പു​ന​ലൂ​ർ ന​ഗ​ര​സ​ഭ​യിലെ സത്യഗ്രഹ സമരം; കൗ​ൺ​സി​ല​ർ​മാ​രെ അ​റ​സ്റ്റ് ചെ​യ്തു നീക്കി

പു​ന​ലൂ​ർ: ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ന്റെ മി​നി​റ്റ്​​സ്​ ആ​വ​ശ്യ​പ്പെ​ട്ട് ഓ​ഫി​സി​നു​ള്ളി​ൽ അ​നി​ശ്ചി​ത​കാ​ല സ​ത്യ​ഗ്ര​ഹ സ​മ​രം ന​ട​ത്തി വ​ന്ന യു.​ഡി.​എ​ഫ് കൗ​ൺ​സി​ല​ർ​മാ​രെ ക​ഴി​ഞ്ഞ​ദി​വ​സം അ​ർ​ധ​രാ​ത്രി​യോ​ടെ പൊ​ലീ​സ് അ​റ​സ്റ്റ് ചെ​യ്തു നീ​ക്കി. മി​നി​റ്റ്​​​സി​നെ ചൊ​ല്ലി യു.​ഡി.​എ​ഫ്, എ​ൽ.​ഡി.​എ​ഫ് കൗ​ൺ​സി​ല​ർ​മാ​ർ ക​ഴി​ഞ്ഞ വെ​ള്ളി​യാ​ഴ്ച ന​ഗ​ര​സ​ഭ​യി​ൽ ഏ​റ്റു​മു​ട്ടി​യി​രു​ന്നു. ഇ​രു​പ​ക്ഷ​ത്തെ​യും വ​നി​ത​ക​ള​ട​ക്കം മി​ക്ക കൗ​ൺ​സി​ല​ർ​മാ​ർ​ക്കും മ​ർ​ദ​ന​മേ​റ്റു.

ആ​റു​പേ​ർ​ക്ക് പ​രി​ക്കേ​റ്റി​രു​ന്നു. പൊ​ലീ​സ് യു.​ഡി.​എ​ഫ് കൗ​ൺ​സി​ല​ർ​മാ​ർ​മാ​രെ അ​റ​സ്റ്റ് ചെ​യ്തു നീ​ക്കി​യാ​ണ് അ​ന്ന് സം​ഘ​ർ​ഷം അ​വ​സാ​നി​ച്ച​ത്. പൊ​ലീ​സ് വി​ട്ട​യ​ച്ച കൗ​ൺ​സി​ല​ർ​മാ​ർ പി​ന്നീ​ടെ​ത്തി ഉ​ച്ച​യോ​ടെ ന​ഗ​ര​സ​ഭ​ക്കു​ള്ളി​ൽ സ​ത്യ​ഗ്ര​ഹം ആ​രം​ഭി​ക്കു​ക​യാ​യി​രു​ന്നു. എ​ട്ടു​മാ​സ​ത്തെ കൗ​ൺ​സി​ൽ യോ​ഗ​ത്തി​ന്റെ മി​നി​റ്റ്​​സ്​ നാ​ളി​തു​വ​രെ രേ​ഖ​പ്പെ​ടു​ത്തി​യി​ട്ടി​ല്ല എ​ന്നും ക്ര​മ​ക്കേ​ടു​ക​ൾ ന​ട​ത്താ​നു​ള്ള സൗ​ക​ര്യ​ത്തി​നു​വേ​ണ്ടി മി​നി​റ്റ്​​സ്​​ പൂ​ഴ്ത്തി വെ​ച്ചി​രി​ക്കു​ക​യാ​ണെ​ന്നും പ​റ​ഞ്ഞാ​യി​രു​ന്നു സ​ത്യ​ഗ്ര​ഹ സ​മ​രം ന​ട​ത്തി​യ​ത്.

നി​യ​മാ​നു​സൃ​തം ല​ഭ്യ​മാ​കേ​ണ്ട മി​നി​റ്റ്​​സി​നു​വേ​ണ്ടി സ​ത്യ​ഗ്ര​ഹ സ​മ​ര​ത്തി​ലേ​ക്ക് ക​ട​ന്നി​ട്ടും ല​ഭ്യ​മാ​ക്കാ​ൻ ന​ഗ​ര​സ​ഭ അ​ധി​കാ​രി​ക​ൾ​ക്ക് ക​ഴി​ഞ്ഞി​രു​ന്നി​ല്ല. സ​ക​ർ​മ വ​ഴി അ​പ്‌​ലോ​ഡ് ചെ​യ്യേ​ണ്ട മി​നി​റ്റ്​​സ്​ നാ​ളി​തു​വ​രെ​യും ചെ​യ്തി​ട്ടി​ല്ല എ​ന്ന​ത് സാ​മ്പ​ത്തി​ക ക്ര​മ​ക്കേ​ട് ന​ട​ത്തു​ന്ന​തി​ന് ആ​വ​ശ്യ​മാ​യ മു​ന്നൊ​രു​ക്കം ന​ട​ത്തു​ന്ന​തി​നു​വേ​ണ്ടി​യാ​ണ് എ​ന്ന് യു.​ഡി.​എ​ഫ് അം​ഗ​ങ്ങ​ൾ ആ​രോ​പി​ച്ചി​രു​ന്നു.

