പരാതി അന്വേഷിക്കാനെത്തിയ പൊലീസുകാരനെ അക്രമിച്ചയാൾ അറസ്റ്റിൽ

കുണ്ടറ: പരാതി അന്വേഷിക്കാനെത്തിയ പൊലിസുകാരനെ അക്രമിച്ചയാളെ അറസ്റ്റ് ചെയ്തു. പെരിനാട് വെള്ളിമൺ കുന്നയ്യത്ത് വീട്ടിൽ രാജേഷ് (33) ആണ് അറസ്റ്റിലായത്. കുണ്ടറ സ്റ്റേഷനിലെ സി.പി.ഒ. കൃഷ്ണദാസിനെയാണ് (39) ഇയാൾ മർദ്ദിച്ചത്.

രാം ജ ഷിന് എതിരായ പരാതി അന്വേഷിക്കാൻ എത്തിയപ്പോൾ പൊലീസുകാരനെ മർദ്ദിക്കുകയും ബൈക്കിൽ സൂക്ഷിച്ചിരുന്ന മൊബൈൽ ഫോണും മറ്റ് പരാതികളുടെ ഫയലും കവർന്ന കേസിലാണ് അറസ്റ്റ്. എസ്.ഐ. ബാബു കുറുപ്പിൻെറ നേതൃത്വത്തിലാണ് രാജേഷിനെ പിടികൂടിയത്. പ്രതിയെ കോടതിയിൽ ഹാജരാക്കി.