രക്ഷാപ്രവർത്തനം ആയിരം കിലോമീറ്റർ അകലെ; ആശ്രയമായി ബങ്കർ മാത്രം

കൊ​ല്ലം: ആ​യി​രം കി​ലോ​മീ​റ്റ​റു​ക​ൾ​ക്ക​പ്പു​റം യുക്രെയ്​നിൽ നിന്ന്​ ഇ​ന്ത്യ​ൻ സം​ഘ​വു​മാ​യി നാ​ട്ടി​ലേ​ക്ക്​ വി​മാ​നം പ​റ​ക്കു​മ്പോ​ഴും സ്വ​ന്തം ഉത്തരവാദിത്തത്തിൽ മാ​ത്രം പു​റ​ത്തി​റ​ങ്ങു​ക എ​ന്ന എം​ബ​സി​യു​ടെ ​കൈ​യൊ​ഴി​യ​ലി​ൽ ആ​ശ​ങ്ക​യു​ടെ ബ​ങ്ക​റി​ലൊ​ളി​ച്ച്​ ക​ഴി​യു​ക​യാ​ണ്​ ക​രു​നാ​ഗ​പ്പ​ള്ളി സ്വ​ദേ​ശി​നി ഐ​ശ്വ​ര്യ ഉ​ൾ​പ്പെ​ടെ ആ​യി​ര​ങ്ങ​ൾ.

റ​ഷ്യ​ൻ അ​തി​ർ​ത്തി​യി​ൽ നി​ന്ന്​ അ​ര മ​ണി​ക്കൂ​ർ കൊ​ണ്ട്​ യാ​ത്ര ചെ​യ്ത്​ എ​ത്താ​വു​ന്ന ഖ​ർ​കീ​വി​ൽ കു​ടു​ങ്ങി​ക്കി​ട​ക്കു​ന്ന ആ​യി​ര​ക്ക​ണ​ക്കി​ന്​ ഇ​ന്ത്യ​ക്കാ​രി​ൽ ഒ​രാ​ളാ​ണ്​ ഈ ​മെ​ഡി​ക്കൽ വി​ദ്യാ​ർ​ഥി​നി.

യു​ദ്ധം തു​ട​ങ്ങി​യ​ത്​ മു​ത​ൽ ഫ്ലാ​റ്റി​ന്​ താ​ഴെ​യു​ള്ള ബ​ങ്ക​റി​ലൊ​ളി​ച്ചു​ക​ഴി​യു​ക​യാ​ണ്​​ ഐ​ശ്വ​ര്യ​യും സു​ഹൃ​ത്തു​ക്ക​ളും. ഖ​ർ​കീ​വ്​ ഇ​ന്‍റ​ർ​നാ​ഷ​ന​ൽ മെ​ഡി​ക്ക​ൽ യൂ​നി​വേ​ഴ്​​സി​റ്റി​യി​ൽ നാ​ലാം വ​ർ​ഷ എം.​ബി.​ബി.​എ​സ്​ വി​ദ്യാ​ർ​ഥി​നി​യാ​ണ്​ ക​രു​നാ​ഗ​പ്പ​ള്ളി ത​ഴ​വ കു​തി​ര​പ്പ​ന്തി​യി​ൽ ഐ​ശ്വ​ര്യ ഹൗ​സി​ൽ ലാ​ൽ-​സി​മി ദ​മ്പ​തി​ക​ളു​ടെ മ​ക​ളാ​യ​ ഐ​ശ്വ​ര്യ.

ഇ​ന്ത്യ ര​ക്ഷാ​പ്ര​വ​ർ​ത്ത​നം തു​ട​ങ്ങി​യെ​ങ്കി​ലും യു​ദ്ധ​മു​ന​മ്പി​ൽ അ​ക​പ്പെ​ട്ടു​പോ​യ ത​ങ്ങ​ൾ​ക്കാ​യി ര​ക്ഷ​യു​ടെ ക​രം എ​പ്പോ​ൾ വ​രു​മെ​ന്ന​റി​യാ​ത്ത സ്ഥി​തി​യാ​ണെ​ന്ന്​ ഐ​ശ്വ​ര്യ പ​റ​യു​ന്നു.

''യു​ദ്ധം അ​ധി​കം മു​റി​വേ​ൽ​പ്പി​ക്കാ​ത്ത പ​ടി​ഞ്ഞാ​റ​ൻ മേ​ഖ​ല​യി​ലു​ള്ള​വ​ർ​ക്കാ​ണ്​ ഇ​പ്പോ​ൾ സു​ര​ക്ഷി​ത കേ​​ന്ദ്ര​ങ്ങ​ളി​ൽ എ​ത്താ​ൻ ക​ഴി​ഞ്ഞി​ട്ടു​ള്ള​ത്. എ​ന്നാ​ൽ, ആ​ദ്യ​ദി​നം മു​ത​ൽ ആ​ക്ര​മ​ണ​കേ​ന്ദ്ര​മാ​യ ഖ​ർ​കീ​വി​ലാ​ണ്​ ഞ​ങ്ങ​ൾ. ഇ​വി​ടെ നി​ന്ന്​ പോ​ള​ണ്ട്, റു​മേ​നി​യ അ​തി​ർ​ത്തി​ക​ൾ ആ​യി​രം കി​ലോ​മീ​റ്റ​ർ വ​രെ അ​ക​ലെ​യാ​ണ്. പു​റ​ത്ത്​ ക​ട​ക്കാ​തെ എ​വി​ടെ​യാ​ണോ ഉ​ള്ള​ത്​ അ​വി​ടെ​യി​രി​ക്കാ​നാ​ണ്​ എം​ബ​സി പ​റ​യു​ന്ന​ത്. പു​റ​ത്തി​റ​ങ്ങു​ന്ന​ത്​ സ്വ​ന്തം റി​സ്കി​ൽ മാ​ത്രം എ​ന്ന​താ​ണ്​ എം​ബ​സി നി​ല​പാ​ട്. റോ​ഡ്​ മാ​ർ​ഗം സു​ര​ക്ഷി​ത സ്ഥ​ല​ത്തേ​ക്ക്​ പോ​കാ​നാ​കി​ല്ല. പെ​ട്രോ​ൾ പ​മ്പു​ക​ൾ പ്ര​വ​ർ​ത്തി​ക്കു​ന്നി​ല്ല. ഏ​തെ​ങ്കി​ലും വാ​ഹ​ന​ത്തി​ൽ ഇ​നി പോ​കാ​മെ​ന്ന്​ ക​രു​തി​യാ​ലും അ​തി​ന് ​കി​യ​വ്​ ക​ട​ക്ക​ണം.