സ​മ​രം ര​ണ്ടു ദി​വ​സം പി​ന്നി​ട്ട​പ്പോ​ൾ ന​ഗ​ര​സ​ഭ ഓ​ഫി​സ് അ​ട​ക്കു​ന്ന​തി​നു​വേ​ണ്ടി കൗ​ൺ​സി​ല​ർ​മാ​ർ ഇ​റ​ങ്ങി ന​ൽ​ക​ണ​മെ​ന്ന് സെ​ക്ര​ട്ട​റി സു​മ​യ്യ ബീ​വി ആ​വ​ശ്യ​പ്പെ​ട്ടു. എ​ന്നാ​ൽ, മി​നി​റ്റ്​​സ്​ ല​ഭ്യ​മാ​കു​ന്ന​തു​വ​രെ സ​മ​രം തു​ട​രാ​നാ​ണ് ത​ങ്ങ​ളു​ടെ തീ​രു​മാ​നം എ​ന്ന്​ അ​വ​ർ അ​റി​യി​ച്ചു.

സ​മ​ര​ക്കാ​രെ പു​റ​ത്താ​ക്കി ഓ​ഫി​സ് അ​ട​ക്കാ​ൻ സൗ​ക​ര്യ​മൊ​രു​ക്ക​ണ​മെ​ന്ന് സെ​ക്ര​ട്ട​റി പു​ന​ലൂ​ർ എ​സ്.​എ​ച്ച്.​ഒ​യോ​ട്​ ഇ-​മെ​യി​ൽ വ​ഴി ആ​വ​ശ്യ​പ്പെ​ട്ട​തി​നെ തു​ട​ർ​ന്ന്​ ശ​നി​യാ​ഴ്ച രാ​ത്രി 10ഓ​ടെ പു​ന​ലൂ​ർ പൊ​ലീ​സ് എ​ത്തി സ​മ​ര​ക്കാ​രെ അ​റ​സ്റ്റ് ചെ​യ്തു സ്റ്റേ​ഷ​നി​ലേ​ക്ക് മാ​റ്റി. രാ​ത്രി​ത​ന്നെ ഇ​വ​രെ ജാ​മ്യ​ത്തി​ൽ വി​ട്ട​യ​ച്ചു.

എ​ൻ.​കെ. പ്രേ​മ​ച​ന്ദ്ര​ൻ എം.​പി, യു.​ഡി.​എ​ഫ് ജി​ല്ല ചെ​യ​ർ​മാ​ൻ കെ.​സി. രാ​ജ​ൻ, തെ​ന്മ​ല പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​ശ​ശി​ധ​ര​ൻ, ഡി.​സി.​സി ട്ര​ഷ​റ​ർ നെ​ൽ​സ​ണ്‍ സെ​ബാ​സ്റ്റ്യ​ന്‍, കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്റ് സി. ​വി​ജ​യ​കു​മാ​ർ, ആ​ർ.​എ​സ്.​പി നേ​താ​വ് എം. ​നാ​സ​ർ ഖാ​ൻ തു​ട​ങ്ങി​യ നേ​താ​ക്ക​ൾ സ​മ​ര​ത്തി​ന് പി​ന്തു​ണ​യു​മാ​യി എ​ത്തി​യി​രു​ന്നു.

മി​നി​റ്റ്സ് ബു​ക്ക് ല​ഭ്യ​മാ​കു​ന്ന​തു വ​രെ സ​മ​രം തു​ട​രു​മെ​ന്നും മി​നി​റ്റ്​​സ്​ ല​ഭ്യ​മാ​കു​ന്ന മു​റ​ക്ക്​ പ​രി​ശോ​ധി​ച്ചു ക്ര​മ​ക്കേ​ടു​ക​ൾ ഉ​ണ്ടെ​ങ്കി​ൽ അ​ത് സ​ർ​ക്കാറി​ന്റെ ശ്ര​ദ്ധ​യി​ല്‍ പെ​ടു​ത്തു​മെ​ന്നും നി​യ​മ ന​ട​പ​ടി സ്വീ​ക​രി​ക്കു​മെ​ന്നും ജാ​മ്യ​ത്തി​ൽ ഇ​റ​ങ്ങി​യ കൗ​ൺ​സി​ല​ർ​മാ​ർ അ​റി​യി​ച്ചു.