കൈയേറ്റം ചെയ്​തെന്ന്​; കോൺഗ്രസ് ബൂത്ത് പ്രസിഡൻറിന്​ സസ്പെൻഷൻ

ഓച്ചിറ: അസഭ്യവർഷം ന‍ടത്തിയ ബൂത്തുപ്രസിഡൻറിനെ എതിർത്തതിന് കോൺഗ്രസ് ക്ലാപ്പന മണ്ഡലം പ്രസിഡൻറിന് നേരെ കൈയേറ്റമെന്ന്​ പരാതി.

ക്ലാപ്പന പഞ്ചായത്ത് 13ാം വാർഡിലെ ബൂത്ത് പ്രസിഡൻറ് വിജയകുമാറിനെയാണ് മണ്ഡലം പ്രസിഡൻറ് ആർ. സുധാകരൻ പുറത്താക്കിയത്. ക്ലാപ്പന 13ാം വാർഡ് പ്രസിഡൻറയിരുന്ന സദഗോപ​െൻറ മരണാനന്തര ചടങ്ങിൽ പങ്കെടുക്കാനായി ഞായറാഴ്ച രാവിലെ ഒമ്പതിന് എത്തിയപ്പോഴാണ് നേതാക്കൾക്കെതിരെ വിജയകുമാർ അസഭ്യവർഷം നടത്തിയതത്രെ. തുടർന്ന് മണ്ഡലം പ്രസിഡൻറിനെ കൈയേറ്റം ചെയ്യുകയായിരുന്നു.

അടിയന്തര മണ്ഡലംകമ്മിറ്റി ചേർന്ന് ഡി.സി.സി പ്രസിഡൻറിെൻറ നിർദേശപ്രകാരം വിജയകുമാറിനെ സസ്പെൻഡ് ചെയ്യുകയായിരുന്നു.