പച്ചക്കറിക്കടയില്‍ മോഷണം; പ്രതികള്‍ പിടിയിൽ

പത്തനാപുരം: പച്ചക്കറിക്കടയില്‍ മോഷണം നടത്തിയവര്‍ പിടിയിലായി. പത്തനാപുരം മഞ്ചള്ളൂർ കുന്നുംപുറത്ത് പുത്തൻവീട്ടിൽ രാജേഷ്, പാതിരിക്കൽ സെൻറ് മേരീസ് സ്കൂളിന് സമീപം പുള്ളൂകുന്നിൽ വീട്ടിൽ വിനീത എന്നിവരെയാണ് പിടികൂടിയത്. മഞ്ചള്ളൂർ ജങ്ഷനിൽ വ്യാപാരം നടത്തുന്ന മുഹമ്മദ് അലിയുടെ കടയിലാണ് മോഷണം നടന്നത്.

ഇവര്‍ ഉപയോ​ഗിച്ച ഓ​ട്ടോയും കസ്​റ്റഡിയിലെടുത്തു. കുറച്ച് നാളുകളായി ഈ കടയിൽ‌നിന്ന് സ്ഥിരമായി മോഷണം നടത്തി വരികയായിരുന്നു പ്രതികളെന്ന് പൊലീസ് പറഞ്ഞു.