ഭാര്യയെയും ബന്ധുക്കളെയും അയൽവാസിയെയും വെട്ടിയ കേസിൽ വയോധികൻ അറസ്റ്റിൽ

കൊ​ല്ലം: ശ​ക്തി​കു​ള​ങ്ങ​ര​യി​ൽ ഭാ​ര്യ​യെ​യും ബ​ന്ധു​ക്ക​ളെ​യും അ​യ​ൽ​വാ​സി​യെ​യും വെ​ട്ടി​പ്പ​രി​ക്കേ​ൽ​പ്പി​ച്ച കേസിൽ വ​യോ​ധി​ക​ൻ അ​റ​സ്റ്റി​ലാ​യി. ശ​ക്തി​കു​ള​ങ്ങ​ര ആ​വി​ത്ത​റ വീ​ട്ടി​ൽ ര​മ​ണി(65), സ​ഹോ​ദ​രി​യും അ​യ​ൽ​വാ​സി​യു​മാ​യ സു​ഹാ​സി​നി(57), സു​ഹാ​സി​നി​യു​ടെ മ​ക​ൻ സൂ​ര​ജ്(30), അ​യ​ൽ​വാ​സി ഉ​മേ​ഷ്(37) എ​ന്നി​വ​ർ​ക്കാ​ണ്​ ആ​ക്ര​മ​ണ​ത്തി​ൽ പ​രി​​ക്കേ​റ്റ​ത്. ആ​ക്ര​മ​ണം ന​ട​ത്തി​യ ര​മ​ണി​യു​ടെ ഭ​ർ​ത്താ​വ്​ അ​പ്പു​ക്കു​ട്ട​നെ (70) ശ​ക്തി​കു​ള​ങ്ങ​ര പൊ​ലീ​സ് പി​ടി​കൂ​ടി.

കു​ടും​ബ​വ​ഴ​ക്കാ​ണ്​ ആ​ക്ര​മ​ണ​ത്തി​ലേ​ക്ക്​ ന​യി​ച്ച​ത്. ര​മ​ണി​യും അ​പ്പു​ക്കു​ട്ട​നും ത​മ്മി​ൽ ഏ​റെ നാ​ളാ​യി പ്ര​ശ്ന​ത്തി​ലാ​ണ്. ഇ​തി​നാ​ൽ ചാ​ത്ത​ന്നൂ​രി​ൽ മ​ക​ൾ​ക്കൊ​പ്പ​മാ​യി​രു​ന്നു ര​മ​ണി താ​മ​സി​ച്ചി​രു​ന്ന​ത്. വ്യാ​ഴാ​ഴ്ച ശ​ക്തി​കു​ള​ങ്ങ​ര​യി​ലെ വീ​ട്ടി​ലെ​ത്തി​യ ര​മ​ണി​യെ അ​പ്പു​ക്കു​ട്ട​ൻ അ​സ​ഭ്യം പ​റ​യു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​പ്പോ​ൾ ഇ​ട​​പെ​ട്ട അ​യ​ൽ​വാ​സി​ക​ളു​മാ​യി വാ​ക്കേ​റ്റ​മു​ണ്ടാ​യി. ഇ​തി​നി​ടെ വീ​ട്ടി​നു​ള്ളി​ൽ നി​ന്ന ര​മ​ണി​യെ വെ​ട്ടു​ക​യാ​യി​രു​ന്നു.

ര​മ​ണി​യു​ടെ ത​ല​യി​ൽ മാ​ര​ക​മാ​യി വെ​ട്ടേ​റ്റു. പി​ന്നാ​ലെ വീ​ടി​ന്​ പു​റ​ത്ത്​ നി​ൽ​ക്കു​ക​യാ​യി​രു​ന്ന സു​ഹാ​സി​നി​യെ​യും സൂ​ര​ജി​നെ​യും വെ​ട്ടി. ര​മ​ണി​യെ ആ​ശു​പ​ത്രി​യി​ൽ എ​ത്തി​ക്കാ​ൻ ശ്ര​മി​ച്ച ഉ​മേ​ഷി​യും വെ​ട്ടു​ക​യാ​യി​രു​ന്നു. പ്ര​തി​യെ പൊ​ലീ​സ്​ സ്ഥ​ല​ത്തെ​ത്തി കീ​ഴ്​​പ്പെ​ടു​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. ര​മ​ണി തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. സു​ഹാ​സി​നി​യും സൂ​ര​ജും ജി​ല്ല ആ​ശു​പ​ത്രി​യി​ലും ചി​കി​ത്സ തേ​ടി.