പുസ്തകപ്രകാശനം

കുന്നിക്കോട്: ആവണീശ്വരം എ.പി.പി.എം വൊക്കേഷനല്‍ ഹയര്‍ സെക്കൻഡറി സ്കൂളിന്റെ സ്ഥാപകനും മുതിര്‍ന്ന കോണ്‍ഗ്രസ് നേതാവുമായിരുന്ന രാമചന്ദ്രൻ നായരുടെ ജീവചരിത്രത്തെ ആസ്പദമാക്കി തയാറാക്കിയ രാമീരം എന്ന പുസ്തകം പ്രകാശനം ചെയ്തു. രാമചന്ദ്രൻ നായരുടെ മകളും സ്കൂള്‍ പ്രിന്‍സിപ്പലുമായ ഡോ. മീര ആർ. നായരാണ് പുസ്തക രചയിതാവ്. മന്ത്രി കെ.എൻ. ബാലഗോപാൽ പൊതുസമ്മേളനം ഉദ്ഘാടനം ചെയ്തു. ഐ.എന്‍.ടി.യു.സി സംസ്ഥാന പ്രസിഡന്റ് ആർ. ചന്ദ്രശേഖരന്‍ അധ്യക്ഷത വഹിച്ചു. രമേശ് ചെന്നിത്തല പുസ്തക പ്രകാശനം നടത്തി. കവി ആരംപുന്ന മുരളീധരൻ ഉണ്ണിത്താൻ, വി. പത്മരാജൻ, കെ.ബി. ഗണേഷ് കുമാർ എം.എല്‍.എ, അഡ്വ.കെ.പ്രകാശ് ബാബു, അഡ്വ.എസ്. വേണുഗോപാൽ, ഡോ.പുനലൂര്‍ സോമരാജൻ, ഡോ. ലക്ഷ്മി ആര്‍. നായർ, ബേബിസണ്‍, ദിവാകരൻ പിള്ള, പത്മഗിരീഷ് എന്നിവർ പങ്കെടുത്തു.