ഭർത്താവും സഹോദരനും കൺമുന്നിൽ മുങ്ങിത്താഴ്​ന്നത് ഉൾക്കൊള്ളാനാകാതെ അ​ൽ​ഫി​യ​

പു​ന​ലൂ​ർ: വി​വാ​ഹം ക​ഴി​ഞ്ഞ് ഒ​രു മാ​സം പി​ന്നി​ടും മു​മ്പ് പ്രി​യ​ത​മ​നും സ്വ​ന്തം സ​ഹോ​ദ​ര​നും ക​ൺ​മു​ന്നി​ൽ മു​ങ്ങി​ത്താ​ഴ്ന്ന​ത് ഉ​ൾ​ക്കൊ​ള്ളാ​നാ​കാ​തെ അ​ൽ​ഫി​യ​യും കു​ടും​ബ​വും. തി​ങ്ക​ളാ​ഴ്ച രാ​വി​ലെ എ​ട്ട​ര​യോ​ടെ​യാ​ണ്​ തെ​ന്മ​ല ഡാം ​ക​ട​വി​ൽ അ​ൻ​സ​ൽ, അ​ൽ​ത്താ​ഫ് എ​ന്നി​വ​ർ ഒ​ഴു​ക്കി​ൽ​പെ​ട്ട​ത്. തീ​ർ​ഥാ​ട​ന​ത്തി​നു​ശേ​ഷം വീ​ട​ണ​യും​മു​മ്പ് വ​ന്നു​പെ​ട്ട ദു​ര​ന്തം ര​ക്ഷാ​പ്ര​വ​ർ​ത്ത​ന​ത്തി​ന് എ​ത്തി​ച്ചേ​ർ​ന്ന നാ​ട്ടു​കാ​രെ​യ​ട​ക്കം തീ​രാ​ദുഃ​ഖ​ത്തി​ലാ​ക്കി.

സൗ​ദി ദ​മാ​മി​ലെ ഖ​മീ​സി​ലാ​യി​രു​ന്ന അ​ൻ​സ​ൽ മൂ​ന്നു​മാ​സം മു​മ്പാ​ണ് വി​വാ​ഹ​ത്തി​നാ​യി നാ​ട്ടി​ലെ​ത്തി​യ​ത്. ക​ഴി​ഞ്ഞ 18നാ​യി​രു​ന്നു ക​രു​നാ​ഗ​പ്പ​ള്ളി കോ​ഴി​ക്കോ​ട് പു​ന്ന​ക്കു​ളം പു​ത്ത​ൻ​വീ​ട്ടി​ൽ കി​ഴ​ക്കേ​തി​ൽ അ​ൻ​സ​ർ- ജാ​സ്മി​ല ദ​മ്പ​തി​ക​ളു​ടെ മ​ക​ൾ അ​ൽ​ഫി​യ​യു​മാ​യു​ള്ള വി​വാ​ഹം. വെ​ള്ളി​യാ​ഴ്ച ര​ണ്ടു വാ​ഹ​ന​ത്തി​ലാ​യി 11 അം​ഗ സം​ഘം ക​രു​നാ​ഗ​പ്പ​ള്ളി​യി​ൽ​നി​ന്ന്​ ത​മി​ഴ്നാ​ട്ടി​ലെ ഏ​ർ​വാ​ടി ദ​ർ​ഗ​യി​ലേ​ക്ക് പു​റ​പ്പെ​ട്ടു. അ​ൻ​സ​ലും അ​ൽ​ഫി​യ​യും കൂ​ടാ​തെ അ​ൽ​ഫി​യ​യു​ടെ മാ​താ​പി​താ​ക്ക​ളും സ​ഹോ​ദ​ര​ൻ അ​ൽ​ത്താ​ഫും സ​ഹോ​ദ​രി ആ​ഫി​യ​യും മ​റ്റ് ചി​ല ബ​ന്ധു​ക്ക​ളു​മാ​ണ് ഒ​പ്പ​മു​ണ്ടാ​യി​രു​ന്ന​ത്.

ഞാ​യ​റാ​ഴ്ച രാ​ത്രി​യാ​ണ് ഇ​വ​ർ ഏ​ർ​വാ​ടി​യി​ൽ​നി​ന്ന്​ ക​രു​നാ​ഗ​പ്പ​ള്ളി​ക്ക് തി​രി​ച്ച​ത്. രാ​വി​ലെ എ​ട്ടോ​ടെ ചാ​യ കു​ടി​ക്കാ​നും പ്രാ​ഥ​മി​കാ​വ​ശ്യ നി​ർ​വ​ഹ​ണ​ത്തി​നു​മാ​യി തെ​ന്മ​ല ഡാ​മി​ന് തൊ​ട്ടു​താ​ഴെ​യു​ള്ള ക​ല്ല​ട​യാ​റ്റി​ലെ കു​ളി​ക്ക​ട​വി​ലെ​ത്തി. അ​ൻ​സ​ലും അ​ൽ​ത്താ​ഫും അ​ൻ​സ​റും കു​ളി​ക്കാ​നി​റ​ങ്ങി. അ​ൻ​സ​ർ കു​ളി​ക​ഴി​ഞ്ഞ് ക​ര​യി​ലേ​ക്ക് ആ​ദ്യം ക​യ​റി.

