പു​തി​യ​കാ​ല​ത്തി​നൊ​പ്പം വികസനമെത്തി

കൊ​ട്ടി​യം: കാ​ല​ത്തി​ന്‍റെ പോ​ക്കി​നൊ​പ്പം സാ​മ്പ​ത്തി​ക​മാ​യി​വ​ന്ന ഉ​യ​ർ​ച്ച​യി​ൽ രൂ​പം​മാ​റി​യ ല​ക്ഷം​വീ​ട്​ കോ​ള​നി​ക​ളാ​ണ്​ കൊ​ട്ടി​യം മേ​ഖ​ല​യി​ലെ​യും കാ​ഴ്ച. ത​ല ചാ​യ്ക്കാ​നി​ട​മി​ല്ലാ​തെ വ​ല​ഞ്ഞ പാ​വ​ങ്ങ​ൾ​ക്ക് ആ​ശ്ര​യ​മാ​യി മാ​റി​യ ല​ക്ഷം​വീ​ടു​ക​ളു​ടെ സ്ഥാ​ന​ത്ത്​ ഇ​ന്ന്​ വ​ലി​യ വീ​ടു​ക​ൾ ത​ല​യു​യ​ർ​ത്തി​നി​ൽ​ക്കു​ന്നു. ദി​വ​സ​വും തൊ​ഴി​ലെ​ടു​ത്ത് അ​ഷ്ടി​ക്കു​ള്ള വ​ക ക​ണ്ടെ​ത്തു​ന്ന ഏ​താ​നും കു​ടും​ബ​ങ്ങ​ൾ മാ​ത്ര​മാ​ണ് ഏ​താ​നും ല​ക്ഷം​വീ​ടു​ക​ളി​ൽ ഇ​ന്ന്​ താ​മ​സി​ക്കു​ന്ന​ത്. പ​ല​യി​ട​ത്തും ല​ക്ഷം​വീ​ടു​ക​ൾ ഒ​റ്റ വീ​ടു​ക​ളാ​യി മാ​റി. അ​തി​ൽ പ​ല​തി​ലും താ​മ​സി​ക്കു​ന്ന​ത് വീ​ടു​ക​ൾ വി​ല​യ്​ക്കു​വാ​ങ്ങി​യ​വ​രാ​ണ്.

കൊ​ല്ലം കോ​ർപറേ​ഷ​നോ​ട് കൂ​ട്ടി​ച്ചേ​ർ​ക്ക​പ്പെ​ട്ട വ​ട​ക്കേ​വി​ള പ​ഞ്ചാ​യ​ത്തി​ലു​ണ്ടാ​യി​രു​ന്ന മ​ണ​ക്കാ​ട് കൂ​റ്റാ​ത്തു​വി​ള ല​ക്ഷം​വീ​ട് കോ​ള​നി​യി​ലു​ള്ള​ള​ത് ല​ക്ഷം​വീ​ട് മാ​തൃ​ക​യി​ലു​ള്ള ഒ​രു​വീ​ട് മാ​ത്ര​മാ​ണ്. ബാ​ക്കി​യെ​ല്ലാം വ​ലി​യ കെ​ട്ടി​ട​ങ്ങ​ളാ​യി മാ​റി. പാ​ട്ട​ത്തി​ൽ കാ​വ്, ശ്രീ​നാ​രാ​യ​ണ​പു​രം, പാ​യി​ക്കു​ളം എ​ന്നി​വി​ട​ങ്ങ​ളി​ൽ വീ​ട്ടു​പേ​രും സ്ഥ​ല​പ്പേ​രും ല​ക്ഷം​വീ​ട് കോ​ള​നി എ​ന്നാ​ണെ​ങ്കി​ലും ഏ​താ​നും വീ​ടു​ക​ൾ മാ​ത്ര​മാ​ണ് ഇ​വി​ടെ​ല്ലാം ഉ​ള്ള​ത്. കോ​ർ​പറേ​ഷ​നോ​ട് കൂ​ട്ടിച്ചേ​ർ​ക്ക​പ്പെ​ട്ട ഇ​ര​വി​പു​രം പ​ഞ്ചാ​യ​ത്തി​ലു​ണ്ടാ​യി​രു​ന്ന ക​യ്യാ​ല​ക്ക​ൽ ല​ക്ഷം വീ​ട് നി​ന്നി​രു​ന്ന സ്ഥ​ല​ത്തും കോ​ൺ​ക്രീ​റ്റ് സൗ​ധ​ങ്ങ​ളാ​ണു​ള്ള​ത്.

