ആ​വ​ശ്യ​ത്തി​ന് ജീ​വ​ന​ക്കാ​രി​ല്ല; പാ​ൽ പ​രി​ശോ​ധ​ന കേ​ന്ദ്ര​ത്തി​ന്‍റെ പ്ര​വ​ർ​ത്ത​നം അ​വ​താ​ള​ത്തി​ൽ

പു​ന​ലൂ​ർ: സം​സ്ഥാ​ന അ​തി​ർ​ത്തി​യാ​യ ആ​ര്യ​ങ്കാ​വി​ൽ പ്ര​വ​ർ​ത്തി​ക്കു​ന്ന പാ​ൽ പ​രി​ശോ​ധ​ന കേ​ന്ദ്ര​ത്തി​ൽ മ​തി​യാ​യ ജീ​വ​ന​ക്കാ​ർ ഇ​ല്ലാ​ത്ത​ത് പ്ര​വ​ർ​ത്ത​ന​ത്തെ പ്ര​തി​കൂ​ല​മാ​ക്കു​ന്നു. ദി​വ​സ​വും ത​മി​ഴ്നാ​ട്ടി​ൽ​നി​ന്ന​ട​ക്കം ര​ണ്ട​ര ല​ക്ഷം ലി​റ്റ​ർ വ​രെ പാ​ലാ​ണ് ഇ​തു​വ​ഴി കൊ​ണ്ടു​വ​രു​ന്ന​ത്. എ​ന്നാ​ൽ, ടാ​ങ്ക​ർ വാ​ഹ​ന​ങ്ങ​ളി​ൽ കൊ​ണ്ടു​വ​രു​ന്ന ഈ​പാ​ലി​ന്‍റെ ഗു​ണ​നി​ല​വാ​രം പ​രി​ശോ​ധി​ച്ച് ഉ​റ​പ്പാ​ക്കാ​ൻ ഇ​വി​ടെ​യു​ള്ള​താ​കാ​ട്ടെ ആ​കെ അ​ഞ്ച് ജീ​വ​ന​ക്കാ​ർ മാ​ത്രം.

24 മ​ണി​ക്കൂ​റും പ്ര​വ​ർ​ത്തി​ക്കു​ന്ന കേ​ന്ദ്ര​ത്തി​ൽ ജീ​വ​ന​ക്കാ​രു​ടെ കു​റ​വ് നി​ല​വി​ലു​ള്ള​വ​രു​ടെ ജോ​ലി​ഭാ​രം ഇ​ര​ട്ടി​യാ​ക്കു​ന്നു. മൂ​ന്നു ഷി​ഫ്റ്റാ​യി പ്ര​വ​ർ​ത്തി​ക്കു​ന്ന ഇ​വി​ടെ മൂ​ന്ന് ഡെയ​റി എ​ക്സ്റ്റ​ൻ​ഷ​ൻ ഓ​ഫി​സ​ർ​മാ​രും ര​ണ്ട് ലാ​ബ് അ​സി​സ്റ്റ​ന്‍റു​മാ​ണു​ള്ള​ത്. ഇ​വ​രി​ൽ മി​ക്ക​വ​രും വ​നി​ത​ക​ളാ​ണ്.

രാ​ത്രി​യാ​ണ് കൂ​ടു​ത​ൽ പാ​ൽ വാ​ഹ​ന​ങ്ങ​ൾ വ​രു​ന്ന​ത്. രാ​ത്രി​യി​ൽ വ​രു​ന്ന ടാ​ങ്ക​റു​ക​ളു​ടെ മു​ക​ളി​ൽ ക​യ​റി സാ​മ്പ്ൾ ശേ​ഖ​രി​ക്കൽ അ​ട​ക്ക​മു​ള്ള ജോ​ലി​ക​ൾ ഒ​രേ ഷി​ഫ്റ്റി​ൽ വ​രു​ന്ന ര​ണ്ടു​പേ​രു​ടെ ചു​മ​ത​ല​യാ​ണ്. ഇ​ത് വ​നി​ത ജീ​വ​ന​ക്കാ​ർ​ക്ക് ഏ​റെ ബു​ദ്ധി​മു​ട്ട് സൃ​ഷ്ടി​ക്കു​ന്നു. ടാ​ങ്ക​റു​ക​ളു​ടെ മു​ക​ളി​ൽ ക​യ​റാ​നു​ള്ള ബു​ദ്ധി​മു​ട്ട് ക​ണ​ക്കി​ലെ​ടു​ത്ത് പ​രി​ശോ​ധ​ന​ക്ക് പാ​ൽ ടാ​ങ്ക​റി​ൽ​നി​ന്ന് ശേ​ഖ​രി​ച്ചു കൊ​ടു​ക്കു​ന്ന​ത് വ​ണ്ടി​ക്കാ​രാ​ണ്.

