Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_right...

സു​വ​ർ​ണ​ജൂ​ബി​ലിക്കാലത്തെ ല​ക്ഷം​വീ​ട്

text_fields
bookmark_border
സു​വ​ർ​ണ​ജൂ​ബി​ലിക്കാലത്തെ ല​ക്ഷം​വീ​ട്
cancel
camera_alt

ത​ഴ​വ മ​ണ​പ്പ​ള്ളി കു​റ്റി​യി​ൽ ല​ക്ഷം​വീ​ട് കോ​ള​നി​യി​ൽ അ​വ​ശേ​ഷി​ക്കു​ന്ന ഇ​ര​ട്ട വീ​ട്

പ​ണ്ടു​പ​ണ്ട്, കൃ​ത്യം പ​റ​ഞ്ഞാ​ൽ 50 കൊ​ല്ല​ങ്ങ​ൾ​ക്ക്​ മു​മ്പ് ഫ്ലാ​റ്റ്​ ജീ​വി​തം എ​ന്ന​ത്​ കേ​ട്ടു​കേ​ൾ​വി​പോ​ലും ഇ​ല്ലാ​തി​രു​ന്ന നാ​ട്ടി​ൽ ഒ​രു ചു​മ​രി​ന​പ്പു​റ​വും ഇ​പ്പു​റ​വും ജീ​വി​തം കെ​ട്ടി​പ്പ​ടു​ത്തൊ​രു ത​ല​മു​റ​യു​ണ്ടാ​യി​രു​ന്നു.

ഇ​ല്ലാ​യ്മ​ക​ളു​ടെ കാ​ല​ത്ത്, ജാ​തി​മ​ത ഭേ​ദ​മ​ന്യേ സ​ഹ​വ​ർ​ത്തി​ത്വ​ത്തി​ന്‍റെ ച​രി​ത്ര​മെ​ഴു​തി​യ ത​ല​മു​റ​ക​ൾ വ​സി​ച്ച ആ ​വീ​ടു​ക​ളെ നാ​ട്​ വി​ളി​ച്ച​ത്​ ല​ക്ഷം​വീ​ട്​ എ​ന്ന പേ​രി​ലാ​യി​രു​ന്നു. ല​ക്ഷ​ക്ക​ണ​ക്കി​ന്​ മ​നു​ഷ്യ​രു​ടെ ത​ല​ക്ക്​ മു​ക​ളി​ൽ മേ​ൽ​ക്കൂ​ര ഉ​റ​പ്പാ​ക്കി​യ ജ​ന​കീ​യ പ​ദ്ധ​തി​യി​ലൂ​ടെ കേ​ര​ള​ത്തി​ലെ ഭ​വ​ന​നി​ർ​മാ​ണ രം​ഗ​ത്ത്​ വി​പ്ല​വ​ക​ര​മാ​യ ഏ​ടാ​യി​മാ​റി​യ ല​ക്ഷം​വീ​ട്​ ച​രി​ത്ര​ത്തി​ന്​ ഇ​ത്​ സു​വ​ർ​ണ ജൂ​ബി​ലി വ​ർ​ഷ​മാ​ണ്.

ര​ണ്ട്​ കു​ടും​ബ​ങ്ങ​ള്‍ക്ക് താ​മ​സി​ക്കാ​ന്‍ പ​റ്റു​ന്ന രീ​തി​യി​ലാ​ണ് ല​ക്ഷം​വീ​ടു​ക​ള്‍ യാ​ഥാ​ർ​ഥ്യ​മാ​ക്കി​യ​ത്. 250 ച​തു​ര​ശ്ര​യ​ടി വ​ലുപ്പ​ത്തി​ൽ ഒ​രു കു​ടും​ബ​ത്തി​നാ​യി ഒ​രു​ക്കി​യ ഒ​രു വീ​ടി​ന് 1250 മു​ത​ല്‍ 1500 രൂ​പ​വ​രെ ആ​യി​രു​ന്നു ചെ​ല​വ്. കോ​ള​നി​ക​ളി​ൽ ര​ണ്ട്​ മു​റി​യും അ​ടു​ക്ക​ള​യും ശു​ചി​മു​റി​യു​മു​ള്ള വീ​ടു​ക​ള്‍ സൗ​ജ​ന്യ​മാ​യാ​ണ് അ​ന്ന് സ​ര്‍ക്കാ​ര്‍ ന​ല്‍കി​യ​ത്. ആ ​സൗ​ജ​ന്യ​ത​ണ​ലി​ൽ എ​ത്ര മ​നു​ഷ്യ​രാ​ണ്​ ജീ​വി​ത​ത്തി​ന്‍റെ പു​തി​യ പ​ട​വു​ക​ളി​ലേ​ക്ക്​ ഈ ​അ​ഞ്ച്​ പ​തി​റ്റാ​ണ്ടു​ക​ൾ കൊ​ണ്ട്​ ക​യ​റി​പ്പോ​യ​ത്.

സു​വ​ർ​ണ ജൂ​ബി​ലി വ​ർ​ഷ​ത്തി​ൽ ല​ക്ഷംവീ​ടു​ക​ൾ തേ​ടി​യി​റ​ങ്ങി​യാ​ൽ പ​ഴ​യ​രൂ​പ​ത്തി​ലും ഭാ​വ​ത്തി​ലും ഇ​പ്പോ​ഴും നി​ല​നി​ൽ​ക്കു​ന്ന​ത്​ വ​ള​രെ​ച്ചു​രു​ക്ക​​മാ​ണെ​ന്ന്​ കാ​ണാം. അ​ങ്ങ​നെ നി​ല​നി​ൽ​ക്കു​ന്ന വീ​ടു​ക​ളി​ൽ ഇ​ന്ന്​ ത​ളം​കെ​ട്ടി​നി​ൽ​ക്കു​ന്ന​ത്​ ഇ​ല്ലാ​യ്മ മാ​ത്രം. എ​ന്നാ​ൽ, ബ​ഹു​ഭൂ​രി​പ​ക്ഷം ല​ക്ഷം​വീ​ടു​ക​ളും ഇ​ന്ന്​ ല​ക്ഷ​ങ്ങ​ൾ വി​ല​യു​ള്ള പു​ത്ത​ൻ​വീ​ടു​ക​ൾ​ക്ക്​ വ​ഴി​മാ​റി. കോ​ള​നി​യെ​ന്ന പ​ഴ​യ സം​വി​ധാ​ന​ത്തി​ൽ നി​ന്ന്​ മാ​റി, പു​തി​യ കാ​ല​ത്തി​ന്‍റെ സാ​മ്പ​ത്തി​ക വ​ള​ർ​ച്ച​ക്കൊ​പ്പം രൂ​പം ​മാ​റി​യ വീ​ടു​ക​ളാ​ണ്​ പ​ല​യി​ട​ങ്ങ​ളി​ലും. എ​ങ്കി​ലും ചി​ല​യി​ട​ങ്ങ​ളി​ൽ അ​വ​ശേ​ഷി​ക്കു​ന്നു​ണ്ട്, സാ​മ്പ​ത്തി​ക​മാ​യി പി​ന്നി​ലാ​യി​പ്പോ​യ ജീ​വി​ത​ങ്ങ​ൾ​ക്ക്​ ഇ​പ്പോ​ഴും ത​ണ​ലാ​കു​ന്ന ആ ​പ​ഴ​യ ല​ക്ഷം​വീ​ടു​ക​ൾ.

Show Full Article
TAGS:Lakshamveedu 
News Summary - Lakshamveedu during the Golden Jubilee
Next Story