പ്രതിഷേധസംഗമം

കൊല്ലം: സർക്കാർ നടപടികൾക്കെതിരെ കെ.എസ്.എസ്.പി.എ മേയ്‌ 11ന്​ നടത്തുന്ന കലക്ടറേറ്റ് മാർച്ചിന്‍റെ പ്രചാരണാർഥം ആശ്രാമം പെൻഷൻ ട്രഷറിക്ക് മുന്നിൽ പെൻഷൻകാർ പ്രതിഷേധ സംഗമം നടത്തി. കെ.എസ്.എസ്.പി.എ ജില്ല സെക്രട്ടറി വാര്യത്ത് മോഹൻകുമാർ ഉദ്ഘാടനം ചെയ്തു. ഇരവിപുരം നിയോജക മണ്ഡലം പ്രസിഡന്‍റ്​ പി. സുരേന്ദ്രനാഥ് അധ്യക്ഷത വഹിച്ചു. സംസ്ഥാന കമ്മിറ്റിയംഗങ്ങളായ ജി. ബാലചന്ദ്രൻ പിള്ള, ബി. സതീശൻ, സംസ്ഥാന അപ്പീൽ കമ്മിറ്റിയംഗം ജി. യശോധരൻപിള്ള, ജില്ല വൈസ് പ്രസിഡന്‍റ്​ എൽ. ശിവപ്രസാദ്, ജില്ല ട്രഷറർ ഡി. അശോകൻ, കൊല്ലം നിയോജക മണ്ഡലം പ്രസിഡന്‍റ്​ മൺറോത്തുരുത്ത് രഘു, എസ്. മധുസൂദനൻ, ജി.എസ്. കാശിനാഥൻ, സുവർണ കുമാരിയമ്മ എന്നിവർ സംസാരിച്ചു.