ആ​ര്യ​ങ്കാ​വ്, ന്യൂ ​ആ​ര്യ​ങ്കാ​വ് റെ​യി​ൽ​വേ സ്റ്റേ​ഷ​ൻ; പ്ലാറ്റ്ഫോം നീളം കൂട്ടൽ തുടങ്ങി

പു​ന​ലൂ​ർ: ആ​ര്യ​ങ്കാ​വ്, ന്യൂ ​ആ​ര്യ​ങ്കാ​വ് റെ​യി​ൽ​വേ സ്റ്റേ​ഷ​നു​ക​ളി​ലെ പ്ലാ​റ്റ്ഫോ​മു​ക​ളു​ടെ നീ​ളം വ​ർ​ധി​പ്പി​ക്കാ​നു​ള്ള ജോ​ലി ആ​രം​ഭി​ച്ചു. നി​ല​വി​ൽ ര​ണ്ടു സ്റ്റേ​ഷ​നു​ക​ളി​ലും 14 ബോ​ഗി​ക​ൾ നി​ൽ​ക്കാ​നു​ള്ള പ്ലാ​റ്റ്ഫോ​മാ​ണു​ള്ള​ത്. 24 ബോ​ഗി​ക​ളു​ടെ നീ​ള​ത്തി​ലാ​ണ് വർധിപ്പിക്കുന്ന​ത്. 270 മീ​റ്റ​ർ നീ​ള​മു​ള്ള പ്ലാ​റ്റ്ഫോം ഇ​രു​വ​ശ​ത്തു​മാ​യി 200 മീ​റ്റ​ർ കൂ​ടി വ​ർ​ധി​പ്പി​ക്കും. ഇ​തു​വ​ഴി​യു​ള്ള ചി​ല ട്രെ​യി​നു​ക​ളി​ൽ ബോ​ഗി​ക​ളു​ടെ എ​ണ്ണം 14 ൽ ​നി​ന്നും 17ആ​യി അ​ടു​ത്തി​ടെ കൂ​ട്ടി​യി​രു​ന്നു.

ഇ​തി​നി 24 വ​രെ കൂ​ട്ടും. ആ​ദ്യ​ഘ​ട്ട​ത്തി​ൽ കൊ​ല്ലം- എ​ഗ്മോ​ർ, എ​റ​ണാ​കു​ളം- വേ​ളാ​ങ്ക​ണ്ണി എ​ന്നീ എ​ക്സ്പ്ര​സു​ക​ളി​ലാ​ണ് ബോ​ഗി​യു​ടെ എ​ണ്ണം വ​ർ​ധി​പ്പി​ച്ച​ത്. ഇ​തു​വ​ഴി​യു​ള്ള മ​റ്റു ട്രെ​യി​നു​ക​ളി​ലും താ​മ​സി​യാ​തെ ബോ​ഗി​ക​ളു​ടെ എ​ണ്ണം കൂ​ട്ടും. ഇ​ത് കൂ​ടി ക​ണ​ക്കി​ലെ​ടു​ത്താ​ണ് ഈ ​ര​ണ്ടു സ്റ്റേ​ഷ​നു​ക​ളി​ലും പ്ലാ​റ്റ്ഫോം നീ​ളം കൂ​ട്ടു​ന്ന​ത്. ര​ണ്ടു സ്റ്റേ​ഷ​നു​ക​ളി​ലും പ്ലാ​റ്റ്ഫോ​മി​ന് ഉ​യ​രം കു​റ​വാ​ണ്. ഇ​ത് യാ​ത്ര​ക്കാ​രെ ബു​ദ്ധി​മു​ട്ടി​ക്കു​ന്നു​ണ്ട്.