ഈ ​സാ​മ്പ്ളാ​ണ് ലാ​ബി​ൽ പ​രി​ശോ​ധി​ച്ചു ഗു​ണ​നി​ല​വാ​രം ഉ​റ​പ്പാ​ക്കു​ന്ന​ത്. എ​ന്നാ​ൽ, വ​ണ്ടി​ക്കാ​ർ എ​ടു​ക്കു​ന്ന സാ​മ്പ്ൾ പാ​ൽ ടാ​ങ്ക​റി​ൽനി​ന്നു​ള്ള​താ​ണോ അ​ല്ല​യോ എ​ന്ന് കൃ​ത്യ​മാ​ക്കാ​ൻ ജീ​വ​ന​ക്കാ​രു​ടെ കു​റ​വു​മൂ​ലം ക​ഴി​യു​ന്നി​ല്ല. മൂ​ന്ന് ഷി​ഫ്റ്റി​ലാ​യി 12 ജീ​വ​ന​ക്കാ​രെ​ങ്കി​ലും വേ​ണ​മെ​ന്നാ​ണ് ഇ​വി​ടെയുള്ള​വ​ർ പ​റ​യു​ന്ന​ത്. തെ​ക്ക​ൻ ജി​ല്ല​ക​ളി​ലു​ള്ള ഡെയ​റി എ​ക്സ്റ്റ​ൻ​ഷ​ൻ ഓ​ഫി​സ​ർ​മാ​രെ​യാ​ണ് മാ​റി​മാ​റി ചെ​ക്ക് പോ​സ്റ്റി​ലെ ഡ്യൂ​ട്ടി​ക്ക് നി​യ​മി​ക്കു​ന്ന​ത്.

ഇ​വ​രി​ൽ മി​ക്ക​വ​രും വ​നി​ത​ക​ളാ​യി​രി​ക്കും. ദൂ​രെ​നി​ന്ന് വ​രു​ന്ന ഇ​വ​ർ യാ​ത്രാ​സൗ​ക​ര്യം പ​രി​ഗ​ണി​ച്ച് ര​ണ്ടും മൂ​ന്നും ഡ്യൂ​ട്ടി ഒ​രു​മി​ച്ച് ചെ​യ്താ​ണ് മ​ട​ങ്ങു​ന്ന​ത്. തെ​ന്മ​ല​യി​ൽ പ്ര​വ​ർ​ത്തി​ച്ചി​രു​ന്ന കേ​ന്ദ്രം നാ​ലു​വ​ർ​ഷം മു​മ്പാ​ണ് ആ​ര്യ​ങ്കാ​വി​ലേ​ക്ക് മാ​റ്റി​യ​ത്. തു​ട​ക്ക​ത്തി​ൽ സ​ഹാ​യി​യാ​യി മ​റ്റൊ​രാ​ൾ ഉ​ണ്ടാ​യി​രു​ന്നെ​ങ്കി​ലും പി​ന്നീ​ട് ഇ​യാ​ളെ പി​രി​ച്ചു​വി​ട്ടു.

