ഭദ്രൻ മുക്ക്-ഡീസൽ പമ്പ് റോഡ് അടച്ചിട്ട് രണ്ടു മാസം; പ്രതിഷേധം ശക്തം

ഓ​ച്ചി​റ: ആ​ല​പ്പാ​ട് ഗ്രാ​മ​പ​ഞ്ചാ​യ​ത്തി​ന് കീ​ഴി​ലു​ള്ള അ​ഴീ​ക്ക​ൽ ഒ​ന്നാം വാ​ർ​ഡ് ഭ​ദ്ര​ൻ മു​ക്ക് -ഡീ​സ​ൽ പ​മ്പ് റോ​ഡ് അ​റ്റ​കു​റ്റ​പ്പ​ണി​ക്കാ​യി ഗ​താ​ഗ​തം നി​രോ​ധി​ച്ചി​ട്ട് ര​ണ്ടു മാ​സം ക​ഴി​ഞ്ഞു. നാ​ളി​തു​വ​രേ​യും റോ​ഡ് സ​ഞ്ചാ​ര​യോ​ഗ്യ​മാ​കാ​ത്ത​തി​ൽ പ്ര​തി​ഷേ​ധം ശ​ക്തം. വ​ർ​ഷ​ങ്ങ​ളാ​യി ത​ക​ർ​ച്ച​യി​ലു​ള്ള റോ​ഡ് പ​ഞ്ചാ​യ​ത്തി​ന്‍റെ വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി 19.5 ല​ക്ഷം രൂ​പ ചെ​ല​വ​ഴി​ച്ചാ​ണ് പു​ന​രു​ദ്ധ​രി​ക്കു​ന്ന​ത്.

റോ​ഡി​ന് കു​റു​കെ സ്ഥാ​പി​ച്ചി​രു​ന്ന പൈ​പ്പ് മാ​റ്റി ക​ൽ​വ​ർ​ട്ട് ഉ​ൾ​പ്പെ​ടെ​യാ​ണ് റോ​ഡ് നി​ർ​മി​ക്കു​ന്ന​ത്. ടാ​ങ്ക​ർ ലോ​റി​ക​ൾ ക​യ​റാ​നു​ള്ള പാ​ക​ത്തി​ല​ല്ല ക​ൽ​വ​ർ​ട്ട് നി​ർ​മാ​ണ​മെ​ന്ന് ആ​ക്ഷേ​പ​മു​ണ്ട്. നി​ല​വി​ലെ അ​ഴീ​ക്ക​ൽ പ്ര​ദേ​ശ​ത്തെ ആ​ദ്യ​ത്തെ ഡീ​സ​ൽ പ​മ്പ്, വേ​ദ​വ്യാ​സ ക്ഷേ​ത്രം, പൂ​ക്കോ​ട്ട് ക​ര​യോ​ഗം വ​ല റി​പ്പ​യ​റി​ങ്​ ഷെ​ഡ്, നി​ര​വ​ധി മ​ത്സ്യ​ബ​ന്ധ​ന യാ​ന​ങ്ങ​ളു​ടെ ക​ട​വ് എ​ന്നി​വ ഈ ​റോ​ഡി​ന് അ​ഭി​മു​ഖ​മാ​യി​ട്ടാ​ണ് സ്ഥി​തി​ചെ​യ്യു​ന്ന​ത്.

റോ​ഡ് കീ​റി​മു​റി​ച്ച് സ​ഞ്ചാ​ര യോ​ഗ്യ​മ​ല്ലാ​ത്ത​തി​നാ​ൽ ഡീ​സ​ൽ പ​മ്പ് ട്രോ​ളി​ങ്​ നി​രോ​ധ​ന​ത്തി​നു ശേ​ഷം തു​റ​ക്കാ​ൻ സാ​ധി​ച്ചി​ട്ടി​ല്ല. ട്രോ​ളി​ങ്​ നി​രോ​ധ​ന കാ​ല​യ​ള​വി​നു​ള്ളി​ൽ റോ​ഡി​ന്‍റെ നി​ർ​മാ​ണം പൂ​ർ​ത്തീ​ക​രി​ക്കു​മെ​ന്ന് പ​മ്പ് ഉ​ട​മ​ക​ൾ​ക്ക് പ​ഞ്ചാ​യ​ത്ത് അ​ധി​കാ​രി​ക​ൾ ഉ​റ​പ്പ് ന​ൽ​കി​യാ​ണ് നി​ർ​മാ​ണ പ്ര​വ​ർ​ത്ത​നം ആ​രം​ഭി​ച്ച​ത്. എ​ന്നാ​ൽ, ക​രാ​റു​കാ​ര​ന്‍റെ അ​നാ​സ്ഥ​യാ​ണ് നി​ർ​മാ​ണം വൈ​കാ​ൻ കാ​ര​ണ​മെ​ന്ന് പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്നു. ഡീ​സ​ൽ പ​മ്പ് തു​റ​ക്കാ​ൻ ക​ഴി​യാ​ത്ത​തി​നാ​ൽ ഭീ​മ​മാ​യ ക​ട​ബാ​ധ്യ​ത മൂ​ലം സ്ഥാ​പ​നം അ​ട​ച്ചു​പൂ​ട്ടേ​ണ്ട അ​വ​സ്ഥ​യാ​ണെ​ന്നും ഡീ​സ​ൽ പ​മ്പ് ഉ​ട​മ​ക​ൾ പ​റ​യു​ന്നു.