കാൽകോടി ചെലവഴിച്ചു; കോവിഡ് ചികിത്സ കേന്ദ്രം പൂട്ടി

കു​ണ്ട​റ: കാ​ൽ​കോ​ടി​യോ​ളം രൂ​പ ചെ​ല​വ​ഴി​ച്ച് സ​ജ്ജ​മാ​ക്കി​യ കോ​വി​ഡ് പ്രാ​ഥ​മി​ക ചി​കി​ത്സ കേ​ന്ദ്രം അ​ട​ച്ചു​പൂ​ട്ടി. കി​ഴ​ക്കേ​ക​ല്ല​ട പ​ഞ്ചാ​യ​ത്താ​ണ് 22,62,000 രൂ​പ ചെ​ല​വാ​ക്കി ഫ​സ്​​റ്റ്​ ലൈ​ൻ കോ​വി​ഡ് ട്രീ​റ്റ്മെൻറ് സെൻറ​ർ തു​റ​ന്ന​ത്.

ഇ​വി​ടെ ഒ​രു​രോ​ഗി​യെ പോ​ലും ചി​കി​ത്സി​ച്ചി​ട്ടി​ല്ലെ​ന്നാ​ണ് വി​വ​രാ​വ​കാ​ശ​രേ​ഖ. 2020 ജൂ​ലൈ 31ന് ​മ​ന്ത്രി ജെ. ​മേ​ഴ്സി​കു​ട്ടി​യ​മ്മ​യാ​ണ് കി​ഴ​ക്കേ​ക​ല്ല​ട​യി​ലെ സ്വ​കാ​ര്യ സ്​​കൂ​ളി​ലെ ട്രീ​റ്റ്മെൻറ് സെൻറ​ർ ഉ​ദ്ഘാ​ട​നം ചെ​യ്ത​ത്.

ഇ​രു​ന്നൂ​റോ​ളം രോ​ഗി​ക​ളെ ചി​കി​ത്സി​ക്കു​ന്ന​തി​നാ​വ​ശ്യ​മാ​യ സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നു. നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്ക് വേ​ണ്ട സാ​ധ​ന​സാ​മ​ഗ്രി​ക​ൾ വാ​ങ്ങു​ന്ന​തി​ന് 10,19,058 രൂ​പ ചെ​ല​വാ​യെ​ന്ന് വി​വ​രാ​വ​കാ​ശ രേ​ഖ​യി​ൽ പ​റ​യു​ന്നു. രോ​ഗി​ക​ൾ​ക്കാ​വ​ശ്യ​മാ​യ കി​ട​ക്ക​ക​ൾ ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ൾ വാ​ങ്ങു​ന്ന​തി​ന് 10,17,812 രൂ​പ​യു​മാ​യി.

സ്​​കൂ​ളു​ക​ൾ തു​റ​ക്കാ​ൻ തീ​രു​മാ​നി​ച്ച​തോ​ടെ ട്രീ​റ്റ്മെൻറ് സെൻറ​റി​ലെ ര​ണ്ട് ക്ലാ​സ് മു​റി​ക​ളും ഓ​ഫി​സും സ്​​കൂ​ൾ അ​ധി​കൃ​ത​ർ​ക്ക് തു​റ​ന്നു​ന​ൽ​കി. ബാ​ക്കി​യു​ള്ള ക്ലാ​സ് മു​റി​ക​ൾ പൂ​ട്ടി താ​ക്കോ​ൽ ഇ​പ്പോ​ഴും സൂ​ക്ഷി​ക്കു​ന്ന​ത് പ​ഞ്ചാ​യ​ത്താ​ണ്.

കോ​വി​ഡിെൻറ ര​ണ്ടാം​ത​രം​ഗ​ത്തി​ലെ​ങ്കി​ലും ഇ​വി​ടെ രോ​ഗി​ക​ളെ ചി​കി​ത്സി​പ്പി​ക്കാ​നു​ള്ള സാ​ഹ​ച​ര്യം ഒ​രു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.