കല്ലുംകടവ് പാലം പൂര്‍ത്തിയായി

പ​ത്ത​നാ​പു​രം: പു​ന​ലൂ​ര്‍ പൊ​ന്‍കു​ന്നം സം​സ്ഥാ​ന പാ​ത​യു​ടെ ന​വീ​ക​ര​ണ​പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി പു​തി​യ​താ​യി നി​ർ​മി​ച്ച ക​ല്ലും​ക​ട​വ്പാ​ലം പൂ​ര്‍ത്തി​യാ​യി. അ​പ്രോ​ച്ച് റോ​ഡു​ക​ളു​ടെ​യും പാ​ല​ത്തി​ന്റെ​യും അ​ന്തി​മ​ഘ​ട്ട ടാ​റി​ങ് കൂ​ടി ക​ഴി​ഞ്ഞാ​ല്‍ ഗ​താ​ഗ​ത​ത്തി​നാ​യി തു​റ​ന്ന് ന​ല്‍കും.

നി​ല​വി​ല്‍ വാ​ഹ​ന​ങ്ങ​ള്‍ ഓ​ടു​ന്ന കോ​ണ്‍ക്രീ​റ്റ് പാ​ലം നി​ല​നി​ര്‍ത്തി​യാ​ണ് പു​തി​യ പാ​ലം നി​ര്‍മി​ച്ച​ത്. പാ​ത​യു​ടെ അ​വ​സാ​ന റീ​ച്ചാ​യ പു​ന​ലൂ​ര്‍ കോ​ന്നി ഭാ​ഗ​മാ​ണ് നി​ല​വി​ല്‍ ജോ​ലി​ക​ള്‍ പു​രോ​ഗ​മി​ക്കു​ന്ന​ത്. റീ​ച്ചി​ലെ ക​ല്ലും​ക​ട​വ് പാ​ലം ക​ഴി​ഞ്ഞാ​ല്‍ മ​റ്റൊ​ന്ന് മു​ക്ക​ട​വ് ആ​റി​ന് കു​റു​കെ നി​ർ​മി​ക്കു​ന്ന ബോ​സ്ട്രി​ങ് പാ​ല​മാ​ണ്. ഇ​ത്​ ഗ​താ​ഗ​ത​ത്തി​നാ​യി തു​റ​ന്ന് ന​ല്‍കി​യി​ട്ടു​ണ്ട്.

ക​ല്ലും​ക​ട​വ് പാ​ല​ത്തി​ല്‍ തെ​രു​വ് വി​ള​ക്കു​ക​ളും സ്ഥാ​പി​ക്കാ​നു​ണ്ട്. സം​സ്ഥാ​ന ഗ​താ​ഗ​ത പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 2002 ലാ​ണ് പു​ന​ലൂ​ര്‍ തൊ​ടു​പു​ഴ പാ​ത​യു​ടെ നി​ർ​മാ​ണ​പ്ര​വ​ര്‍ത്ത​ന​ങ്ങ​ള്‍ ആ​രം​ഭി​ച്ച​ത്. പു​ന​ലൂ​രി​ല്‍ നി​ന്ന് തു​ട​ങ്ങി പ​ത്ത​നാ​പു​രം, കൂ​ട​ല്‍, കോ​ന്നി, കു​മ്പ​ഴ, റാ​ന്നി, മ​ണി​മ​ല, ചെ​റു​വ​ള്ളി വ​ഴി പൊ​ന്‍കു​ന്നം കെ.​കെ റോ​ഡി​ല്‍ സം​ഗ​മി​ക്കും. തു​ട​ര്‍ന്ന് പൊ​ന്‍കു​ന്നം-​പാ​ലാ റോ​ഡി​ലൂ​ടെ മൂ​വാ​റ്റു​പു​ഴ എ​ത്തി അ​വി​ടെ നി​ന്ന്​ തൊ​ടു​പു​ഴ​യി​ല്‍ അ​വ​സാ​നി​ക്കും.

സം​സ്ഥാ​ന​പാ​ത​യു​ടെ ഭാ​ഗ​മാ​യി​ട്ടു​ള്ള അ​വ​സാ​ന റീ​ച്ചാ​ണ് പു​ന​ലൂ​ര്‍ മു​ത​ല്‍ കോ​ന്നി വ​രെ 29 കി​ലോ​മീ​റ്റ​ര്‍ ദൂ​രം. ഇ​തി​നാ​യി 229 കോ​ടി രൂ​പ​യാ​ണ് വ​ക​യി​രു​ത്തി​യി​രി​ക്കു​ന്ന​ത്. 15 മീ​റ്റ​ര്‍ വീ​തി​യി​ലാ​ണ് പാ​ത.