ഭ​ക്ഷ്യസു​ര​ക്ഷ ചെ​ക്​ പോ​സ്റ്റ് കെ​ട്ടി​ടം തി​രി​ച്ചെ​ടു​ക്കാ​ൻ ജി.​എ​സ്.​ടി നീ​ക്കം

പു​ന​ലൂ​ർ: സം​സ്ഥാ​ന അ​തി​ർ​ത്തി​യാ​യ ആ​ര്യ​ങ്കാ​വി​ൽ ഭ​ക്ഷ്യ​സു​ര​ക്ഷാ വ​കു​പ്പി​ന് ചെ​ക് പോ​സ്റ്റ് ആ​രം​ഭി​ക്കാ​ൻ ജി.​എ​സ്.​ടി വ​കു​പ്പ് ന​ൽ​കി​യ കെ​ട്ടി​ട​വും അ​നു​ബ​ന്ധ സൗ​ക​ര്യ​ങ്ങ​ളും തി​രി​ച്ചെ​ടു​ക്കാ​ൻ നീ​ക്കം. മൂ​ന്നു​വ​ർ​ഷ​മാ​യി​ട്ടും ചെ​ക് പോ​സ്റ്റ് തു​ട​ങ്ങാ​ൻ ഭ​ക്ഷ്യ​സു​ര​ക്ഷ വ​കു​പ്പ് ത​യാ​റാ​കാ​ത്ത​തി​നെ തു​ട​ർ​ന്നാ​ണി​ത്. അ​ടു​ത്തി​ടെ ആ​ര്യ​ങ്കാ​വ് ചെ​ക്പോ​സ്റ്റി​ലെ​ത്തി​യ ജി.​എ​സ്.​ടി വ​കു​പ്പ് അ​സി​സ്റ്റ​ന്‍റ് ക​മീ​ഷ​ണ​ർ ഇ​ത് സം​ബ​ന്ധി​ച്ച സൂ​ച​ന ന​ൽ​കി. കെ​ട്ടി​ടം തി​രി​ച്ചെ​ടു​ക്കു​ന്ന​തി​ന് ഭ​ക്ഷ്യ​സു​ര​ക്ഷാ വ​കു​പ്പ് അ​ധി​കൃ​ത​ർ​ക്ക് ഉ​ട​ൻ ക​ത്ത് ന​ൽ​കു​മെ​ന്നും ഇ​വ​ർ സൂ​ചി​പ്പി​ച്ചു.

പ​ഴ​യ ചെ​ക് പോ​സ്റ്റ് കെ​ട്ടി​ട​വും സ്ഥ​ല​ങ്ങ​ളും സം​ര​ക്ഷി​ക്കു​ന്ന​തി​ന്റെ ഭാ​ഗ​മാ​യി​ട്ടാ​ണ് അ​സി​സ്റ്റ​ന്‍റ് ക​മീ​ഷ​ണ​റും സം​ഘ​വും ഇ​വി​ടെ എ​ത്തി​യ​ത്. ഭ​ക്ഷ്യ​സു​ര​ക്ഷ വ​കു​പ്പി​ന് വി​ട്ടു​കൊ​ടു​ത്ത കെ​ട്ടി​ടം ഇ​വ​ർ പു​റ​മേ​നി​ന്ന് പ​രി​ശോ​ധി​ച്ചു. ഉ​പ​യോ​ഗ​മി​ല്ലാ​തെ കി​ട​ക്കു​ന്ന​തി​നാ​ൽ കാ​ടു​മൂ​ടി കെ​ട്ടി​ട ഉ​ൾ​പ്പെ​ടെ നാ​ശ​ത്തി​ന്‍റെ വ​ക്കി​ലാ​ണ്. മു​മ്പ് വാ​ണി​ജ്യ​നി​കു​തി വ​കു​പ്പി​ന്റെ ചെ​ക് പോ​സ്റ്റ് പ്ര​വ​ർ​ത്തി​ച്ചി​രു​ന്ന ര​ണ്ടു​നി​ല കെ​ട്ടി​ട​ത്തി​ന്റെ ഒ​രു​നി​ല​യാ​ണ് മൂ​ന്നു​വ​ർ​ഷം മു​മ്പ് ഭ​ക്ഷ്യ​സു​ര​ക്ഷാ വ​കു​പ്പി​ന് താ​ൽ​ക്കാ​ലി​ക​മാ​യി വി​ട്ടു​കൊ​ടു​ത്ത​ത്.

ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന്​ കേ​ര​ള​ത്തി​ലേ​ക്ക് കൊ​ണ്ടു​വ​രു​ന്ന ഭ​ക്ഷ്യ​ധാ​ന​ങ്ങ​ളു​ടെ ഗു​ണ​നി​ല​വാ​രം അ​തി​ർ​ത്തി​യി​ൽ​ത​ന്നെ പ​രി​ശോ​ധി​ച്ച്​ ഉ​റ​പ്പാ​ക്കാ​ൻ സം​സ്ഥാ​ന അ​തി​ർ​ത്തി​ക​ളി​ൽ സ​ർ​ക്കാ​ർ ഭ​ക്ഷ്യ​സു​ര​ക്ഷ പ​രി​ശോ​ധ​ന കേ​ന്ദ്രം അ​നു​വ​ദി​ച്ചി​രു​ന്നു.

