ദേശീയപാത വികസനം; നീണ്ടകര മേഖലയിലെ പ്രശ്നങ്ങൾ പരിഹരിക്കുമെന്ന്​ അധികൃതർ

കൊ​ല്ലം: വേ​ട്ടു​ത​റ, നീ​ണ്ട​ക​ര, പ​രി​മ​ണം, പു​ത്ത​ന്‍തു​റ പ്ര​ദേ​ശ​ങ്ങ​ളി​ലെ ദേ​ശീ​യ​പാ​ത 66 വി​ക​സ​ന​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ള്‍ പ​രി​ഹ​രി​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി സ്വീ​ക​രി​ക്കു​മെ​ന്ന് ദേ​ശീ​യ​പാ​ത അ​തോ​റി​റ്റി​യു​ടെ ഉ​റ​പ്പ്. ച​വ​റ മ​ണ്ഡ​ല​ത്തി​ലെ വി​വി​ധ പ്ര​ശ്ന​ങ്ങ​ള്‍ ച​ര്‍ച്ച ചെ​യ്യു​ന്ന​തി​നാ​യി ചേ​ര്‍ന്ന ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും യോ​ഗ​ത്തി​ൽ ദേ​ശീ​യ​പാ​ത അ​തോ​റി​റ്റി പ്രോ​ജ​ക്ട് ഡ​യ​റ​ക്ട​ര്‍ ദേ​ബ​പ്ര​സാ​ദ് സാ​ഹൂ ആ​ണ്​ ഇ​ക്കാ​ര്യം അ​റി​യി​ച്ച​ത്.

തെ​ക്കും​ഭാ​ഗം പ​ഞ്ചാ​യ​ത്തി​ൽ ഗ​താ​ഗ​തം സു​ഗ​മ​മാ​ക്കാ​ന്‍ വേ​ട്ടു​ത​റ​യി​ല്‍ വാ​ഹ​ന​ഗ​താ​ഗ​ത സൗ​ക​ര്യ​മു​ള്ള വ​ലി​യ അ​ടി​പ്പാ​ത, നീ​ണ്ട​ക​ര ച​ര്‍ച്ചി​ന് സ​മീ​പം കാ​ല്‍ന​ട​ക്കാ​ര്‍ക്കും ചെ​റു​വാ​ഹ​ന​ങ്ങ​ള്‍ക്കും പോ​കാ​ന്‍ ക​ഴി​യു​ന്ന ത​ര​ത്തി​ലു​ള്ള അ​ടി​പ്പാ​ത, പ​രി​മ​ണം പു​ത്ത​ന്‍തു​റ പ്ര​ദേ​ശ​ത്തെ ജ​ന​ങ്ങ​ള്‍ക്ക് പ്ര​യോ​ജ​ന​പ്ര​ദ​മാ​യ ത​ര​ത്തി​ല്‍ അ​ടി​പ്പാ​ത എ​ന്നി​വ നി​ര്‍മി​ക്ക​ണ​മെ​ന്നു​ള്ള പൊ​തു​വാ​യ ആ​വ​ശ്യം യോ​ഗ​ത്തി​ല്‍ ഉ​യ​ര്‍ന്നു.

ത​ല​ച്ചു​മ​ടു​മാ​യി പോ​കു​ന്ന മ​ത്സ്യ​ത്തൊ​ഴി​ലാ​ളി​ക​ള്‍ക്കും മ​ത്സ്യ​വി​പ​ണ​ന​ത്തി​ല്‍ ഏ​ര്‍പ്പെ​ട്ടി​രി​ക്കു​ന്ന വ​നി​ത​ക​ള്‍ക്കും സൗ​ക​ര്യ​പ്ര​ദ​മാ​യ ത​ര​ത്തി​ല്‍ ച​ര്‍ച്ചി​ന് സ​മീ​പം ന​ട​പ്പാ​ത വേ​ണ​മെ​ന്ന ആ​വ​ശ്യം ഉ​ന്ന​യി​ക്ക​പ്പെ​ട്ടു. പ​രി​മ​ണം പു​ത്ത​ന്‍തു​റ പ്ര​ദേ​ശ​ത്തെ ജ​ന​ങ്ങ​ള്‍ക്ക് ദേ​ശീ​യ​പാ​ത​യു​ടെ ഇ​രു​വ​ശ​ങ്ങ​ളി​ലും എ​ത്താ​ന്‍ സൗ​ക​ര്യ​മി​ല്ലാ​ത്ത സാ​ഹ​ച​ര്യം ഗു​രു​ത​ര​മാ​ണെ​ന്നും ദൈ​നം​ദി​ന ജീ​വി​ത​ത്തി​ല്‍ നി​ര​വ​ധി പ്രാ​വ​ശ്യം റോ​ഡി​ന്‍റെ ഇ​രു​ഭാ​ഗ​ങ്ങ​ളി​ലും എ​ത്തേ​ണ്ട ജ​ന​ങ്ങ​ള്‍ക്ക് പ്ര​യോ​ജ​ന​പ്ര​ദ​മാ​യ ത​ര​ത്തി​ല്‍ അ​ടി​പ്പാ​ത നി​ർ​മി​ക്ക​ണ​മെ​ന്നു​ള്ള ആ​വ​ശ്യ​വും യോ​ഗം പ​രി​ഗ​ണി​ച്ചു.

