കൊന്നയില്‍കടവ് പാലത്തിന് പുതുക്കിയ ടെന്‍ഡര്‍; പെരിങ്ങാലത്തുകാരുടെ ചിരകാല സ്വപ്നം യാഥാർഥ്യത്തിലേക്ക്

കു​ണ്ട​റ: പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട് പെ​രി​ങ്ങാ​ല​ത്തു​കാ​രു​ടെ പാ​ല​മെ​ന്ന സ്വ​പ്ന​ത്തി​ന്. ഇ​ട​ക്ക്​ ടെ​ൻ​ഡ​റാ​യി നി​ർ​മാ​ണം തു​ട​ങ്ങി​യെ​ങ്കി​ലും മു​ന്നോ​ട്ടു​പോ​യി​ല്ല. ഇ​പ്പോ​ള്‍ വീ​ണ്ടും പാ​ല​ത്തി​ന് ടെ​ൻ​ഡ​ര്‍ ഉ​റ​പ്പി​ച്ച​ത് നാ​ടി​ന് ആ​ഹ്ലാ​ദ​മാ​യി. കോ​വൂ​ര്‍ കു​ഞ്ഞു​മോ​ന്‍ എം.​എ​ല്‍.​എ​യു​ടെ അ​ധ്യ​ക്ഷ​ത​യി​ല്‍ ചേ​ര്‍ന്ന കി​ഫ്ബി ഉ​ദ്യോ​ഗ​സ്ഥ​രു​ടെ യോ​ഗ​തീ​രു​മാ​ന​പ്ര​കാ​ര​മാ​ണ്​ പു​തു​ക്കി​യ ടെ​ന്‍ഡ​ര്‍ വി​ളി​ച്ച​തും ഉ​റ​പ്പി​ച്ച​തും.

പെ​രി​ങ്ങാ​ല​ത്തെ മ​ൺ​റോ​ത്തു​രു​ത്തു​മാ​യി ബ​ന്ധി​പ്പി​ക്കു​ന്ന ഏ​ക​മാ​ർ​ഗ​മാ​യി​രു​ന്നു കൊ​ന്ന​യി​ല്‍ക​ട​വ് പാ​ലം. ക​ല്ല​ട​യാ​റി​ന് കു​റു​കെ​യു​ള്ള പ​ഴ​യ പാ​ലം മ​ഴ​വെ​ള്ള​പ്പാ​ച്ചി​ലി​ൽ 1992ല്‍ ​ഒ​ലി​ച്ചു​പോ​യി.

പി​ന്നീ​ട് ക​ട​ത്തു​വ​ള്ളം മാ​ത്ര​മാ​യി​രു​ന്നു ഏ​ക ആ​ശ്ര​യം. ജി. ​സു​ധാ​ക​ര​ന്‍ മ​ന്ത്രി​യാ​യി​രു​ന്ന കാ​ല​ത്ത് പാ​ല​ത്തി​നാ​യി 28 കോ​ടി അ​നു​വ​ദി​ക്കു​ക​യും നി​ർ​മാ​ണോ​ദ്ഘാ​ട​നം ന​ട​ത്തു​ക​യും പ​ണി ആ​രം​ഭി​ക്കു​ക​യും ചെ​യ്തി​രു​ന്നു. റെ​യി​ല്‍വേ​യു​ടെ യു​ക്തി​സ​ഹ​മ​ല്ലാ​ത്ത എ​തി​ര്‍പ്പ് മൂ​ലം പാ​ലം​പ​ണി മു​ട​ങ്ങി. 2022ല്‍ ​കേ​ര​ള റോ​ഡ് ഫ​ണ്ട് ബോ​ര്‍ഡ് പ്ര​ത്യേ​ക സാ​ധ്യ​താ​പ​ഠ​നം ന​ട​ത്തു​ക​യും 36.8 കോ​ടി രൂ​പ ചെ​ല​വു​വ​രു​ന്ന എ​സ്റ്റി​മേ​റ്റ് ത​യാ​റാ​ക്കു​ക​യും ചെ​യ്തി​രു​ന്നു.

175 മീ​റ്റ​ര്‍ നീ​ള​ത്തി​ല്‍ 10 മീ​റ്റ​ര്‍ വീ​തി​യി​ല്‍ ഏ​ഴ് സ്പാ​നു​ക​ളു​ള്ള പ​ദ്ധ​തി​ക്കാ​ണ് അ​നു​മ​തി ല​ഭി​ച്ചി​ട്ടു​ള്ള​ത്.