'നീ ​ക​റു​ത്ത​വ​ന​ല്ലേ... രാ​ത്രി എ​ങ്ങ​നെ തി​രി​ച്ച​റി​യും'; സി.​െഎ.ടി.യു നേതാവിനെ നിറംപറഞ്ഞ്​ സി.​െഎ ​ അധിക്ഷേപിച്ചതായി പരാതി

പു​ന​ലൂ​ർ: സി.​ഐ.​ടി.​യു നേ​താ​വി​നെ തൊ​ലി​യു​ടെ നി​റം പ​റ​ഞ്ഞ്​ ആ​ക്ഷേ​പി​ച്ചെ​ന്നാ​രോ​പി​ച്ച്​ സി.​പി.​എ​മ്മു​കാ​ർ പൊ​ലീ​സ്​ സ്​​റ്റേ​ഷ​നി​ൽ നോ​ട്ടീ​സ് പ​തി​ച്ച്​ സി.​ഐ​യെ ഉ​പ​രോ​ധി​ച്ചു. തെ​ന്മ​ല സ്​​റ്റേ​ഷ​നി​ലാ​ണ് സം​ഭ​വം.

ആ​ര്യ​ങ്കാ​വി​ലെ സി.​ഐ.​ടി.​യു നേ​താ​വ് ഇ​രു​ള​ൻ​കാ​ട് സ്വ​ദേ​ശി ര​സി​കു​മാ​റി​നെ​യാ​ണ് സ്​​റ്റേ​ഷ​ൻ ഓ​ഫി​സ​ർ വി​നോ​ദ് തൊ​ലി​യു​ടെ നി​റം പ​റ​ഞ്ഞ്​ ആ​ക്ഷേ​പി​ച്ച​താ​യി പ​രാ​തി​യു​യ​ർ​ന്ന​ത്. ര​സി​കു​മാ​റി​െൻറ വീ​ട്ടി​ലെ ജോ​ലി​ക്കാ​ര​നെ ഒ​രു സം​ഘം ക​ഴി​ഞ്ഞ ദി​വ​സം മ​ർ​ദി​ച്ചി​രു​ന്നു.

ഇ​ത് സം​ബ​ന്ധി​ച്ച് ശ​നി​യാ​ഴ്ച രാ​ത്രി ര​സി​കു​മാ​ർ സി.​ഐ​ക്ക് പ​രാ​തി ന​ൽ​കി. പ​രാ​തി പ​രി​ഹ​രി​ക്കാ​ൻ ഞാ​യ​റാ​ഴ്ച രാ​വി​ലെ വ​രാ​ൻ സി.​ഐ പ​റ​ഞ്ഞു. ഇ​ത​നു​സ​രി​ച്ച് രാ​വി​ലെ എ​ത്തി കേ​സ് സം​ബ​ന്ധി​ച്ച് അ​ന്വേ​ഷി​ച്ചു.

ക​ഴി​ഞ്ഞ രാ​ത്രി പ​രാ​തി ന​ൽ​കി​യ വി​വ​രം പ​റ​ഞ്ഞ​പ്പോ​ൾ 'നീ ​ക​റു​ത്ത​വ​ന​ല്ലേ... രാ​ത്രി ഇ​രു​ട്ട​ത്തു​വ​ന്ന് നി​ന്നാ​ൽ എ​ങ്ങ​നെ തി​രി​ച്ച​റി​യും' എ​ന്ന് സി.​ഐ മ​റ്റു​ള്ള​വ​രു​ടെ മു​ന്നി​ൽ ആ​ക്ഷേ​പി​ച്ച​താ​യി ര​സി​കു​മാ​ർ പ​റ​യു​ന്നു. വി​വ​ര​മ​റി​ഞ്ഞ് ഉ​ച്ച​യോ​ടെ ആ​ര്യാ​ങ്കാ​വി​ൽ​നി​ന്ന്​ സി.​പി.​എം നേ​താ​വ് ആ​ർ. പ്ര​ദീ​പ്​​കു​മാ​റി​െൻറ നേ​തൃ​ത്വ​ത്തി​ൽ പ്ര​വ​ർ​ത്ത​ക​രെ​ത്തി. സ്​​റ്റേ​ഷ​ൻ അ​ധി​കൃ​ത​രു​മാ​യി വാ​ക്കേ​റ്റ​വും തു​ട​ർ​ന്ന്, സി.​ഐ​യെ അ​ര​മ​ണി​ക്കൂ​റോ​ളം ഉ​പ​രോ​ധി​ച്ചു.

ക​റു​ത്ത​വ​ർ​ക്കും പു​റ​േ​മ്പാ​ക്കു​കാ​ർ​ക്കും സ്​​റ്റേ​ഷ​നി​ൽ പ്ര​വേ​ശ​ന​മി​െ​ല്ല​ന്ന് നോ​ട്ടീ​സ് സ്​​റ്റേ​ഷ​നി​ൽ പ​തി​ച്ചാ​ണ് പ്ര​തി​ഷേ​ധ​ക്കാ​ർ മ​ട​ങ്ങി​യ​ത്. പു​റ​മ്പോ​ക്കി​ൽ താ​മ​സി​ക്കു​ന്ന ഒ​രു സ്ത്രീ ​പ​രാ​തി​യു​മാ​യി വ​ന്ന​പ്പോ​ഴും സി.​ഐ ഇ​തേ രീ​തി​യി​ൽ മു​മ്പ് ആ​ക്ഷേ​പി​ച്ച​താ​യി സ​മ​ര​ക്കാ​ർ പ​റ​ഞ്ഞു.

ത​ന്നെ ആ​ക്ഷേ​പി​ച്ച​ത് സം​ബ​ന്ധി​ച്ച് ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ർ​ക്ക് പ​രാ​തി ന​ൽ​കു​മെ​ന്ന് ആ​ര്യ​ങ്കാ​വ് സ​ഹ​ക​ര​ണ ബാ​ങ്ക് ഭ​ര​ണ​സ​മി​തി അം​ഗ​വും പ​ട്ടി​ക​ജാ​തി​ക്കാ​ര​നു​മാ​യ ര​സി​കു​മാ​ർ പ​റ​ഞ്ഞു.