വേ​ട്ടു​ത​റ​യി​ല്‍ അ​ടി​പ്പാ​ത നി​ർ​മി​ക്ക​ണ​മെ​ന്നു​ണ്ടെ​ങ്കി​ല്‍ കൂ​ടു​ത​ല്‍ സ്ഥ​ല​മേ​റ്റെ​ടു​ക്കേ​ണ്ട സാ​ഹ​ച​ര്യം നി​ല​വി​ലു​ണ്ട്. ഇ​തി​ന്​ സം​സ്ഥാ​ന സ​ര്‍ക്കാ​റി​ന്‍റെ സ​ഹാ​യം ആ​വ​ശ്യ​മാ​യ​തി​നാ​ല്‍ ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ളു​ടെ സാ​ധ്യ​ത സം​സ്ഥാ​ന സ​ര്‍ക്കാ​റു​മാ​യി സ​ഹ​ക​രി​ച്ച് ന​ട​പ​ടി സ്വീ​ക​രി​ക്കാ​നും എം.​എ​ല്‍.​എ പ്ര​ത്യേ​കം താ​ൽ​പ​ര്യ​മെ​ടു​ക്ക​ണ​മെ​ന്ന് യോ​ഗ​ത്തി​ല്‍ ആ​വ​ശ്യം ഉ​യ​ര്‍ന്നു.

ഉ​യ​ർ​ന്നു​വ​ന്ന ആ​വ​ശ്യ​ങ്ങ​ൾ ന​ട​പ്പാ​ക്കാ​ന്‍ സാ​ധ്യ​മാ​യ​തെ​ല്ലാം ചെ​യ്യു​മെ​ന്നും ഇ​ത് സം​ബ​ന്ധി​ച്ച് അ​ന്തി​മ തീ​രു​മാ​നം എ​ടു​ക്കാ​ന്‍ സാ​ങ്കേ​തി​ക​വും ധ​ന​പ​ര​വും രൂ​പ​ക​ല്‍പ​നാ​പ്ര​കാ​ര​മു​ള്ള പ​രി​ശോ​ധ​ന​ക​ള്‍ അ​ടി​യ​ന്ത​ര​മാ​യി ന​ട​ത്തു​മെ​ന്നും ഉ​റ​പ്പു​ന​ല്‍കി. ച​വ​റ മ​ണ്ഡ​ല​ത്തി​ല്‍ കെ.​എം.​എം.​എ​ല്‍ ജ​ങ്​​ഷ​ന്‍, ഐ.​ആ​ര്‍.​ഇ ജ​ങ്​​ഷ​ന്‍, നീ​ണ്ട​ക​ര എ​ന്നി​വി​ട​ങ്ങ​ളി​ല്‍ വ​ലി​യ അ​ടി​പ്പാ​ത​ക​ളു​ണ്ട്.

കു​റ്റി​വ​ട്ടം, വെ​റ്റ​മു​ക്ക്, കൊ​റ്റ​ന്‍കു​ള​ങ്ങ​ര, ശ​ങ്ക​ര​മം​ഗ​ലം എ​ന്നി​വി​ട​ങ്ങ​ളി​ല്‍ അ​ടി​പ്പാ​ത വേ​ണ​മെ​ന്ന എം.​പി​യു​ടെ ആ​വ​ശ്യം പ​രി​ഗ​ണി​ച്ച് ന​ട​പ്പാ​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ച്ചി​ട്ടു​ണ്ടെ​ന്നും അ​റി​യി​ച്ചു.