മ​യ്യ​നാ​ട് പ​ഞ്ചാ​യ​ത്തി​ൽ ഉ​മ​യ​ന​ല്ലൂ​ർ കാ​ഞ്ഞാം ത​ല​യി​ലു​ണ്ടാ​യി​രു​ന്ന 20 വീ​ടു​ക​ളി​ൽ ഒ​രു വീ​ട് മാ​ത്ര​മാ​ണ് ഇ​പ്പോ​ൾ നി​ല​വി​ലു​ള്ള​ത്. ല​ക്ഷം​വീ​ട് നി​വാ​സി​ക​ൾ​ക്ക് കു​ടി​വെ​ള്ളം ല​ഭി​ക്കു​ന്ന​തി​നാ​യി സ്ഥാ​പി​ച്ചി​രു​ന്ന പൊ​തു​കി​ണ​റു​ക​ൾ പ​ല സ്ഥ​ല​ത്തും അ​നാ​ഥ​മാ​യി കി​ട​പ്പു​ണ്ട്. വ​ർ​ഷ​ങ്ങ​ൾ​ക്കു മു​മ്പ് പ​ഞ്ചാ​യ​ത്തു​ക​ൾ ല​ക്ഷം വീ​ടു​ക​ൾ ഒ​റ്റ​വീ​ടു​ക​ളാ​ക്കു​ന്ന​തി​നാ​യി 50,000 രൂ​പ വീ​തം ന​ൽ​കി​യി​രു​ന്നു. ഈ ​തു​ക ഉ​പ​യോ​ഗി​ച്ച് പ​ല​രും ഇ​ര​ട്ട വീ​ടു​ക​ളും ഒ​റ്റ വീ​ടു​ക​ളാ​ക്കി വി​ൽ​ക്കു​ക​യാ​ണ് ചെ​യ്ത​ത്.

ഏ​റ്റ​വും ന​ല്ല ല​ക്ഷം വീ​ടു​ക​ളി​ലൊ​ന്നാ​യി​രു​ന്ന തൃ​ക്കോ​വി​ൽ​വ​ട്ടം പ​ഞ്ചാ​യ​ത്തി​ലെ പു​തു​ച്ചി​റ​യി​ലും ഇ​പ്പോ​ൾ ഒ​രു വീ​ട് മാ​ത്ര​മാ​ണു​ള്ള​ത്. ജ​ന​കീ​യാ​സൂ​ത്ര​ണം, ഇ​ന്ദി​രാ ആ​വാ​സ് യോ​ജ​ന തു​ട​ങ്ങി​യ പ​ദ്ധ​തി​ക​ളി​ൽ​പ്പെ​ടു​ത്തി ത്രി​ത​ല പ​ഞ്ചാ​യ​ത്തു​ക​ളി​ൽ നി​ന്നും ആ​നു​കൂ​ല്യ​ങ്ങ​ൾ ല​ഭി​ച്ച​വ​രും ല​ക്ഷം​വീ​ടു​ക​ൾ നി​ന്നി​രു​ന്ന സ്ഥ​ല​ത്ത് പു​തി​യ വീ​ടു​ക​ൾ നി​ർ​മി​ക്കു​ക​യാ​യി​രു​ന്നു. നെ​ടു​മ്പ​ന പ​ഞ്ചാ​യ​ത്തി​ലും ല​ക്ഷം വീ​ടു​ക​ൾ നി​ന്ന സ്ഥ​ല​ങ്ങ​ളി​ൽ വ​ലി​യ വീ​ടു​ക​ളാ​ണ് ഇ​പ്പോ​ഴു​ള്ള​ത്.

വി​ല കു​റ​ഞ്ഞ​തും ആ​ൾ​പ്പാ​ർ​പ്പി​ല്ലാ​ത്ത സ്ഥ​ല​ങ്ങ​ളു​മാ​യി​രു​ന്നു അ​ര​നൂ​റ്റാ​ണ്ട് മു​മ്പ് ല​ക്ഷം വീ​ട് നി​ർ​മാ​ണ​ത്തി​നാ​യി പ​ഞ്ചാ​യ​ത്തു​കൾ ക​ണ്ടെ​ത്തി​യ​ത്.

പ​തി​റ്റാ​ണ്ടു​ക​ൾ പി​ന്നി​ട്ട​തോ​ടെ ല​ക്ഷം​വി​ട് നി​ന്നി​രു​ന്ന സ്ഥ​ല​ങ്ങ​ളെ​ല്ലാം വി​ക​സ​ന​ത്തി​ന്റെ പാ​ത​യി​ലാ​കു​കയും റോ​ഡും വെ​ള്ള​വും വെ​ളി​ച്ച​വു​മെ​ല്ലാം ഇ​വി​ടേ​ക്കെ​ത്തു​ക​യും ചെ​യ്തു. നി​ല​വി​ൽ ഒ​രു വീ​ടെ​ങ്കി​ലും ഉ​ള്ള സ്ഥ​ല​ത്ത് കു​ടി​വെ​ള്ള​വും വൈ​ദ്യു​തി​യും അം​ഗ​ൻ​വാ​ടി​യു​മൊ​ക്കെ പ​ഞ്ചാ​യ​ത്തു​ക​ൾ എ​ത്തി​ച്ചി​ട്ടു​ണ്ട്.