കാപ്പ പ്രകാരം കൊടുംകുറ്റവാളി അറസ്റ്റിൽ

പാരിപ്പള്ളി: നിരവധി കേസുകളിൽ പ്രതിയായ കൊടുംകുറ്റവാളി കാപ്പ പ്രകാരം അറസ്റ്റിലായി. കൊല്ലം പാരിപ്പള്ളി കടമ്പാട്ട്ക്കോണം കഴുത്തുമ്മൂട് എന്ന സ്ഥലത്ത് മിഥുൻ ഭവനം വീട്ടിൽ മിഥുൻ (അച്ചു-25) ആണ് കാപ്പ പ്രകാരം പിടിയിലായത്.

പാരിപ്പള്ളി, വർക്കല, ചടയമംഗലം, പള്ളിക്കൽ പൊലീസ് സ്റ്റേഷനുകളിൽ നിരവധി കവർച്ചക്കേസുകളും മയക്കുമരുന്ന് കേസുകളും, ബലാത്സംഗം, കുട്ടികൾക്കെതിരെയുള്ള ലൈംഗികാതിക്രമം, എസ്.സി/എസ്.ടി വിഭാഗത്തിലുള്ളവരെ പീഡിപ്പിച്ചത് തുടങ്ങിയ കേസുകളിൽ പ്രതിയാണ് ഇയാൾ. ഇത് രണ്ടാം തവണയാണ് കാപ്പ പ്രകാരം കരുതൽ തടങ്കലിലാകുന്നത്.