ദേ​ശീ​യ​പാ​ത റോ​ഡ്​ നി​ർ​മാ​ണ​വു​മാ​യി ബ​ന്ധ​പ്പെ​ട്ട് ച​വ​റ, പ​ന്മ​ന പ​ഞ്ചാ​യ​ത്തു​ക​ളി​ല്‍ ഉ​ണ്ടാ​യി​ട്ടു​ള്ള വെ​ള്ള​ക്കെ​ട്ട് ഒ​ഴി​വാ​ക്ക​ണ​മെ​ന്ന ച​വ​റ​യി​ല്‍ ചേ​ര്‍ന്ന യോ​ഗ തീ​രു​മാ​നം ന​ട​പ്പാ​ക്കു​ന്ന​തി​നു​ള്ള ന​ട​പ​ടി​ക​ള്‍ സ്വീ​ക​രി​ച്ചു​വ​രു​ന്ന​താ​യും യോ​ഗ​ത്തി​ല്‍ റി​പ്പോ​ര്‍ട്ട് ചെ​യ്തു.

എ​ന്‍.​കെ. പ്രേ​മ​ച​ന്ദ്ര​ന്‍ എം.​പി അ​ധ്യ​ക്ഷ​ത വ​ഹി​ച്ചു. ഡോ. ​സു​ജി​ത്ത് വി​ജ​യ​ന്‍പി​ള്ള എം.​എ​ൽ.​എ, ജി​ല്ല പ​ഞ്ചാ​യ​ത്ത് അം​ഗ​ങ്ങ​ളാ​യ അ​ഡ്വ.​സി.​പി. സു​ധീ​ഷ് കു​മാ​ര്‍, എ​സ്. സോ​മ​ന്‍, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് സ​ന്തോ​ഷ് തു​പ്പാ​ശ്ശേ​രി, ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് സോ​ഫി​യ സ​ലാം, തെ​ക്കും​ഭാ​ഗം പ​ഞ്ചാ​യ​ത്ത് പ്ര​സി​ഡ​ന്‍റ് ത​ങ്ക​ച്ചി പ്ര​ഭാ​ക​ര​ന്‍, വൈ​സ് പ്ര​സി​ഡ​ന്‍റ് പ്ര​ഭാ​ക​ര​ന്‍ പി​ള്ള, നീ​ണ്ട​ക​ര പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് എം. ​ര​ജ​നി.

ഷാ​ജി എ​സ്. പ​ള്ളി​പ്പാ​ട​ന്‍, ബ്ലോ​ക്ക് പ​ഞ്ചാ​യ​ത്ത് മെം​ബ​ര്‍ ജോ​സ് വി​മ​ല്‍രാ​ജ്, ജോ​യി ആ​ന്‍റ​ണി, പ്രി​യ ഷി​നു, വാ​ര്‍ഡ് മെം​ബ​ര്‍മാ​രാ​യ ആ​ഗ്​​ന​സ്, ഹെ​ല​ന്‍ രാ​ജ​ന്‍, ഷെ​ര്‍ളി ഹെ​ന്‍ട്രി, പ്രി​യ ഷി​നു, ബി. ​അ​നി​ല്‍കു​മാ​ര്‍, എ​ന്‍.​എ​ച്ച്.​എ.​ഐ ഡെ​പ്യൂ​ട്ടി മാ​നേ​ജ​ര്‍ ടെ​ക്നി​ക്ക​ൽ കെ.​വി. കൃ​ഷ്ണ​റെ​ഡ്ഡി, വി​ശ്വ​സ​മു​ദ്ര ക​ണ്‍സ്ട്ര​ക്​​ഷ​ന്‍സ് എ.​ജി.​എം കെ.​വി. അ​നി​ല്‍കു​മാ​ര്‍, ലൈ​സ​ണ്‍ ഓ​ഫി​സ​ര്‍ വി​ശ്വ​സ​മു​ദ്ര അ​ബ്ദു​ല്‍ സ​ലാം എ​ന്നി​വ​ർ പ​​ങ്കെ​ടു​ത്തു.