ആ​യി​രം രൂ​പ​യെ ചൊ​ല്ലി ഓട്ടോ ഡ്രൈവറെ നടുറോഡിൽ വെട്ടിക്കൊന്ന സുഹൃത്ത്​ അറസ്​റ്റിൽ

പു​ന​ലൂ​ർ: ആ​യി​രം രൂ​പ​യെ ചൊ​ല്ലി ഓ​ട്ടോ ഡ്രൈ​വ​റാ​യ യു​വാ​വി​നെ ന​ടു​റോ​ഡി​ൽ ക​ഴു​ത്തു​വെ​ട്ടി​ക്കൊ​ന്ന സു​ഹൃ​ത്തി​നെ അ​റ​സ്​​റ്റ്​ ചെ​യ്തു. ചെ​മ്മ​ന്തൂ​ർ മു​രു​ക​ൻ കോ​വി​ലി​ന്​ സ​മീ​പം സ​ന്തോ​ഷ് ഭ​വ​നി​ൽ ചാ​ക്കോ എ​ന്ന സ​നി​ൽ​കു​മാ​ർ (39) കൊ​ല​ചെ​യ്യ​പ്പെ​ട്ട കേ​സി​ൽ ഓ​ട്ടോ ഡ്രൈ​വ​റാ​യ ചെ​മ്മ​ന്തൂ​ർ പ​കി​ടി​യി​ൽ ച​രു​വി​ള വീ​ട്ടി​ൽ സു​രേ​ഷ് (49) ആ​ണ് അ​റ​സ്​​റ്റി​ലാ​യ​ത്.

പ്ര​തി​യെ സം​ഭ​വ​സ്ഥ​ല​ത്തെ​ത്തി​ച്ച്​ പൊ​ലീ​സ് തെ​ളി​വെ​ടു​ത്തു. ചൊ​വ്വാ​ഴ്ച രാ​ത്രി 7.30ഓ​ടെ ചെ​മ്മ​ന്തൂ​ർ-​കു​തി​ര​ച്ചി​റ റോ​ഡി​ലാ​യി​രു​ന്നു സ​നി​ൽ​കു​മാ​ർ കൊ​ല്ല​പ്പെ​ട്ട​ത്.

ചൊ​വ്വാ​ഴ്ച രാ​ത്രി​യി​ൽ സു​രേ​ഷി​നെ പൊ​ലീ​സ് ക​സ്​​റ്റ​ഡി​യി​ലെ​ടു​ത്തെ​ങ്കി​ലും ബു​ധ​നാ​ഴ്ച വൈ​കീ​ട്ടാ​ണ് അ​റ​സ്​​റ്റ്​ രേ​ഖ​പ്പെ​ടു​ത്തി​യ​ത്. സ​നി​ൽ​കു​മാ​റി​നോ​ട് പ്ര​തി ആ​യി​രം രൂ​പ വാ​യ്പ ചോ​ദി​ച്ചി​രു​ന്ന​ത് കൊ​ടു​ക്കാ​ത്ത​തി​നെ ചൊ​ല്ലി​യു​ള്ള ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്.

മ​ദ്യ​ല​ഹ​രി​യി​ലാ​യി​രു​ന്ന ഇ​രു​വ​രും ത​മ്മി​ൽ വാ​ക്കേ​റ്റ​മു​ണ്ടാ​കു​ക​യും മ​രം​വെ​ട്ടു​കാ​ര​ൻ കൂ​ടി​യാ​യ പ്ര​തി ഓ​ട്ടോ​യി​ൽ ക​രു​തി​യി​രു​ന്ന വെ​ട്ടു​ക​ത്തി ഉ​പ​യോ​ഗി​ച്ച് സ​നി​ലി​നെ വെ​ട്ടു​ക​യു​മാ​യി​രു​ന്നു​വെ​ന്ന് പൊ​ലീ​സ് വ്യ​ക്ത​മാ​ക്കി. ക​ഴു​ത്ത​റ്റ നി​ല​യി​ൽ റോ​ഡി​ൽ വീ​ണ സ​നി​ൽ ത​ൽ​ക്ഷ​ണം മ​രി​ച്ചു.

ഫോ​റ​ൻ​സി​ക്, വി​ര​ല​ട​യാ​ള വി​ദ​ഗ്ധ​ർ കൊ​ല​പാ​ത​കം ന​ട​ന്ന സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചു. സ​മീ​പ​ത്തെ ക​ട​ക​ളി​ലെ സി.​സി.​ടി​വി കാ​മ​റ​ക​ളി​ൽ നി​ന്നും കൊ​ല​പാ​ത​കം സം​ബ​ന്ധി​ച്ച ദൃ​ശ്യ​ങ്ങ​ൾ പൊ​ലീ​സ് ക​ണ്ടെ​ടു​ത്തു. സ​നി​ൽ​കു​മാ​റി​െൻറ മൃ​ത​ദേ​ഹം പോ​സ്​​റ്റു​മോ​ർ​ട്ട​ത്തി​ന് ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കി.