ക്ഷേത്രത്തിലെ മോഷണം: ദമ്പതികളും കച്ചവടക്കാരനും അറസ്റ്റിൽ

കു​ണ്ട​റ: ക്ഷേ​ത്ര​ത്തി​ല്‍നി​ന്ന് വി​ള​ക്കു​ക​ള്‍ മോ​ഷ്ടി​ച്ച കേ​സി​ൽ ദ​മ്പ​തി​ക​ളെ​യും മോ​ഷ​ണ​മു​ത​ൽ വാ​ങ്ങി​യ ക​ച്ച​വ​ട​ക്കാ​ര​നെ​യും കു​ണ്ട​റ പൊ​ലീ​സ് അ​റ​സ്റ്റ് ചെ​യ്തു.

ക​ണ്ണൂ​ര്‍ സ്വ​ദേ​ശി​യാ​യ സ​ലിം (46), ഭാ​ര്യ ചി​റ​യി​ന്‍കീ​ഴ് മു​ത​ല​പ്പൊ​ഴി പെ​രു​മാ​തു​റ സ്വ​ദേ​ശി​നി ഹ​സീ​ന (43) എ​ന്നി​വ​രും ഇ​വ​ര്‍ മോ​ഷ്ടി​ച്ച സാ​ധ​ന​ങ്ങ​ള്‍ സ്ഥി​ര​മാ​യി വാ​ങ്ങി​യി​രു​ന്ന കൊ​ല്ലം കൂ​ന​മ്പാ​യി​കു​ളം​ക്ഷേ​ത്ര​ത്തി​നു​സ​മീ​പം ആ​ക്രി വ്യാ​പാ​രം ന​ട​ത്തു​ന്ന വ​ട​ക്കേ​വി​ള അ​ഫ്‌​സ​ല്‍ മ​ന്‍സി​ലി​ൽ മ​സ്ഹ​ര്‍ (52) എ​ന്നി​വ​രെ​യാ​ണ് പി​ടി​കൂ​ടി​യ​ത്.

ഇ​ള​മ്പ​ള്ളൂ​ര്‍ അ​മ്പി​പ്പൊ​യ്ക​യി​ല്‍ അ​ത്തി​പ്പ​റ​മ്പി​ല്‍ ശ്രീ​ദു​ര്‍ഗ ഭ​ദ്രാ​ദേ​വി യോ​ഗീ​ശ്വ​ര ക്ഷേ​ത്ര​ത്തി​ല്‍ ക​ഴി​ഞ്ഞ​ദി​വ​സം നാ​ല്‍പ​തി​നാ​യി​രം രൂ​പ​യു​ടെ വ​ലു​തും ചെ​റു​തു​മാ​യ വി​ള​ക്കു​ക​ള്‍ മോ​ഷ​ണം പോ​യ കേ​സി​ലാ​ണ് അ​റ​സ്റ്റ്. സി.​സി.​ടി.​വി ദൃ​ശ്യ​ങ്ങ​ളു​ടെ​യും മ​റ്റ്​ ശാ​സ്ത്രീ​യ​മാ​യ പ​രി​ശോ​ധ​ന​ക​ളു​ടെ​യും അ​ടി​സ്ഥാ​ന​ത്തി​ലാ​ണ് പ്ര​തി​ക​ളെ തി​രി​ച്ച​റി​ഞ്ഞ​ത്.

ക​ഴി​ഞ്ഞ ഒ​രു​മാ​സ​മാ​യി കു​ണ്ട​റ അ​മ്പി​പൊ​യ്ക​യി​ല്‍ വാ​ട​ക​ക്ക്​ വീ​ടെ​ടു​ത്ത് താ​മ​സി​ക്കു​ക​യാ​യി​രു​ന്നു ദ​മ്പ​തി​ക​ൾ. മ​റ്റു ജി​ല്ല​ക​ളി​ല്‍ ഒ​റ്റ​പ്പെ​ട്ട സ്ഥ​ല​ങ്ങ​ളി​ല്‍ വാ​ട​ക​ക്ക്​ വീ​െ​ട​ടു​ത്ത് സ​മീ​പ​പ്ര​ദേ​ശ​ങ്ങ​ളി​ല്‍ മോ​ഷ​ണം ന​ട​ത്തു​ന്ന​താ​ണ് ഇ​വ​രു​ടെ രീ​തി. ദ​മ്പ​തി​ക​ള്‍ ആ​യ​തി​നാ​ല്‍ അ​യ​ല്‍ക്കാ​ര്‍ക്ക് സം​ശ​യം തോ​ന്നാ​ത്ത​തു​കൊ​ണ്ടാ​ണ് ഇ​വ​ര്‍ ഇ​ത്ത​ര​ത്തി​ല്‍ മോ​ഷ​ണം തു​ട​ര്‍ന്ന​ത്.

