Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightPathanapuramchevron_rightജ്വല്ലറിയിൽ...

ജ്വല്ലറിയിൽ മോഷണശ്രമം; കുറുവ സംഘമെന്ന്​ സംശയം

text_fields
bookmark_border
ജ്വല്ലറിയിൽ മോഷണശ്രമം; കുറുവ സംഘമെന്ന്​ സംശയം
cancel
camera_alt

പത്തനാപുരം പാതയില്‍ പ്രവര്‍ത്തിക്കുന്ന വിനായക ജ്വല്ലറിയുടെ പൂട്ടുകള്‍ പൊളിച്ച നിലയില്‍

പത്തനാപുരം: ജില്ലയില​ും തമിഴ്നാട്ടിൽനിന്നുള്ള മോഷ്​ടാക്കളായ കുറുവ സംഘത്തി​െൻറ സാന്നിധ്യം സംശയിക്കുന്നതായി പൊലീസ്. പത്തനാപുരം നഗരമധ്യത്തിലെ ജ്വല്ലറിയിൽ കഴിഞ്ഞ ദിവസമുണ്ടായ മോഷണ ശ്രമത്തിന്​ പിന്നിൽ ഇൗ സംഘമാണെന്നാണ്​ സംശയിക്കുന്നത്​.

പുനലൂര്‍ പത്തനാപുരം പാതയില്‍ പ്രവര്‍ത്തിക്കുന്ന വിനായക ജ്വല്ലറിയിലാണ് കഴിഞ്ഞദിവസം രാത്രി മോഷണശ്രമം നടന്നത്. ഷട്ടറുകളുടെ പൂട്ടുകൾ കുത്തിത്തുറന്നു.തറയിലെ ടൈലുകള്‍ പൊളിക്കുകയും ചെയ്തിട്ടുണ്ട്. വ്യാഴാഴ്ച പുലര്‍ച്ച ഒന്നിന്​ ശേഷമാണ് മോഷണശ്രമം നടന്നതെന്ന് സി.സി കാമറ ദൃശ്യങ്ങളിൽനിന്ന്​ വ്യക്തമായി. പുനലൂര്‍ ഭാഗത്തുനിന്ന്​ വന്ന കാറിൽ രണ്ടുപേർ വന്നിറങ്ങുന്നതായും ദൃശ്യങ്ങളിലുണ്ട്.

സ്ഥാപനത്തിലെ സി.സി ക്യാമറ തുണികൾ കൊണ്ട് മറച്ചശേഷമാണ് പൂട്ട് കുത്തിപ്പൊളിച്ചിട്ടുള്ളത്. ഷട്ടറിനകത്തെ വാതിലി​െൻറ പൂട്ട് പൊളിക്കാൻ ശ്രമം നടത്തിയെങ്കിലും ഫലമുണ്ടായില്ല. ഇതിനാല്‍തന്നെ മോഷ്​ടാക്കള്‍ക്ക് ജ്വല്ലറിയില്‍ പ്രവേശിക്കാന്‍ കഴിഞ്ഞില്ല. ഡോഗ് സ്ക്വാഡും വിരലടയാള വിദഗ്​ധരും സ്ഥലത്തെത്തി തെളിവെടുപ്പ് നടത്തി. കൊല്ലം, പത്തനംതിട്ട ജില്ലകളിൽ കുറുവ മോഷണസംഘത്തി​െൻറ സാന്നിധ്യമുള്ളതായി സൂചന ലഭിച്ചിട്ടുള്ളതായും ജാഗ്രത പാലിക്കണമെന്നും പത്തനാപുരം പൊലീസ് എസ്.എച്ച്.ഒ സുരേഷ് കുമാർ പറഞ്ഞു.



Show Full Article
TAGS:theft at jewelery 
News Summary - Attempted theft at jewelery; Suspicion of a Kuruva group
Next Story