മൂന്ന്​ കോടിയിലധികം വസ്തുനികുതി കു​ടിശ്ശിക; തു​ക പി​രി​ച്ചെ​ടു​ക്കാ​ൻ പുനലൂർ നഗരസഭ ന​ട​പ​ടി തു​ട​ങ്ങി

പു​ന​ലൂ​ർ: ക​ടു​ത്ത സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന പു​ന​ലൂ​ർ ന​ഗ​ര​സ​ഭ​യി​ൽ വ​സ്തു​നി​കു​തി കു​ടിശ്ശി​കയാ​യി പി​രി​ഞ്ഞു​കി​ട്ടാ​നു​ള്ള​ത് മൂ​ന്ന് കോ​ടി​യി​ല​ധി​കം രൂ​പ. ഇ​തി​ൽ സ​ർ​ക്കാ​ർ ഓ​ഫി​സു​ക​ളു​ടെ കു​ടിശ്ശി​ക മാ​ത്രം 24 ല​ക്ഷം രൂ​പ വ​രും. തു​ക പി​രി​ച്ചെ​ടു​ക്കാ​ൻ ക​ല​ക്ട​റു​ടെ അ​നു​മ​തി​യോ​ടെ ന​ട​പ​ടി തു​ട​ങ്ങി. ഇ​തി​ന്‍റെ ഭാ​ഗ​മാ​യി ന​ഗ​ര​സ​ഭ അ​ധി​കൃ​ത​ർ ചൊ​വ്വാ​ഴ്ച വി​വി​ധ സ​ർ​ക്കാ​ർ ഓ​ഫി​സു​ക​ളി​ലെ​ത്തി ഡി​മാ​ന്‍റ് നോ​ട്ടീ​സ് കൈ​മാ​റി.

2016 മു​ത​ൽ വ​സ്തു​നി​കു​തി​യാ​യി പൊ​തു​മ​രാ​മ​ത്ത് കെ​ട്ടി​ടം വി​ഭാ​ഗം 15 ല​ക്ഷം രൂ​പ കു​ടിശ്ശി​ക വ​രു​ത്തി. താ​ലൂ​​ക്കോഫി​സ് നാ​ല് ല​ക്ഷം രൂപ ഡിവൈ.​എ​സ്.​പി, സി.​ഐ ഓ​ഫീ​സു​ക​ൾ, കെ.​ഐ.​പി ഓ​ഫിസു​ക​ൾ ചേ​ർ​ന്ന് 24 ല​ക്ഷം രൂ​പ​യു​ടെ നി​കു​തി കു​ടിശ്ശി​ക വ​രു​ത്തി. നി​ര​വ​ധി ത​വ​ണ ഔ​ദ്യോ​ഗി​ക ത​ല​ത്തി​ൽ നോ​ട്ടീ​സ് ന​ൽകിയെ​ങ്കി​ലും നാ​ളി​തു വ​രെ അ​ട​ച്ചി​ട്ടി​ല്ല. ഈ ​വി​വ​രം ന​ഗ​ര​സ​ഭ ഫൈ​നാ​ൻ​സ് ക​മ്മി​റ്റി കൂ​ടി ക​ല​ക്ട​ർ​ക്ക് പ​രാ​തി ന​ൽ​കി.

തു​ക ഇ​ടാ​ക്കാ​ൻ റ​വ​ന്യൂ റ​ിക്ക​വ​റി ന​ട​പ​ടി സ്വീ​ക​രി​ക്കാ​ൻ ന​ഗ​ര​സ​ഭ​ക്ക്​ ക​ല​ക്ട​ർ ഉ​ത്ത​ര​വ് ന​ൽ​കി. അ​ത് ന​ട​പ്പാ​ക്കാ​ൻ ചൊ​വ്വാ​ഴ്ച ന​ഗ​ര​സ​ഭ ചെ​യ​ർ​പേ​ഴ്സ​ൺ നി​മ്മി എബ്ര​ഹാ​മി​ന്‍റെ നേ​തൃ​ത്വ​ത്തി​ൽ വൈ​സ് ചെ​യ​ർ​മാ​ൻ വി.​പി. ഉ​ണ്ണി​ക്കൃ​ഷ്ണ​ൻ, മ​രാ​മ​ത്ത് സ​മി​തി അ​ധ്യ​ക്ഷ​ൻ ഡി. ​ദി​നേ​ശ​ൻ, ഫൈ​നാ​ൻ​സ് ക​മ്മിറ്റി അം​ഗം എ​സ്. പൊ​ടി​യ​ൻ പി​ള്ള എ​ന്നി​വ​ർ ചേ​ർ​ന്ന് കു​ടിശ്ശി​ക വ​രു​ത്തി​യ സ്ഥാ​പ​ന മേ​ധാ​വി​ക​ളെ ക​ണ്ട് ന​ട​പ​ടി​ക്കു​ള്ള ക​ത്ത് കൈ​മാ​റി.

ന​ഗ​ര​സ​ഭ​യി​ലെ ഡി​മാ​ൻ​ഡ്​ ര​ജി​സ്റ്റ​ർ അ​നു​സ​രി​ച്ച് മൂ​ന്നുകോ​ടി​യി​ല​ധി​കം കു​ടിശ്ശി​ക പി​രി​ഞ്ഞു കി​ട്ടാ​നു​ണ്ട്.

അ​വ പി​രി​ച്ചെ​ടു​ക്കു​ന്ന​തി​നു​ള്ള ഊ​ർ​ജിത ശ്ര​മ​ങ്ങ​ളാ​ണ് ന​ട​ക്കു​ന്ന​ത്. വ​ർ​ഷ​ങ്ങ​ളാ​യി കു​ടിശ്ശി​ക ഈടാ​ക്കാ​ൻ റ​വ​ന്യൂ റി​ക്ക​വ​റി ന​ട​പ​ടി​ക​ൾ തു​ട​ങ്ങി​യ​താ​യി അ​ധി​കൃ​ത​ർ പ​റ​ഞ്ഞു.