സെ​ക്യൂ​രി​റ്റി ഗാ​ര്‍ഡു​ക​ള്‍ ഇ​ല്ലാ​ത്ത ചെ​റി​യ ക്ഷേ​ത്ര​ങ്ങ​ളി​ലും മ​റ്റും ക​ട​ന്നു​ക​യ​റി വി​ള​ക്കു​ക​ള്‍, കി​ണ്ടി, ഉ​രു​ളി എ​ന്നി​വ മോ​ഷ്ടി​ക്കു​ക​യാ​ണ് പ​തി​വ്. കു​ണ്ട​റ സ്റ്റേ​ഷ​ന്‍പ​രി​ധി​യി​ല്‍ നി​ല​വി​ല്‍ ഇ​വ​ര്‍ താ​മ​സി​ച്ചു​വ​രു​ന്ന വാ​ട​ക​വീ​ടി​ന് സ​മീ​പ​ത്താ​ണ് ഇ​വ​രു​ടെ മ​ക​ള്‍ കു​ടും​ബ​വു​മാ​യി താ​മ​സി​ക്കു​ന്ന​ത്. തൃ​ശൂ​ര്‍ ജി​ല്ല​യി​ലെ ചാ​വ​ക്കാ​ട് സ്റ്റേ​ഷ​നി​ലെ ര​ണ്ട്​ മോ​ഷ​ണ​ക്കേ​സു​ക​ളി​ല്‍ പ്ര​തി​ക​ളാ​യി ഇ​രു​വ​രും ജ​യി​ല്‍ശി​ക്ഷ അ​നു​ഭ​വി​ച്ച​വ​രാ​ണ്.

അ​ന്വേ​ഷ​ണ​വു​മാ​യി തീ​രെ സ​ഹ​ക​രി​ക്കാ​ത്ത ഇ​രു​വ​രെ​യും ശാ​സ്ത്രീ​യ​മാ​യ ചോ​ദ്യം ചെ​യ്യ​ലി​ലൂ​ടെ മോ​ഷ​ണ​മു​ത​ല്‍ വി​റ്റ സ്ഥ​ല​ത്തെ​പ്പ​റ്റി​യും മ​റ്റും വി​വ​രം ശേ​ഖ​രി​ക്കു​ക​യും തു​ട​ര്‍ന്ന് ന​ട​ത്തി​യ അ​ന്വേ​ഷ​ണ​ത്തി​ല്‍ മ​സ്ഹ​ര്‍ എ​ന്ന​യാ​ളാ​ണ് സ്ഥി​ര​മാ​യി ഇ​വ​രി​ല്‍നി​ന്ന്​ കു​റ​ഞ്ഞ നി​ര​ക്കി​ല്‍ മോ​ഷ​ണ​മു​ത​ല്‍ കൈ​പ്പ​റ്റി​യി​രു​ന്ന​തെ​ന്ന് ബോ​ധ്യ​പ്പെ​ടു​ക​യാ​യി​​രു​ന്നെ​ന്ന്​ ​പൊ​ലീ​സ്​ പ​റ​യു​ന്നു. മ​സ്ഹ​റി​ന്റെ ആ​ക്രി​സ്ഥാ​പ​ന​ത്തി​ല്‍ പ​രി​ശോ​ധ​ന ന​ട​ത്തി​യ​തോ​ടെ തൊ​ണ്ടി​മു​ത​ലു​ക​ള്‍ ക​ണ്ടെ​ത്തി. പ്ര​തി​ക​ളെ ക​സ്റ്റ​ഡി​യി​ല്‍ വാ​ങ്ങി കൂ​ടു​ത​ല്‍ അ​ന്വേ​ഷ​ണം ന​ട​ത്തു​മെ​ന്ന് കു​ണ്ട​റ പൊ​ലീ​സ് അ​റി​യി​ച്ചു.