പാ​സ്റ്റ​ർ​ക്കു​നേരെ മു​ഖംമൂ​ടി അ​ക്ര​മ​ണം: മൂ​ന്നു​പേ​ർ അ​റ​സ്റ്റി​ൽ

ഓ​ച്ചി​റ: വ​വ്വാ​ക്കാ​വി​നു​സ​മീ​പം പെ​ന്ത​ക്കോ​സ്ത്​ സ​ഭ​യു​ടെ പ്രാ​ർ​ഥ​ന ന​ട​ത്തു​ക​യാ​യി​രു​ന്ന പാ​സ്റ്റ​റെ ആ​ക്ര​മി​ച്ച സം​ഭ​വ​ത്തി​ൽ മൂ​ന്നു​പേ​ർ പൊ​ലീ​സ് പി​ടി​യി​ലാ​യി. ക​ട​ത്തൂ​ർ പു​ല്ലം പ്ലാ​വി​ൽ കി​ഴ​ക്ക​തി​ൽ അ​ക്ഷ​യ​നാ​ഥ് (23), ക​ട​ത്തൂ​ർ ഹ​രി ഭ​വ​നം ഹ​രി​പ്ര​സാ​ദ് (35), ക​ട​ത്തൂ​ർ ദേ​വി​വി​ലാ​സം ന​ന്ദു (22) എ​ന്നി​വ​രെ​യാ​ണ് ഓ​ച്ചി​റ ഇ​ൻ​സ്പെ​ക്ട​ർ എ. ​നി​സാ​മു​ദ്ദീ​ന്റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്.

ജ​നു​വ​രി 15നാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. വ​വ്വാ​ക്കാ​വി​ന് പ​ടി​ഞ്ഞാ​റുള്ള പൈ​ങ്കി​ളി കാ​ഷ്യൂ ഫാ​ക്ട​റി​ വ​ള​പ്പി​ലെ കെ​ട്ടി​ട​ത്തി​ൽ ഒ​രു മാ​സ​മാ​യി പാ​സ്റ്റ​ർ റെ​ജി പാ​പ്പ​ച്ച​ന്റെ നേ​തൃ​ത്വ​ത്തി​ൽ പെ​ന്ത​ക്കോ​സ്ത് സ​ഭ​യു​ടെ പ്രാ​ർ​ഥ​ന ന​ട​ന്നു​വ​രു​ക​യാ​യി​രു​ന്നു.

പൈ​ങ്കി​ളി കാ​ഷ്യൂ ഉ​ട​മ അ​മ്പി​ളി എ​ന്ന് വി​ളി​ക്കു​ന്ന ജ​യ​ച​ന്ദ്ര​ന്റെ പ്ര​ത്യേ​ക താ​ൽ​പ​ര്യ​പ്ര​കാ​ര​മാ​ണ് ഇ​യാ​ളു​ടെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​ൽ പ്രാ​ർ​ഥ​ന ന​ട​ന്നു​വ​ന്ന​ത്. അ​തി​ൽ ജ​യ​ച​ന്ദ്ര​ന്റെ ബ​ന്ധു​ക്ക​ൾ​ക്കും എ​തി​ർ​പ്പു​ണ്ടാ​യി​രു​ന്നു. ജ​യ​ച​ന്ദ്ര​ന്റെ ബ​ന്ധു​വി​ന്റെ നി​ർ​ദേ​ശ​പ്ര​കാ​ര​മാ​ണ് അ​ക്ര​മി​ക​ൾ ഫാ​ക്ട​റി​ക്കു​ള്ളി​ൽ മ​തി​ൽ ചാ​ടി ക​യ​റി പാ​സ്റ്റ​റെ​യും ഭാ​ര്യ​യെ​യും ഭാ​ര്യാ മാ​താ​വി​നെ​യും മ​ർ​ദി​ച്ച് അ​വ​ശ​രാ​ക്കി​യ​ത്.

അ​ക്ര​മ​ത്തി​ലും ഗൂ​ഢാ​ലോ​ച​ന​യി​ലും പ​ങ്കെ​ടു​ത്ത മു​ഴു​വ​ൻ പേ​രെ​യും തി​രി​ച്ച​റി​ഞ്ഞ​താ​യും വ​രും ദി​വ​സ​ങ്ങ​ളി​ൽ കൂ​ടു​ത​ൽ അ​റ​സ്റ്റ് ഉ​ണ്ടാ​കു​മെ​ന്നും പൊ​ലീ​സ് അ​റി​യി​ച്ചു. അ​ന്വേ​ഷ​ണ​സം​ഘ​ത്തി​ൽ ഓ​ച്ചി​റ പൊ​ലീ​സ് സ​ബ് ഇ​ൻ​സ്പെ​ക്ട​ർ നി​യാ​സ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ വി​നോ​ദ്, അ​നി, വി​ഷാ​ന്ത്, രാ​ഹു​ൽ എ​ന്നി​വ​രും ഉ​ണ്ടാ​യി​രു​ന്നു.