പ്രവേശനോത്സവം

കണ്ണനല്ലൂർ: കണ്ണനല്ലൂർ എം.ഇ.എസ്​ ഹൈസ്​കൂളിൽ സംഘടിപ്പിച്ച കൊറ്റംകുളങ്ങര ഗവ. വോക്കേഷനൽ ഹയർസെക്കൻഡറി സ്​കൂൾ മുൻ പ്രിൻസിപ്പൽ ഹ്യൂബർട്ട് ആന്‍റണി ഉദ്ഘാടനം ചെയ്തു. സ്​കൂൾ ചെയർമാൻ ഡോ. എം. അബ്ദുൽ സലാം അധ്യക്ഷതവഹിച്ചു. എ. നിസാം, പ്രിൻസിപ്പൽ കെ. നസീമ, എ. ഹസ്​ബുള്ള, എ. സീനത്ത്, ഐ. അനീഷ്, കെ. ഷാജഹാൻ, വി.കെ. സുനിത എന്നിവർ സംസാരിച്ചു. സീ കേരള ലിറ്റിൽ ചാമ്പ്യൻ സെമിഫൈനലിസ്റ്റ് മാസ്റ്റർ തെഹ്സീനെ ചടങ്ങിൽ ആദരിച്ചു. പരവൂർ: പരവൂർ മുനിസിപ്പൽതല പ്രവേശനോത്സവത്തിന്‍റെ ഉദ്ഘാടനം ഗവ. എൽ.പി.എസ് കോട്ടപ്പുറത്ത് മുനിസിപ്പൽ ചെയർപേഴ്സൻ ശ്രീജ നിർവഹിച്ചു. വാർഡ് കൗൺസിലർ ശ്രീലാൽ കുട്ടികൾക്ക്​ സമ്മാനപ്പൊതി നൽകി.