ആ​ര്യ​ങ്കാ​വി​ൽ ഇ​തി​നു​ള്ള സൗ​ക​ര്യ​മി​ല്ലാ​ത്ത​തി​നാ​ൽ ജി.​എ​സ്.​ടി വ​കു​പ്പി​ന്റെ ഒ​ഴി​ഞ്ഞു കി​ട​ക്കു​ന്ന കെ​ട്ടി​ട​ത്തി​ന്റെ ഒ​രു​നി​ല ഭ​ക്ഷ്യ​സു​ര​ക്ഷാ വ​കു​പ്പി​ന് വി​ട്ടു​കൊ​ടു​ക്കു​ക​യാ​യി​രു​ന്നു.

കെ​ട്ടി​ട​ത്തി​ന്റെ ന​വീ​ക​ര​ണ​ത്തി​നാ​യി ഭ​ക്ഷ്യ സു​ര​ക്ഷ വ​കു​പ്പ് പ​ണം അ​നു​വ​ദി​ച്ച് ന​വീ​ക​ര​ണം പൂ​ർ​ത്തി​യാ​ക്കി. എ​ന്നാ​ൽ, പ​രി​ശോ​ധ​ന കേ​ന്ദ്ര​ത്തി​ന് ആ​വ​ശ്യ​മാ​യ ജീ​വ​ന​ക്കാ​രെ അ​നു​വ​ദി​ക്കാ​ൻ സ​ർ​ക്കാ​ർ ഇ​തു​വ​രെ ത​യാ​റാ​യി​ട്ടി​ല്ല. ഇ​ത് സം​ബ​ന്ധി​ച്ച് ഭ​ക്ഷ്യ​സു​ര​ക്ഷാ വ​കു​പ്പ് ജി​ല്ല അ​ധി​കൃ​ത​ർ പ​ല​ത​വ​ണ ക​ത്ത് ന​ൽ​കി​യെ​ങ്കി​ലും ജീ​വ​ന​ക്കാ​രെ അ​നു​വ​ദി​ക്കാ​ത്ത​തി​നാ​ൽ പ​രി​ശോ​ധ​ന കേ​ന്ദ്രം തു​റ​ക്കാ​ൻ ക​ഴി​ഞ്ഞി​ല്ലെ​ന്നാ​ണ് പ​റ​യു​ന്ന​ത്.

ജി​ല്ല​യി​ൽ ത​ന്നെ​യു​ള്ള ഭ​ക്ഷ്യ​സു​ര​ക്ഷാ ഓ​ഫി​സ​ർ​മാ​രെ നി​യ​മി​ച്ച് പ​രി​ശോ​ധ​ന കേ​ന്ദ്രം ആ​രം​ഭി​ക്കാ​ൻ ഇ​ട​യ്ക്ക് നീ​ക്കം ഉ​ണ്ടാ​യി​രു​ന്നെ​ങ്കി​ലും ആ​വ​ശ്യ​ത്തി​ന് ജീ​വ​ന​ക്കാ​രി​ല്ലാ​ത്ത​തി​നാ​ൽ ന​ട​ന്നി​ല്ല. ജി​ല്ല​യി​ലു​ള്ള ഓ​ഫി​സ​ർ​മാ​രെ നി​യ​മി​ച്ച് കേ​ന്ദ്രം ആ​രം​ഭി​ച്ചാ​ൽ മ​റ്റ് ഇ​ട​ങ്ങ​ളി​ലെ പ​രി​ശോ​ധ​ന മു​ട​ങ്ങാ​നി​ട​യു​ള്ള​തു​കൊ​ണ്ട് അ​ധി​കൃ​ത​ർ ഇ​തി​ന് ത​യാ​റാ​യി​ല്ല.

അ​തേ​സ​മ​യം ആ​ര്യ​ങ്കാ​വ് അ​തി​ർ​ത്തി​യി​ൽ യാ​തൊ​രു​വി​ധ​ത്തി​ലു​ള്ള പ​രി​ശോ​ധ​യും ഇ​ല്ലാ​ത്ത​തി​നാ​ൽ ഗു​ണ​മി​ല്ലാ​ത്ത ഭ​ക്ഷ്യ​സാ​ധ​ന​ങ്ങ​ൾ സം​സ്ഥാ​ന​ത്തേ​ക്ക് യ​ഥേ​ഷ്ടം കൊ​ണ്ടു​വ​രു​ന്നു. ഏ​റ്റ​വും കൂ​ടു​ത​ൽ സാ​ധ​ന​ങ്ങ​ൾ എ​ത്തി​ക്കു​ന്ന ഓ​ണ​ക്കാ​ല​ത്തും പ​രി​ശോ​ധ​ന​യി​ല്ലാ​ത്ത സാ​ഹ​ച​ര്യ​മാ​ണ്.