ട്രെ​യി​നി​നു​നേ​രെ ക​ല്ലേ​റ്; അ​ന്വേ​ഷ​ണം ഊ​ർ​ജി​ത​ം

പു​ന​ലൂ​ർ: ട്രെ​യി​നി​നു​നേ​രെ​യു​ള്ള ക​ല്ലേ​റും യാ​ത്ര​ക്കാ​ര​ന്‍റെ ക​ണ്ണി​ന് പ​രി​ക്കേ​റ്റ​തും സം​ബ​ന്ധി​ച്ച് പു​ന​ലൂ​ർ റെ​യി​ൽ​വേ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.

പാ​ല​ക്കാ​ട് നി​ന്ന്​ തി​രു​നെ​ൽ​വേ​ലി​യി​ലേ​ക്ക് വ​ന്ന പാ​ല​രു​വി എ​ക്സ്പ്ര​സി​നു​നേ​രെ ഡി​സം​ബ​ർ ര​ണ്ടി​ന്​ രാ​ത്രി​യി​ൽ 11.30 ഓ​ടെ ക​രി​ക്കോ​ടി​നും ക​ട​പ്പാ​ക്കും ഇ​ട​യി​ലു​ള്ള ചാ​മ്പ​ക്കു​ളം ഭാ​ഗ​ത്തു​വെ​ച്ചാ​ണ്​ ക​ല്ലേ​റു​ണ്ടാ​യ​ത്. ക​ല്ലേ​റി​ൽ റെ​യി​ൽ​വേ​യു​ടെ ക​രാ​ർ തൊ​ഴി​ലാ​ളി തൂ​ത്തു​ക്കു​ടി ക​ട​മ്പൂ​ർ സ്വ​ദേ​ശി മാ​രി​യ​പ്പ​ൻ (37) ഇ​ട​ത് ക​ണ്ണി​ന് ഗു​രു​ത​ര പ​രി​ക്കേ​റ്റ് തി​രു​നെ​ൽ​വേ​ലി അ​ര​വി​ന്ദ് ക​ണ്ണാ​ശു​പ​ത്രി​യി​ൽ ചി​ക​ത്സ​യി​ലാ​ണ്. ക​രു​നാ​ഗ​പ്പ​ള്ളി​യി​ൽ റെ​യി​ൽ​വേ​യു​ടെ ജോ​ലി​ക്ക് ശേ​ഷം നാ​ട്ടി​ലേ​ക്ക് പോ​കു​ക​യാ​യി​രു​ന്നു ഇ​യാ​ൾ. ഗ്ലാ​സ് ഇ​ല്ലാ​ത്ത എ​മ​ർ​ജ​ൻ​സി വി​ൻ​ഡോ​യി​ലൂ​ടെ​യാ​ണ് പു​റ​ത്തു​നി​ന്ന്​ വ​ന്ന ക​ല്ല് എ​തി​ർ​വ​ശ​ത്തി​രു​ന്ന മാ​രി​യ​പ്പ​ന്‍റെ ക​ണ്ണി​ൽ ത​റ​ച്ച​ത്.

ഈ ​ട്രെ​യി​നി​ലു​ണ്ടാ​യി​രു​ന്ന ആ​ർ.​പി.​എ​ഫ് യാ​ത്ര​ക്കാ​ര​നെ ആ​ദ്യം പു​ന​ലൂ​രി​ലും പി​ന്നീ​ട് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും എ​ത്തി​ച്ചു. അ​വി​ടെ നി​ന്നാ​ണ് അ​ര​വി​ന്ദി​ലേ​ക്ക് മാ​റ്റി​യ​ത്. സം​ഭ​വ​ത്തി​ൽ പു​ന​ലൂ​ർ റെ​യി​ൽ​വേ പൊ​ലീ​സ് ജാ​മ്യ​മി​ല്ലാ​വ​കു​പ്പ് പ്ര​കാ​രം കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.

