പ്ലാച്ചേരിയിലെ ഫ്ലാറ്റിനായി കുടുംബങ്ങളെ ഒഴിപ്പിക്കാൻ നോട്ടീസ്

പു​ന​ലൂ​ർ: പ്ലാ​ച്ചേ​രി​യി​ൽ സ​ർ​ക്കാ​ർ നി​ർ​മി​ക്കു​ന്ന ഫ്ലാ​റ്റി​ന്‍റെ സൗ​ക​ര്യ​ത്തി​നാ​യി സ​മീ​പ​ത്തെ കു​ടും​ബ​ങ്ങ​ളെ ഒ​ഴി​പ്പി​ക്കാ​ൻ പു​ന​ലൂ​ർ ന​ഗ​ര​സ​ഭ. ഒ​ഴി​യാ​നു​ള്ള നോ​ട്ടീ​സ്​ ന​ൽ​കി. ഭൂ​ര​ഹി​ത- ഭ​വ​ന​ര​ഹി​ത​ർ​ക്കാ​യി ലൈ​ഫ് പ​ദ്ധ​തി പ്ര​കാ​രം സം​സ്ഥാ​ന​ത്ത് ആ​ദ്യ​മാ​യി നി​ർ​മാ​ണം ആ​രം​ഭി​ച്ച​താ​ണ് പ്ലാ​ച്ചേ​രി​യി​ലെ ഫ്ലാ​റ്റ്.

മു​ഖ്യ​മ​ന്ത്രി പി​ണ​റാ​യി വി​ജ​യ​ൻ 2017 മാ​ർ​ച്ചി​ൽ ശി​ലാ​സ്ഥാ​പ​നം ന​ട​ത്തി​യ ഫ്ലാ​റ്റ് നി​ർ​മാ​ണ​മാ​ണ് ഇ​പ്പോ​ൾ വി​വാ​ദ​ത്തി​ലാ​യ​ത്. പ്ലാ​ച്ചേ​രി​യി​ൽ സ്വ​കാ​ര്യ വ്യ​ക്തി​യി​ൽ​നി​ന്ന്​ മു​മ്പ് ന​ഗ​ര​സ​ഭ വി​ല​ക്ക് വാ​ങ്ങി​യ ഭൂ​മി​യി​ലാ​ണ് കെ​ട്ടി​ടം നി​ർ​മാ​ണം ആ​രം​ഭി​ച്ച​ത്.

എ​ന്നാ​ൽ, നി​ർ​മാ​ണ​ത്തി​ലെ അ​പാ​ക​ത​മൂ​ലം കെ​ട്ടി​ട​ത്തി​ന്‍റെ അ​നു​ബ​ന്ധ സൗ​ക​ര്യം ഒ​രു​ക്കു​ന്ന​തി​ന് സ്ഥ​ലം തി​ക​യാ​തെ വ​ന്നു. ഇ​തു​കാ​ര​ണം സെ​പ്റ്റി​ക്ക് ടാ​ങ്ക് നി​ർ​മി​ക്കാ​ൻ ഇ​ട​മി​ല്ലാ​താ​യി. ഇ​ത് ക​ണ​ക്കി​ലെ​ടു​ത്താ​ണ് ഫ്ലാ​റ്റി​ന് സ​മീ​പ​ത്തെ വാം​ബെ കോ​ള​നി​യി​ലെ ഭൂ​മി എ​ടു​ക്കാ​ൻ ന​ഗ​ര​സ​ഭ നീ​ക്കം ന​ട​ത്തു​ന്ന​ത്. ഇ​വി​ട​ത്തെ ഏ​താ​നും കു​ടും​ബ​ങ്ങ​ൾ ഒ​രാ​ഴ്ച​ക്കു​ള്ളി​ൽ വീ​ട് ഉ​പേ​ക്ഷി​ച്ച് പോ​കാ​നാ​ണ്​ ന​ഗ​ര​സ​ഭ സെ​ക്ര​ട്ട​റി നോ​ട്ടീ​സ് ന​ൽ​കി​യി​രി​ക്കു​ന്ന​ത്.

2004ൽ ​കൈ​വ​ശ​രേ​ഖ​യു​ടെ അ​ടി​സ്ഥാ​ന​ത്തി​ൽ ഭൂ​മി ല​ഭി​ച്ച ഇ​വ​ർ​ക്ക് ന​ഗ​ര​സ​ഭ വാം​ബെ പ​ദ്ധ​തി പ്ര​കാ​രം വീ​ട് നി​ർ​മി​ക്കാ​ൻ തു​ക ന​ൽ​കി​യി​രു​ന്നു. അ​തോ​ടൊ​പ്പം കൈ​വ​ശ​മു​ണ്ടാ​യി​രു​ന്ന മു​ഴു​വ​ൻ സ​മ്പാ​ദ്യ​വും ചെ​ല​വ​ഴി​ച്ച് വീ​ട് നി​ർ​മി​ച്ച നി​ർ​ധ​ന കു​ടും​ബ​ങ്ങ​ളാ​ണ് ഇ​പ്പോ​ൾ പെ​രു​വ​ഴി​യി​ലാ​കു​ന്ന​ത്.

ഒ​ഴി​യു​ന്ന​വ​രു​ടെ പു​ന​ര​ധി​വാ​സം ഉ​ൾ​പ്പെ​ടെ ഒ​രു നി​ർ​ദേ​ശ​വും ന​ഗ​ര​സ​ഭ ന​ൽ​കി​യി​ട്ടി​ല്ല. ഫ്ലാ​റ്റ് നി​ർ​മാ​ണ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ വേ​ണ്ട​ത്ര പ​രി​ശോ​ധ​ന ന​ട​ത്താ​തി​രു​ന്ന​താ​ണ് ഇ​പ്പോ​ഴ​ത്തെ പ്ര​തി​സ​ന്ധി​ക്ക് ഇ​ട​യാ​ക്കി​യ​ത്. എ​ന്നാ​ൽ, ഒ​ഴി​പ്പി​ക്ക​ൽ സം​ബ​ന്ധി​ച്ച് പ്ര​തി​ക​രി​ക്കാ​ൻ ന​ഗ​ര​സ​ഭ സെ​ക്ര​ട്ട​റി ത​യാ​റാ​യി​ല്ല.