എഫ്.ഡി.ആർ സാ​ങ്കേതിക വിദ്യയില്‍ നടുക്കുന്ന്-മുക്കടവ് പാതക്ക്​ പുതുജീവൻ

പ​ത്ത​നാ​പു​രം: നൂ​ത​ന സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് പു​ന​ര്‍നി​ർ​മി​ക്കു​ന്ന ന​ടു​ക്കു​ന്ന്-​ക​മു​കും​ചേ​രി-​മു​ക്ക​ട​വ് പാ​ത​യു​ടെ പ്ര​വ​ർ​ത്ത​ന​ങ്ങ​ൾ​ക്ക്​ തു​ട​ക്കം. നി​ല​വി​ല്‍ ടാ​റി​ങ് പൂ​ര്‍ണ​മാ​യും ഇ​ള​ക്കിമാ​റ്റി വീ​തികൂ​ട്ടു​ന്ന ജോ​ലി​ക​ളാ​ണ് പു​രോ​ഗ​മി​ക്കു​ന്ന​ത്. വ​ട​ക്കേ​ന്ത്യ​ന്‍ സം​സ്ഥാ​ന​ങ്ങ​ളി​ൽ ഉ​പ​യോ​ഗി​ക്കു​ന്ന എ​ഫ്.​ഡി.​ആ​ർ സാ​​ങ്കേ​തി​കവി​ദ്യ ഉ​പ​യോ​ഗി​ച്ചാ​ണ് ഈ ​പാ​ത​ക​ൾ ന​വീ​ക​രി​ക്കു​ന്ന​ത്.

നി​ല​വി​ലു​ള്ള ടാ​റി​ങ് പൂ​ർ​ണ​മാ​യും ഇ​ള​ക്കി​മാ​റ്റു​ക​യും സി​മ​ൻ​റ് ചേ​ര്‍ത്ത് ത​യാ​റാ​ക്കു​ന്ന പ്ര​ത്യേ​ക മി​ശ്രി​തം പാ​ത​യി​ൽ ഉ​റ​പ്പി​ക്കു​ക​യും ചെ​യ്യും. തു​ട​ര്‍ന്ന് നേ​ര​ത്തെ ഇ​ള​ക്കി​മാ​റ്റി​യ റോ​ഡി​ന്‍റെ ഭാ​ഗ​ങ്ങ​ൾ പു​ന​ചം​ക്ര​മ​ണം ചെ​യ്ത​ത്​ ഉ​പ​യോ​ഗി​ച്ച്​ ടാ​റി​ങ് ന​ട​ത്തും. ആ​കെ ഏ​ഴ് മീ​റ്റ​റാ​ണ് പാ​ത.

ഇ​തി​ല്‍ അ​ഞ്ച​ര മീ​റ്റ​റി​ലാ​ണ് ടാ​റി​ങ്. ടാ​റി​ങ് ന​ട​ക്കു​മ്പോ​ള്‍ പാ​ത​യി​ലൂ​ടെ ഗ​താ​ഗ​തം പൂ​ർ​ണ​മാ​യും നി​രോ​ധി​ക്കും. നി​യോ​ജ​ക​മ​ണ്ഡ​ല​ത്തി​ലെ വി​വി​ധ റോ​ഡു​ക​ളു​ടെ പു​ന​ർ​നി​ർ​മാ​ണ​വു​മാ​യി ബ​ന്ധ​പ്പെ​ട്ട് ക​രാ​ർ ഏ​ജ​ൻ​സി​യും കി​ഫ്ബി ഉ​ദ്യോ​ഗ​സ്ഥ​രും പാ​ത​ക​ളി​ല്‍ ക​ഴി​ഞ്ഞമാ​സം സ​ന്ദ​ർ​ശ​നം ന​ട​ത്തി​യി​രു​ന്നു. പ​ള്ളി​മു​ക്ക്-​പു​ന്ന​ല-​ക​റ​വൂ​ർ, പ​ള്ളി​മു​ക്ക്-​അ​ലി​മു​ക്ക്, പ​ത്ത​നാ​പു​രം-​ഏ​നാ​ത്ത് റോ​ഡു​ക​ളാ​ണ് എ​ഫ്.​ഡി.​ആ​ര്‍ സാ​ങ്കേ​തി​ക വി​ദ്യ​യി​ലൂ​ടെ പു​ന​രു​ദ്ധ​രി​ക്കു​ന്ന​ത്.

നി​ർ​മാ​ണ​പ്ര​വ​ര്‍ത്ത​ന​ങ്ങ​ള്‍ക്ക് ആ​വ​ശ്യ​മാ​യ യ​ന്ത്ര​സാ​മ​ഗ്രി​ക​ളും വാ​ഹ​ന​ങ്ങ​ളും ക​ഴി​ഞ്ഞ​യാ​ഴ്ച റെ​യി​ല്‍വേ വാ​ഗ​ണി​ല്‍ കൊ​ല്ല​ത്ത് എ​ത്തി​ച്ചി​രു​ന്നു. ഇ​ത് പു​ന്ന​ല-പ​ത്ത​നാ​പു​രം പാ​ത​യി​ല്‍ കി​ഴ​വ​റ​യി​ല്‍ നി​ർ​മി​ച്ച മൈ​താ​നി​യി​ല്‍ എ​ത്തി​ച്ചി​ട്ടു​ണ്ട്.

നി​ര​വ​ധി​നാ​ളു​ക​ളാ​യി ഈ ​പാ​ത​ക​ൾ ഗ​താ​ഗ​ത യോ​ഗ്യ​മ​ല്ലാ​തെ കി​ട​ക്കു​ക​യാ​യി​രു​ന്നു. ഇ​തേതു​ട​ർ​ന്നാ​ണ് 2022ലെ ​ബ​ജ​റ്റി​ല്‍ ഉ​ള്‍പ്പെ​ടു​ത്തി പാ​ത​യു​ടെ ന​വീ​ക​ര​ണ​ത്തി​നാ​യി കി​ഫ്ബി ഫ​ണ്ട് അ​നു​വ​ദി​ച്ച​ത്. നി​ല​വി​ൽ ഏ​നാ​ത്ത് -പ​ത്ത​നാ​പു​രം പാ​ത​യു​ടെ സ​ർ​വേ ന​ട​പ​ടി​ക​ൾ മാ​ത്ര​മാ​ണ് പൂ​ർ​ത്തി​യാ​യി​ട്ടു​ള്ള​ത്. ബാ​ക്കി പാ​ത​ക​ൾ അ​ടി​യ​ന്ത​ര​മാ​യി സ​ർ​വേ പൂ​ർ​ത്തീ​ക​രി​ച്ച റി​പ്പോ​ർ​ട്ട് സ​മ​ർ​പ്പി​ക്കാ​ൻ ത​ഹ​സി​ല്‍ദാ​ര്‍ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. മാ​ര്‍ച്ച് ആ​ദ്യ​വാ​ര​ത്തോ​ടെ ടാ​റി​ങ് ആ​രം​ഭി​ക്കു​മെ​ന്നാ​ണ് നി​ല​വി​ലെ പ്ര​തീ​ക്ഷ.