എ​സ്.​എ​ച്ച്.​ഒ അ​നി​ൽ​കു​മാ​റി​ന്‍റെ നേ​തൃ​ത്വ​ത്തി​ൽ പൊ​ലീ​സ് തി​രു​നെ​ൽ​വേ​ലി ആ​ശു​പ​ത്രി​യി​ലെ​ത്തി പ​രി​ക്കേ​റ്റ യു​വാ​വി​ന്‍റെ മൊ​ഴി രേ​ഖ​പ്പെ​ടു​ത്തി. പൊ​ലീ​സ് സം​ഘം പ​ല​ത​ല​വ​ണ ചാ​മ്പ​ക്കു​ളം ഭാ​ഗ​ത്ത് അ​ന്വേ​ഷ​ണ​ത്തി​ന് എ​ത്തി​യി​രു​ന്നെ​ങ്കി​ലും ക​ല്ലെ​റി​ഞ്ഞ​വ​രെ ക​ണ്ടെ​ത്താ​നാ​യി​ല്ല. രാ​ത്രി​യി​ലാ​യ​തി​നാ​ൽ ക​ല്ലേ​റ് ഉ​ണ്ടാ​യ ഭാ​ഗം കൃ​ത്യ​മാ​യി തി​രി​ച്ച​റി​യാ​ൻ യാ​ത്ര​ക്കാ​ര​നോ പൊ​ലീ​സി​നോ ക​ഴി​ഞ്ഞി​ട്ടി​ല്ല. സം​ഭ​വ​ത്തി​നു​ശേ​ഷം ഈ ​ഭാ​ഗ​ത്ത് ട്രെ​യി​ൻ ക​ട​ന്നു​പോ​കു​മ്പോ​ൾ ആ​ർ.​പി.​എ​ഫു​കാ​ർ കൂ​ടു​ത​ൽ ജാ​ഗ്ര​ത പാ​ലി​ക്കു​ന്നു​ണ്ട്.

കൊ​ല്ലം റെ​യി​ൽ​വേ സ്റ്റേ​ഷ​നി​ൽ​നി​ന്ന്​ നാ​ലു​കി​ലോ​മീ​റ്റ​റോ​ളം അ​ക​ലെ​യാ​ണ് ചാ​മ്പ​ക്കു​ളം ഭാ​ഗം. ചെ​ങ്കോ​ട്ട ലൈ​നും കൊ​ല്ലം-​എ​റ​ണാ​കു​ളം ലൈ​നും സ​ന്ധി​ക്കു​ന്ന ഭാ​ഗ​മാ​ണി​വി​ടം. മ​ദ്യ​വും മ​യ​ക്കു​മ​രു​ന്നും ഉ​പ​യോ​ഗി​ച്ച​തി​നു​ശേ​ഷം രാ​ത്രി​യി​ൽ റെ​യി​ൽ​വേ ലൈ​നി​നോ​ട് ചേ​ർ​ന്ന് സാ​മൂ​ഹി​ക​വി​രു​ദ്ധ​ശ​ല്യം പ​തി​വാ​ണ്. ട്രെ​യി​നി​ന് നേ​രെ ക​ല്ലേ​റും മ​റ്റ് അ​നി​ഷ്ട​സം​ഭ​വ​ങ്ങ​ളും ഉ​ണ്ടാ​കാ​റു​ണ്ടെ​ന്ന് പൊ​ലീ​സ് പ​റ‍ഞ്ഞു. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കു​ന്ന​തി​ന് കൊ​ല്ലം കോ​ർ​പ​റേ​ഷ​നി​ലെ ഈ ​ഭാ​ഗ​ത്തു​ള്ള മൂ​ന്ന് കൗ​ൺ​സി​ല​ർ​മാ​രെ ഉ​ൾ​പ്പെ​ടെ പ​ങ്കെ​ടു​പ്പി​ച്ച് ബോ​ധ​വ​ത്​​ക​ര​ണ ക്ലാ​സ് ന​ട​ത്തി. താ​മ​സി​യാ​തെ ഒ​രു ക്ലാ​സു​കൂ​ടി സം​ഘ​ടി​പ്പി​ക്കു​മെ​ന്ന് എ​സ്.​എ​ച്ച്.​ഒ പ​റ​ഞ്ഞു.