ഓണത്തിനും കുടിനീരില്ലാതെ ചി​​റ​​ക്കോ​​ണം നിവാസികൾ

കു​ണ്ട​റ: ഒ​രു പ്ര​ദേ​ശ​മാ​കെ കു​ടി​വെ​ള്ളം ഇ​ല്ലാ​താ​യി​ട്ട് മൂ​ന്നു മാ​സം. മി​ണ്ടാ​ട്ട​മി​ല്ലാ​തെ പ​ഞ്ചാ​യ​ത്തും വാ​ർ​ഡം​ഗ​വും. പെ​രി​നാ​ട് പ​ഞ്ചാ​യ​ത്ത് ചി​റ​ക്കോ​ണം വാ​ര്‍ഡി​ല്‍ ഇ​ള​മ്പ​ള്ളൂ​ര്‍, വെ​ട്ടി​ലി​ല്‍, നാ​ന്തി​രി​ക്ക​ല്‍ ഭാ​ഗ​ങ്ങ​ളി​ലാ​ണ് മൂ​ന്നു​മാ​സ​മാ​യി കു​ടി​വെ​ള്ളം എ​ത്താ​ത്ത​ത്. നാ​ന്തി​രി​ക്ക​ലി​ലു​ള്ള കു​ഴ​ല്‍ കി​ണ​റി​ല്‍നി​ന്നാ​ണ് ഇ​വി​ടേ​ക്ക് കു​ടി​വെ​ള്ളം എ​ത്തി​യി​രു​ന്ന​ത്.

ഈ ​കി​ണ​ര്‍ ത​ക​രാ​റി​ലാ​യി​ട്ട് മൂ​ന്നു മാ​സ​മാ​യി. ഇ​തി​ന്റെ ത​ക​രാ​ര്‍ പ​രി​ഹ​രി​ക്കാ​ന്‍ ക​ഴി​യി​ല്ലെ​ന്നും പു​തി​യ കി​ണ​ര്‍ നി​ര്‍മി​ക്ക​ണ​മെ​ന്നു​മാ​ണ് ജ​ല​വി​ഭ​വ വ​കു​പ്പ് പ​റ​യു​ന്ന​ത്. പു​തി​യ കി​ണ​ര്‍ കു​ഴി​ക്കാ​ന്‍ പ​ഞ്ചാ​യ​ത്തി​ന് പ​ണ​മി​ല്ലെ​ന്നും ക​ല​ക്ട​റു​ടെ ദു​ര​ന്ത​നി​വാ​ര​ണ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി കി​ണ​ര്‍ കു​ഴ​ക്കു​ന്ന​തി​നാ​യി ക​ല​ക്ട​റെ സ​മീ​പി​ച്ചി​ട്ടു​ണ്ടെ​ന്ന മ​റു​പ​ടി​യാ​ണ് പ​ഞ്ചാ​യ​ത്ത് പ്ര​സി​ഡ​ന്റ് ദി​വ്യ​ജ​യ​കു​മാ​റും വാ​ര്‍ഡം​ഗം മു​ഹ​മ്മ​ദ് ജാ​ഫി​യും പ​റ​യു​ന്ന​ത്.

ഇ​വ​രു​ടെ മ​റു​പ​ടി​യി​ല്‍ കു​ടി​വെ​ള്ളം എ​ന്ന് ല​ഭ്യ​മാ​കു​മെ​ന്ന് ഒ​രു നി​ശ്ച​യ​വും ഇ​ല്ലാ​ത്ത സ്ഥി​തി​യാ​ണ്. 300 രൂ​പ വ​രെ വി​ല​കൊ​ടു​ത്താ​ണ് ഈ ​പ്ര​ദേ​ശ​ത്തു​ള്ള​വ​ര്‍ വെ​ള്ളം വാ​ങ്ങു​ന്ന​ത്. ഒ​രു വ​ലി​യ തു​ക​ത​ന്നെ ഒ​രു​മാ​സം വെ​ള്ളം വാ​ങ്ങാ​നാ​യി ചെ​ല​വ​ഴി​ക്കേ​ണ്ടി വ​രു​ന്ന സ്ഥി​തി​യാ​ണ്. സാ​ധാ​ര​ണ​ക്കാ​ര്‍ക്ക് ഇ​തു വ​ലി​യ ഭാ​ര​വു​മാ​ണ്.