മ​റ്റു ര​ണ്ടു​പേ​രും കു​ളി​ക്ക​ട​വി​ലെ പ​ട​വു​ക​ളി​ൽ നെ​ഞ്ചൊ​പ്പം വെ​ള്ള​ത്തി​ൽ കു​ളി​ക്കു​ക​യാ​യി​രു​ന്നു. പെ​ട്ടെ​ന്ന് ഇ​രു​വ​രും ഒ​ഴു​ക്കി​ൽ​പെ​ടു​ന്ന​താ​ണ് ക​ര​യി​ലു​ള്ള​വ​ർ കാ​ണു​ന്ന​ത്. അ​ൻ​സ​ർ ഇ​വ​രെ ര​ക്ഷി​ക്കാ​ൻ വെ​ള്ള​ത്തി​ലി​റ​ങ്ങി​യെ​ങ്കി​ലും ഇ​രു​വ​രും വെ​ള്ള​ത്തി​ൽ മു​ങ്ങി​ത്താ​ഴു​ക​യാ​യി​രു​ന്നു. പ​രി​സ​ര​ത്തു​ള്ള യു​വാ​ക്ക​ൾ ആ​റ്റി​ലി​റ​ങ്ങി മി​നി​റ്റു​ക​ൾ​ക്കു​ള്ളി​ൽ ഇ​രു​വ​​രെ​യും ക​ര​ക്കെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

നാടിനെ കണ്ണീരണിയിച്ച്​ യുവാക്കളുടെ വേർപാട്

കോ​ഴി​ക്കോ​ട്, കു​ല​ശേ​ഖ​ര​പു​രം ഗ്രാ​മ​ങ്ങ​ളെ ക​ണ്ണീ​രി​ലാ​ഴ്ത്തി യു​വാ​ക്ക​ളു​ടെ മ​ര​ണം. ഭ​ർ​ത്താ​വും കൂ​ട​പ്പി​റ​പ്പും ക​ൺ​മു​ന്നി​ൽ മു​ങ്ങി മ​രി​ക്കു​ന്ന​ത് കാ​ണേ​ണ്ടി വ​ന്ന അ​ൽ​ഫി​യ​യെ ആ​ശ്വ​സി​പ്പി​ക്കാ​ൻ ക​ഴി​യാ​തെ അ​യ​ൽ​ക്കാ​രും ബ​ന്ധു​ക്ക​ളും നി​ന്ന​ത് സ​ങ്ക​ട​ക്കാ​ഴ്ച​യാ​യി. ഇ​രു​വ​രു​ടെ​യും മൃ​ത​ദേ​ഹം തി​ങ്ക​ളാ​ഴ്ച വൈ​കീ​​ട്ടോ​ടെ കു​ല​ശേ​ഖ​ര​പു​രം പു​ന്ന​ക്കു​ളം പു​ത്ത​ൻ​വീ​ട്ടി​ൽ കി​ഴ​ക്ക​തി​ൽ അ​ൽ​ത്താ​ഫി​െൻറ വീ​ട്ടി​ൽ എ​ത്തി​ച്ച് പൊ​തു​ദ​ർ​ശ​ന​ത്തി​ന് വെ​ച്ചു.

പി​ന്നീ​ട്​ അ​ൻ​സി​ലി​െൻറ മൃ​ത​ദേ​ഹം കോ​ഴി​ക്കോ​ട്ടെ വീ​ട്ടി​ൽ എ​ത്തി​ച്ച്​ പൊ​തു​ദ​ർ​ശ​ന​ത്തി​ന് വെ​ച്ച ശേ​ഷം കോ​ഴി​ക്കോ​ട് ഇ​സ്​​ലാ​ഹു​ൽ മു​സ്​​ലി​മീ​ൻ ജു​മാ​മ​സ്ജി​ദ് ഖ​ബ​ർ​സ്ഥാ​നി​ലും അ​ൽ​ത്താ​ഫി​െൻറ മൃ​ത​ദേ​ഹം പു​ത്ത​ൻ​തെ​രു​വ് ഷെ​രീ​അ​ത്തു​ൽ ഇ​സ്​​ലാം ജു​മാ​മ​സ്ജി​ദ് ഖ​ബ​ർ​സ്ഥാ​നി​ലും ഖ​ബ​റ​ട​ക്കി.