ഇ​പ്പോ​ൾ ഒ​രു​ ഷി​ഫ്റ്റി​ൽ വ​രു​ന്ന ര​ണ്ടു​പേ​രാ​ണ് വാ​ഹ​ന​ങ്ങ​ളി​ൽ​നി​ന്നും പാ​ൽ സാ​മ്പ്ൾ ശേ​ഖ​രി​ക്കു​ന്ന​തും പ​രി​ശോ​ധി​ച്ച് തു​ട​ർ​ന​ട​പ​ടി സ്വീ​ക​രി​ക്കു​ന്ന​തും. കു​റ​ഞ്ഞ​ത് ഒ​രു ഷി​ഫ്റ്റി​ൽ നാ​ല് ജീ​വ​ന​ക്കാ​രെ​ങ്കി​ലും ഉ​ണ്ടെ​ങ്കി​ൽ മാ​ത്ര​മേ ഇ​വി​ടത്തെ പ്ര​വ​ർ​ത്ത​നം സു​ഗ​മ​മാ​ക്കാ​ൻ ക​ഴി​യു​ക​യു​ള്ളൂ.

ഓ​ണം പോ​ലെ​യു​ള്ള ഉ​ത്സ​വ സീ​സ​ണു​ക​ളി​ൽ പാ​ലും പാ​ലു​ൽ​പ​ന്ന​ങ്ങ​ളു​ടെ വ​ര​വും വ​ർ​ധി​ക്കു​ന്ന​തോ​ടെ ജീ​വ​ന​ക്കാ​രു​ടെ ജോ​ലി​ഭാ​രം ഇ​ര​ട്ടി​യി​ല​ധി​ക​മാ​കാ​റു​ണ്ട്. കൂ​ടു​ത​ൽ ജീ​വ​ന​ക്കാ​രെ നി​യ​മി​ക്ക​ണ​മെ​ന്ന് പ​ല​ത​വ​ണ ക്ഷീ​ര​വി​ക​സ​ന വ​കു​പ്പി​നോ​ട് ആ​വ​ശ്യ​പ്പെ​ട്ടി​ട്ടും ന​ട​പ​ടി ഉ​ണ്ടാ​യി​ല്ല. സ​മീ​പ​ത്ത് ഭ​ക്ഷ്യ​സു​ര​ക്ഷ വ​കു​പ്പി​ന്‍റെ സ്ഥി​രം പ​രി​ശോ​ധ​ന കേ​ന്ദ്രം അ​നു​വ​ദി​ച്ചെ​ങ്കി​ലും ഇ​നി​യും പ്ര​വ​ർ​ത്ത​നം ആ​രം​ഭി​ച്ചി​ല്ല. ഈ ​പ​രി​ശോ​ധ​ന കേ​ന്ദ്രം തു​റ​ന്നി​രു​ന്നെ​ങ്കി​ൽ പാ​ൽ പ​രി​ശോ​ധ​ന കേ​ന്ദ്ര​ത്തി​നും സ​ഹാ​യ​മാ​യേ​നെ.

ക​ഴി​ഞ്ഞ​ദി​വ​സം മാ​യം ക​ല​ർ​ന്ന പാ​ൽ പി​ടി​ച്ച​തി​ന്‍റെ വി​ദ​ഗ്ധ പ​രി​ശോ​ധ​ന​ക്കാ​യി സാ​മ്പ്ൾ ഭ​ക്ഷ്യ​സു​ര​ക്ഷാ വ​കു​പ്പി​ന്‍റെ തി​രു​വ​ന​ന്ത​പു​രം റീ​ജ​ന​ൽ ഓ​ഫി​സി​ലേ​ക്ക് അ​യ​ച്ചി​രു​ന്നു. അ​തി​ന്‍റെ ഫ​ലം 24 മ​ണി​ക്കൂ​ർ ക​ഴി​ഞ്ഞി​ട്ടും ല​ഭി​ക്കാ​ത്ത​തി​നെ​ചൊ​ല്ലി പാ​ൽ കൊ​ണ്ടു​വ​ന്ന​വ​രും പ​രി​ശോ​ധ​ന കേ​ന്ദ്ര​ത്തി​ലെ ഉ​ദ്യോ​ഗ​സ്ഥ​രും ത​മ്മി​ൽ ക​ശ​പി​ശ​യു​ണ്ടാ​യി.