​ൽ അ​റ്റ​കു​റ്റ​പ്പ​ണി​യും ശു​ചീ​ക​ര​ണ​വും പൂ​ർ​ത്തി​യാ​ക്കാ​തെ വെ​ള്ളം തു​റ​ന്നാ​ൽ അ​പ​ക​ട​വും അ​തി​ലു​പ​രി കൃ​ഷി​ക്ക് വേ​ണ്ട​ത്ര വെ​ള്ളം ല​ഭി​ക്കാ​ത്ത സാ​ഹ​ച​ര്യ​വു​മു​ണ്ടാ​കും.