ട്രെ​യി​നും റി​സ്ക്​ ത​ന്നെ​യാ​ണ്. ഇ​ട​ക്ക്​ ഫ്ലാ​റ്റി​ൽ ചെ​ന്ന്​ ആ​ഹാ​രം ഉ​ണ്ടാ​ക്കി പെ​ട്ടെ​ന്ന്​ തി​രി​കെ ബ​ങ്ക​റി​ൽ പോ​യി ഇ​രി​ക്കു​ക​യാ​ണ്. ഉ​റ​ക്ക​മു​ൾ​പ്പെ​ടെ ദി​വ​സ​ത്തി​ന്‍റെ ഭൂ​രി​ഭാ​ഗ​വും ബ​ങ്ക​റി​ലാ​ണ്. 24ന്​ ​ത​ന്നെ അ​ത്യാ​വ​ശ്യം സാ​ധ​ന​ങ്ങ​ൾ വാ​ങ്ങി​സൂ​ക്ഷി​ച്ചി​രു​ന്നു. ഇ​നി മൂ​ന്ന്​ ദി​വ​സം കൂ​ടി അ​വ ഉ​ണ്ടാ​കും. പ​ടി​ഞ്ഞാ​റ​ൻ മേ​ഖ​ല​യി​ൽ നി​ന്ന്​ ര​ക്ഷാ​പ്ര​വ​ർ​ത്ത​ക​ർ ഞ​ങ്ങ​ളു​ടെ മേ​ഖ​ല​യി​ൽ എ​ത്താ​ൻ ദി​വ​സ​ങ്ങ​ൾ എ​ടു​ക്കും. അ​തു​വ​രെ ഭ​ക്ഷ​ണം ഉ​ൾ​പ്പെ​ടെ അ​വ​ശ്യ​വ​സ്തു​ക്ക​ൾ ഉ​ണ്ടാ​കു​മോ എ​ന്ന കാ​ര്യ​ത്തി​ൽ ഒ​രു ഗ്യാ​ര​ന്‍റി​യും ഇ​ല്ല''- ഐ​ശ്വ​ര്യ പ​റ​യു​ന്നു.

ഐ​ശ്വ​ര്യ​ക്കൊ​പ്പം മ​ല​യാ​ളി​ക​ളും ത​മി​ഴ്​​നാ​ട്ടു​കാ​രു​മാ​യ എ​ട്ട്​ മെ​ഡി​ക്ക​ൽ വി​ദ്യാ​ർ​ഥി​ക​ളു​മു​ണ്ട്. ത​ങ്ങ​ൾ നേ​ര​​േ​ത്ത യു​ക്രെ​യ്​​ൻ വി​ടാ​ത്ത​തി​​നെ​കു​റി​ച്ച്​ സോ​ഷ്യ​ൽ മീ​ഡി​യ​യി​ൽ വ​രു​ന്ന മോ​ശം ക​മ​ന്‍റു​ക​ളും ഈ ​കു​ട്ടി​ക​ളു​ടെ മ​ന​സ്സ്​ ത​ക​ർ​ക്കു​ന്നു​ണ്ട്. രാ​ജ്യം വി​ട​ണ​മെ​ന്ന കൃ​ത്യ​മാ​യ നി​ർ​ദേ​ശം ന​ൽ​കാ​ത്ത എം​ബ​സി മു​ത​ൽ അ​ടി​യ​ന്ത​ര സാ​ഹ​ച​ര്യം പോ​ലും പ​ണ​ക്കൊ​യ്ത്തി​ന്​ ഉ​പ​യോ​ഗി​ച്ച വി​മാ​ന​ക്ക​മ്പ​നി​ക​ൾ വ​രെ ത​ങ്ങ​ളെ നോ​വി​ച്ച​തി​ന്‍റെ വി​ശ​ദാം​ശ​ങ്ങ​ളും അ​വ​ർ പ​ങ്കു​െ​വ​ക്കു​ന്നു. നാ​ട്ടി​ൽ ആ​ധി​യി​ൽ ക​ഴി​യു​ന്ന കു​ടും​ബ​വു​മാ​യി സം​സാ​രി​ക്കാ​ൻ ക​ഴി​യു​ന്ന​ത്​ മാ​ത്ര​മാ​ണ്​ ഏ​ക​ ആ​ശ്വാ​സം.