പോളച്ചിറ ഏലായിൽ വിഷപ്പായൽ

ചാ​ത്ത​ന്നൂ​ർ: പോ​ള​ച്ചി​റ ഏ​ലാ​യി​ൽ വി​ഷ​പ്പാ​യ​ൽ ക​ണ്ടു​തു​ട​ങ്ങി. നീ​ക്കാ​ൻ അ​ടി​യ​ന്ത​ര ന​ട​പ​ടി ആ​വ​ശ്യ​പ്പെ​ട്ട് ക​ർ​ഷ​ക​ർ രം​ഗ​ത്തെ​ത്തി. വേ​ന​ൽ​മ​ഴ​ക്ക്​ ശേ​ഷ​മാ​ണ് ഇ​വി​ടെ പാ​യ​ൽ ക​ണ്ട​ത്. മ​ഴ​യു​ടെ ആ​ദ്യ​ദി​ന​ങ്ങ​ളി​ൽ വെ​ള്ള​ത്തി​ൽ എ​ണ്ണ ക​ല​ർ​ന്ന പോ​ലെ​യും പി​ന്നീ​ട് ഇ​ത് സ്വ​ർ​ണ​നി​റ​ത്തി​ലും ശേ​ഷം പ​ച്ച ക​ല​ർ​ന്ന നി​റ​ത്തി​ലു​മാ​യി. വി​ഷ​പ്പാ​യ​ലാ​യ ബ്ലൂ ​ഗ്രീ​ൻ ആ​ൽ​ഗ​യാ​ണ് ഏ​ലാ​യി​ൽ പ​ട​രു​ന്ന​ത്.

ആ​ൽ​ഗ ബ്ലൂം, ​ഡി​ക​യോ​സ്ഫ​റി​യം എ​ന്നീ ഗ്രീ​ൻ ആ​ൽ​ഗ​ക​ളാ​ണ് പ​ച്ച​യും സ്വ​ർ​ണ​വും ക​ല​ർ​ന്ന നി​റ​ത്തി​ൽ വെ​ള്ള​ത്തി​നു മു​ക​ളി​ൽ പ​ര​ന്നൊ​ഴു​കു​ന്ന​തെ​ന്ന് ഈ ​രം​ഗ​ത്തെ വി​ദ​ഗ്ധ​ർ പ​റ​യു​ന്നു. വേ​ന​ൽ​മ​ഴ​ക്ക്​ ശേ​ഷം സ്വാ​ഭാ​വി​ക ഒ​ഴു​ക്ക് കൂ​ടി​യ​തോ​ടെ​യാ​ണ് ആ​ൽ​ഗ​ക​ൾ പെ​രു​കി​യ​ത്. പാ​യ​ൽ പ്ര​തി​ഭാ​സ​ത്തെ​ക്കു​റി​ച്ച് കൂ​ടു​ത​ൽ പ​ഠ​നം വേ​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.

ബ്ലൂ ​ഗ്രീ​ൻ ആ​ൽ​ഗ​യാ​ണെ​ങ്കി​ൽ പോ​ള​യി​ലെ വെ​ള്ളം ഉ​പ​യോ​ഗി​ക്കു​ന്ന​തി​നു നി​യ​ന്ത്ര​ണം ഏ​ർ​പ്പെ​ടു​ത്തേ​ണ്ടി വ​രും. വി​ഷ​പ്പാ​യ​ലാ​യ ബ്ലൂ ​ഗ്രീ​ൻ ആ​ൽ​ഗ അ​ട​ക്ക​മു​ള്ള​വ​യു​ടെ സാ​ന്നി​ധ്യ​മു​ണ്ടെ​ങ്കി​ൽ ജ​ല​ത്തി​ൽ ഓ​ക്സി​ജ​ന്റെ അ​ള​വി​ൽ ഗ​ണ്യ​മാ​യ കു​റ​വു​ണ്ടാ​കും.