കു​ളി​ക്ക​ട​വി​ൽ സു​ര​ക്ഷ​യി​ല്ലാ​ത്ത​ത് യാ​ത്ര​ക്കാ​ർ​ക്ക് കെ​ണി​യാ​യി

തെ​ന്മ​ല ഡാം ​ജ​ങ്ഷ​നി​ൽ ക​ല്ല​ട​യാ​റ്റി​ലെ കു​ളി​ക്ക​ട​വി​ൽ മ​തി​യാ​യ സു​ര​ക്ഷാ സം​വി​ധാ​ന​ങ്ങ​ൾ ഇ​ല്ലാ​ത്ത​ത് കു​ളി​ക്കാ​നി​റ​ങ്ങു​ന്ന​വ​ർ​ക്ക് കെ​ണി​യാ​കു​ന്നു. നി​ര​വ​ധി അ​പ​ക​ട​ങ്ങ​ൾ ഉ​ണ്ടാ​യി​ട്ടും ബ​ന്ധ​പ്പെ​ട്ട അ​ധി​കൃ​ത​ർ ഉ​ണ​ർ​ന്നു പ്ര​വ​ർ​ത്തി​ക്കാ​ൻ ത​യാ​റാ​കു​ന്നി​െ​ല്ല​ന്ന് ആ​ക്ഷേ​പ​മു​ണ്ട്. സ്ഥ​ല​പ​രി​ച​യ​മി​ല്ലാ​ത്ത നി​ര​വ​ധി​യാ​ളു​ക​ൾ പ്രാ​ഥ​മി​കാ​വ​ശ്യ​ത്തി​ന് ആ​ശ്ര​യി​ക്കു​ന്ന ക​ട​വാ​ണ് ഡാം ​ജ​ങ്ഷ​നി​ലേ​ത്. ഇ​ക്കോ ടൂ​റി​സ​ത്തിെൻറ ഫ​ണ്ട് ഉ​പ​യോ​ഗി​ച്ച് ക​ല്ല​ട ജ​ല​സേ​ച​ന പ​ദ്ധ​തി അ​ധി​കൃ​ത​രാ​ണ് ഇ​വി​ടെ കു​ളി​ക്ക​ട​വ് സ​ജ്ജീ​ക​രി​ച്ച​ത്.

ക​ര​യി​ൽ​നി​ന്ന്​ ആ​റ്റി​ലേ​ക്കി​റ​ങ്ങു​ന്ന പ​ട​വു​ക​ളും കൈ​വ​രി​ക​ളും നി​ർ​മി​ച്ചി​ട്ടു​ണ്ടെ​ങ്കി​ലും പ​രി​ച‍യ​മി​ല്ലാ​ത്ത​വ​ർ ഇ​റ​ങ്ങി​യാ​ൽ അ​പ​ക​ട​ത്തി​ലാ​കും. ഡാം ​തു​റ​ന്ന് വി​ട്ടി​രി​ക്കു​ന്ന​തി​നാ​ൽ ഈ ​ഭാ​ഗ​ത്ത് വെ​ള്ളം കൂ​ടു​ത​ലാ​ണ്. കൂ​ടാ​തെ ഡാ​മി​ന് 250 മീ​റ്റ​ർ താ​ഴെ​യാ​യ​തി​നാ​ൽ ഷ​ട്ട​ർ തു​റ​ക്കു​മ്പോ​ൾ ഇ​വി​ടെ കു​ത്തൊ​ഴു​ക്കാ​ണ് അ​നു​ഭ​വ​പ്പെ​ടു​ന്ന​ത്.

വെ​ള്ളം കൂ​ടു​ത​ലാ​യ​തി​നാ​ൽ പ​ട​വു​ക​ൾ അ​ധി​ക​വും വെ​ള്ള​ത്തി​ന് അ​ടി​യി​ലാ​ണ്. തി​ങ്ക​ളാ​ഴ്ച ക​രു​നാ​ഗ​പ്പ​ള്ളി സ്വ​ദേ​ശി​ക​ളാ​യ ര​ണ്ടു യു​വാ​ക്ക​ളും മ​ര​ണ​ത്തി​ലാ​യ​തും ഇ​വി​ട​ത്തെ അ​പ​ക​ടാ​വ​സ്ഥ അ​റി​യാ​തെ കു​ളി​ക്കാ​നി​റ​ങ്ങി​യ​വ​രാ​ണ്. ഇ​നി​യു​മൊ​രു ദു​ര​ന്ത​ത്തി​ന് കാ​ത്തു​നി​ൽ​ക്കാ​തെ അ​ടി​യ​ന്ത​ര സു​ര​ക്ഷാ​സം​വി​ധാ​ന​ങ്ങ​ൾ ഒ​രു​ക്കാ​ൻ അ​ധി​കൃ​ർ ത​യാ​റാ​ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.