Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightPathanapuramchevron_rightഅലിമുക്ക്...

അലിമുക്ക് അച്ചന്‍കോവില്‍ പാതയില്‍ തുടര്‍ക്കഥയായി വാഹനാപകടങ്ങള്‍

text_fields
bookmark_border
അലിമുക്ക് അച്ചന്‍കോവില്‍ പാതയില്‍ തുടര്‍ക്കഥയായി വാഹനാപകടങ്ങള്‍
cancel
camera_alt

അച്ചന്‍കോവില്‍ തുറ ഭാഗത്ത് താഴ്ചയിലേക്ക് മറിഞ്ഞ കാര്‍

പ​ത്ത​നാ​പു​രം: അ​ലി​മു​ക്ക് അ​ച്ച​ൻ​കോ​വി​ൽ പാ​ത​യി​ല്‍ വാ​ഹ​നാ​പ​ക​ട​ങ്ങ​ള്‍ തു​ട​ര്‍ക്ക​ഥ​യാ​കു​ന്നു. പു​ന​രു​ദ്ധാ​ര​ണം ക​ഴി​ഞ്ഞ കാ​ന​ന​പാ​ത​യി​ല്‍ വേ​ഗ​നി​യ​ന്ത്ര​ണ സം​വി​ധാ​ന​ങ്ങ​ളും സൂ​ച​ന​ബോ​ര്‍ഡു​ക​ളും സ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ര്‍ രം​ഗ​ത്ത്. ക​ഴി​ഞ്ഞ ഒ​രു​മാ​സ​ത്തി​നി​ടെ വി​വി​ധ ഭാ​ഗ​ങ്ങ​ളി​ലാ​യി പ​ത്തോ​ളം അ​പ​ക​ട​ങ്ങ​ളാ​ണ് ഉ​ണ്ടാ​യ​ത്.

ആ​റ് മാ​സം മു​മ്പാ​ണ് ത​ക​ര്‍ന്ന് കി​ട​ന്ന റോ​ഡ് ന​വീ​ക​ര​ണം പൂ​ര്‍ത്തി​യാ​ക്കി ഗ​താ​ഗ​ത​യോ​ഗ്യ​മാ​ക്കി​യ​ത്. ഇ​തോ​ടെ വാ​ഹ​ന​ങ്ങ​ളു​ടെ വേ​ഗ​വും വ​ര്‍ധി​ച്ചു. വ​ലി​യ വ​ള​വു​ക​ളും വീ​തി കു​റ​വു​മു​ള്ള റോ​ഡ് ആ​യ​തി​നാ​ല്‍ത​ന്നെ വേ​ഗ​ത്തി​ല്‍ എ​ത്തു​ന്ന വാ​ഹ​ന​ങ്ങ​ള്‍ അ​പ​ക​ട​ത്തി​ല്‍പെ​ടാ​ന്‍ സാ​ധ്യ​ത​യേ​റെ​യാ​ണ്. പ​ല​യി​ട​ങ്ങ​ളി​ലും വ​ശ​ങ്ങ​ളി​ലു​ള്ള കാ​ടു​ക​ൾ റോ​ഡി​ലേ​ക്ക് വ​ള​ര്‍ന്ന് കി​ട​ക്കു​ക​യാ​ണ്. ഇ​തി​നാ​ല്‍ത​ന്നെ എ​തി​രെ വ​രു​ന്ന വാ​ഹ​ന​ങ്ങ​ളോ വ​ശ​ങ്ങ​ളി​ലെ കു​ഴി​ക​ളോ കാ​ണാ​ന്‍ ക​ഴി​യാ​റി​ല്ല.

വ​ന​ത്തി​നു​ള്ളി​ലൂ​ടെ ക​ട​ന്നു​പോ​കു​ന്ന പാ​ത​യി​ലേ​ക്ക് വ​ന്യ​മൃ​ഗ​ങ്ങ​ളും എ​ത്താ​റു​ണ്ട്. പാ​ത​യു​ടെ വ​ശ​ങ്ങ​ളി​ല്‍ ജ​ന​വാ​സ​മേ​ഖ​ല​ക​ള്‍ കു​റ​വാ​യ​തി​നാ​ല്‍ത​ന്നെ ഏ​റെ താ​മ​സി​ച്ചാ​കും അ​പ​ക​ട​വി​വ​രം മ​റ്റു​ള്ള​വ​ര്‍ അ​റി​യു​ന്ന​ത്. ക​ഴി​ഞ്ഞ​ദി​വ​സം അ​ച്ച​ന്‍കോ​വി​ല്‍ തു​റ ഭാ​ഗ​ത്തു കാ​ർ താ​ഴ്ച​യി​ലേ​ക്ക് മ​റി​ഞ്ഞ​താ​ണ് ഒ​ടു​വി​ലെ സം​ഭ​വം. വേ​ഗ​ത​യി​ലെ​ത്തി​യ വാ​ഹ​നം നി​യ​ന്ത്ര​ണം വി​ട്ട്​ താ​ഴ്ച​യി​ലേ​ക്ക് മ​റി​യു​ക​യാ​യി​രു​ന്നു. പു​ന​ലൂ​ർ സ്വ​ദേ​ശി​ക​ളാ​യി​രു​ന്ന യാ​ത്ര​ക്കാ​ര്‍ നി​സ്സാ​ര​പ​രി​ക്കു​ക​ളോ​ടെ ര​ക്ഷ​പ്പെ​ട്ടു.

ശ​ബ​രി​മ​ല തീ​ർ​ഥാ​ട​ന​കാ​ല​മാ​യ​തി​ല്‍ പാ​ത​യി​ല്‍ തി​ര​ക്കും വ​ര്‍ധി​ച്ചി​ട്ടു​ണ്ട്. പാ​ത​യി​ല്‍ ഹ​മ്പു​ക​ളും അ​പ​ക​ട​മേ​ഖ​ല​ക​ള്‍ മ​ന​സ്സി​ലാ​ക്കാ​നാ​യി ബോ​ര്‍ഡു​ക​ളും സ്ഥാ​പി​ക്ക​ണ​മെ​ന്നാ​വ​ശ്യം ശ​ക്ത​മാ​കു​ന്നു​ണ്ട്.

Show Full Article
TAGS:Accident pathanapuram 
News Summary - Accidents continue on Alimukku-Achankovil road
Next Story