അ​ങ്ങ​നെ​യാ​ണെ​ങ്കി​ൽ പോ​ള​ച്ചി​റ​യു​ടെ പ​ല ഭാ​ഗ​ത്തും ഓ​ക്സി​ജ​ന്റെ അ​ള​വി​ൽ കു​റ​വു​ണ്ടാ​കും. അ​തു​കൊ​ണ്ട് ത​ന്നെ പോ​ള​ച്ചി​റ പൂ​ർ​ണ​മാ​യും പാ​യ​ൽ മു​ക്ത​മാ​ക്കാ​ൻ ന​ട​പ​ടി വേ​ണ​മെ​ന്നും ആ​വ​ശ്യ​മു​യ​രു​ന്നു. അ​നി​യ​ന്ത്രി​ത അ​ള​വി​ൽ മാ​ലി​ന്യ​ങ്ങ​ളും കൃ​ഷി​യി​ട​ങ്ങ​ളി​ൽ ഉ​പ​യോ​ഗി​ക്കു​ന്ന വ​ള​വും പു​ഴ​യി​ലെ​ത്തു​ന്ന​താ​ണ് ഓ​ക്സി​ജ​ൻ കു​റ​യാ​ൻ കാ​ര​ണം.

പോ​ള​ച്ചി​റ​യി​ൽ പ്ര​ക​ട​മാ​യ രീ​തി​യി​ൽ നി​റ​വ്യ​ത്യാ​സം, ദു​ർ​ഗ​ന്ധം, പ​ത, ജ​ല​ജീ​വി​ക​ൾ ച​ത്തു​പൊ​ങ്ങു​ന്ന​ത് എ​ന്നി​വ കാ​ണു​ക​യാ​ണെ​ങ്കി​ൽ വെ​ള്ള​ത്തി​ൽ ഇ​റ​ങ്ങു​ന്ന​തും നീ​രൊ​ഴു​ക്ക് വ​ന്ന് പൂ​ർ​വ​സ്ഥി​തി​യി​ലാ​കു​ന്ന​തു​വ​രെ ഉ​പ​യോ​ഗം ഒ​ഴി​വാ​ക്കു​ക​യും ചെ​യ്യു​ന്ന​താ​ണ് ന​ല്ല​തെ​ന്നും വി​ദ​ഗ്ധ​ർ പ​റ​യു​ന്നു. ക​ക്കൂ​സ് മാ​ലി​ന്യ​വും കെ​മി​ക്ക​ൽ മാ​ലി​ന്യ​വും ത​ള്ളാ​നു​ള്ള ഇ​ട​മാ​യി പോ​ള​ച്ചി​റ മാ​റി​യി​രി​ക്കു​ക​യാ​ണ്. ദി​നം​പ്ര​തി വ​ൻ​തോ​തി​ലാ​ണ് പോ​ള​ച്ചി​റ​യി​ലേ​ക്ക് മാ​ലി​ന്യം ത​ള്ളു​ന്ന​ത്.

പോ​ള​ച്ചി​റ​യെ മാ​ലി​ന്യ​ത്തി​ൽ​നി​ന്ന് സം​ര​ക്ഷി​ച്ചി​ല്ലെ​ങ്കി​ൽ ഇ​പ്പോ​ൾ വ​ള​രെ കു​റ​ഞ്ഞ അ​ള​വി​ലു​ള്ള ബ്ലൂ ​ഗ്രീ​ൻ അ​ൽ​ഗ പെ​രു​കാ​നും മ​നു​ഷ്യ​ർ​ക്കും ജ​ല​ജീ​വി​ക​ൾ​ക്കും വ​ള​ർ​ത്തു മൃ​ഗ​ങ്ങ​ൾ​ക്കും ഭീ​ഷ​ണി​യാ​യി വ​രാ​നും സാ​ധ്യ​ത​യു​ണ്ട്.