പൂർത്തിയാകാതെ കലഞ്ഞൂര്‍ മാങ്കോട് പാത നിര്‍മാണം

പ​ത്ത​നാ​പു​രം: കൊ​ല്ലം- പ​ത്ത​നം​തി​ട്ട ജി​ല്ല​ക​ളെ ബ​ന്ധി​പ്പി​ക്കു​ന്ന പ്ര​ധാ​ന മ​ല​യോ​ര​പാ​ത​യാ​യ ഇ​ള​മ​ണ്ണൂ​ർ-​ക​ല​ഞ്ഞൂ​ർ-​മാ​ങ്കോ​ട്-​പാ​ടം പാ​ത ന​വീ​ക​ര​ണം അ​ഞ്ച് വ​ർ​ഷം പി​ന്നി​ട്ടി​ട്ടും പൂ​ർ​ത്തി​യാ​യി​ല്ല. 13 കി​ലോ​മീ​റ്റ​ർ വ​രു​ന്ന റോ​ഡി​ന്‍റെ നി​ർ​മാ​ണം ഇ​ഴ​യു​ന്ന​ത് ജ​ന​ത്തെ ദു​രി​ത​ത്തി​ലാ​ക്കു​ന്നു. നി​ർ​മാ​ണ പു​രോ​ഗ​തി വി​ല​യി​രു​ത്താ​ൻ ക​ഴി​ഞ്ഞ വ​ര്‍ഷം അ​വ​സാ​നം സ്ഥ​ല​ത്തെ​ത്തി​യ മ​ന്ത്രി മു​ഹ​മ്മ​ദ് റി​യാ​സി​ന്‍റെ പ്ര​ഖ്യാ​പ​ന​വും പാ​ഴ്‌​വാ​ക്കാ​യി. സം​സ്ഥാ​ന​പാ​ത​യാ​യ കെ.​പി റോ​ഡി​ലെ ഇ​രു​പ​ത്തി​മൂ​ന്ന് ജ​ങ്​​ഷ​നി​ൽ​നി​ന്നാ​ണ് റോ​ഡ് തു​ട​ങ്ങു​ന്ന​ത്.

അ​വി​ടെ​നി​ന്ന് പു​ന​ലൂ​ർ-​മൂ​വാ​റ്റു​പു​ഴ റോ​ഡി​ലെ​ത്തി ക​ല​ഞ്ഞൂ​ർ-​മാ​ങ്കോ​ട്-​പാ​ടം പാ​ത​യി​ലേ​ക്ക് പ്ര​വേ​ശി​ക്കും. ക​ല​ഞ്ഞൂ​ർ ഡി​പ്പോ ജ​ങ്​​ഷ​ൻ​മു​ത​ൽ കൊ​ല്ലം ജി​ല്ല​യി​ലെ ഭാ​ഗ​ങ്ങ​ളി​ലൂ​ടെ പ​ത്ത​നാ​പു​ര​ത്തെ മാ​ങ്കോ​ട് ഭാ​ഗ​ത്തെ​ത്തു​ന്ന വി​ധ​മാ​ണ്​ നി​ർ​മാ​ണം. ഒ​ന്ന​ര​വ​ർ​ഷം കാ​ലാ​വ​ധി​യി​ൽ 22 കോ​ടി മു​ട​ക്കി​യു​ള്ള പാ​ത നി​ർ​മാ​ണം 2018 ആ​ഗ​സ്റ്റി​ൽ തു​ട​ങ്ങി​യ​താ​ണ്‌.

ഇ​തു​വ​രെ ക​ല​ഞ്ഞൂ​ർ​മു​ത​ൽ മാ​ങ്കോ​ട് സ്റ്റേ​ഡി​യം ജ​ങ്ഷ​ൻ​വ​രെ ടാ​റി​ങ് ന​ട​ത്തി​യ​തു മാ​ത്ര​മാ​ണ്‌ നി​ർ​മാ​ണ പു​രോ​ഗ​തി. മി​ക്ക സ്ഥ​ല​ങ്ങ​ളി​ലും അ​വ​സാ​ന​ഘ​ട്ട ടാ​റി​ങ് ന​ട​ന്നി​ട്ടി​ല്ല. പ​ത്ത​നാ​പു​രം വാ​ഴ​പ്പാ​റ ആ​ക്വാ​ഡ​ക്ടി​ന്​ സ​മീ​പം കു​റ​ച്ചു​ഭാ​ഗ​ത്ത് റോ​ഡ് പ​ണി ആ​രം​ഭി​ക്കാ​ത്ത സ്ഥി​തി​യാ​ണ്. വാ​ഴ​പ്പാ​റ​മു​ത​ൽ മു​ള്ളൂ​ർ​നി​ര​പ്പ് വ​രെ​യു​ള്ള ജി​ല്ല​യു​ടെ ഭാ​ഗ​ത്താ​വ​ട്ടെ ഓ​ട​നി​ർ​മാ​ണം പേ​രി​നു​മാ​ത്ര​വും.

മാ​ങ്കോ​ട് ജ​ങ്ഷ​ൻ ക​ഴി​ഞ്ഞു​ള്ള ഭാ​ഗ​ത്ത് റോ​ഡ് വീ​തി​കൂ​ട്ടു​ന്ന​തി​നാ​യി എ​ടു​ത്ത കു​ഴി​ക​ളും റോ​ഡി​ന്‍റെ ത​ക​ർ​ച്ച​യും അ​പ​ക​ട​ങ്ങ​ൾ​ക്കി​ട​യാ​ക്കു​ന്നു​ണ്ട്.​പാ​ടം വ​രെ​യു​ള്ള മൂ​ന്ന​ര​ക്കി​ലോ​മീ​റ്റ​ർ ഭാ​ഗ​ത്ത് പാ​ത​യോ​രം കെ​ട്ടി ബ​ല​പ്പെ​ടു​ത്തി ഓ​ട നി​ർ​മി​ച്ചു​വേ​ണം പ​ണി പൂ​ർ​ത്തി​യാ​ക്കേ​ണ്ട​ത്.