കളഞ്ഞുകിട്ടിയ 30,000 രൂപ ഉടമക്ക് കൈമാറി ഫോട്ടോഗ്രാഫർ

ഓച്ചിറ: റോഡിൽ കിടന്ന 30,000 രൂപ ഉടമക്ക് തിരികെ നൽകി ഫോട്ടോഗ്രാഫറായ വിനോദ്.

തിങ്കളാഴ്ച ഉച്ചയോടെ വവ്വാക്കാവ് -പാവുമ്പ റോഡിൽ പഞ്ചമിമുക്കിന് സമീപത്തെ സ്വകാര്യ ആശുപത്രിക്ക് സമീപം നടുറോഡിൽനിന്നാണ്​ വിനോദിന് നോട്ടുകെട്ടുകൾ ലഭിച്ചത്. പണം എടുത്തതിനുശേഷം സ്വകാര്യ ആശുപത്രിയിൽ ഫോൺ നമ്പർ നൽകി അവരോട് റോഡിൽനിന്ന്​ നോട്ടുകെട്ടുകൾ ലഭിച്ചിട്ടു​െണ്ടന്നും അറിയിച്ചു. സമൂഹമാധ്യമങ്ങളിൽ കൂടി അറിയിപ്പും നൽകി.

മണിക്കൂറുകൾക്കകം ഉടമസ്ഥൻ വിളിച്ചു. വവ്വക്കാവിലെ സ്വർണക്കടവ്യാപാരിയായ സുകുമാരെൻറ പണമാണ് ബൈക്ക് യാത്രക്കിടെ നഷ്​ടമായത്. വിനോദ് ഉടമസ്ഥ​െൻറ അടുത്തെത്തി തുക കൈമാറി. ചങ്ങൻകുളങ്ങരയിൽ അലാൻറാ സ്​റ്റുഡിയോ നടത്തുകയാണ് വിനോദ്.