കൂട്ടംതെറ്റിയെത്തിയ കാട്ടുപന്നി പട്ടാപ്പകല്‍ വീടിന്‍റെ ഗേറ്റ് തകര്‍ത്തു

കു​ള​ത്തൂ​പ്പു​ഴ: കാ​ടി​റ​ങ്ങി ജ​ന​വാ​സ​മേ​ഖ​ല​യി​ലെ​ത്തി​യ കാ​ട്ടു​പ​ന്നി​ക​ളി​ലൊ​ന്ന് വീ​ടി​ന് മു​ന്നി​ലെ ക​വാ​ടം ഇ​ടി​ച്ചു ത​ക​ര്‍ത്തു. കു​ള​ത്തൂ​പ്പു​ഴ ആ​റ്റി​നു​കി​ഴ​ക്കേ​ക്ക​ര ഇ​ര​ട്ട​വ​ള്ള ക​ട​വി​നു സ​മീ​പം ചെ​മ്പ​ന​ഴി​ക​ത്ത് വീ​ട്ടി​ല്‍ അ​ബ്ദു​ല്‍ ഷു​ക്കൂ​റി​ന്‍റെ വീ​ട്ടി​നു മു​ന്നി​ലെ ഗേ​റ്റാ​ണ് കാ​ട്ടു​പ​ന്നി ഇ​ടി​ച്ചു​ത​ക​ര്‍ത്ത​ത്.

ക​ഴി​ഞ്ഞ​ദി​വ​സം രാ​വി​ലെ 10 ഓ​ടെ വീ​ട്ടു​കാ​ര്‍ നോ​ക്കി നി​ല്‍ക്കെ​യാ​യി​രു​ന്നു സം​ഭ​വം. കൂ​ട്ടം തെ​റ്റി പു​ര​യി​ട​ത്തി​ലെ​ത്തി​യ കാ​ട്ടു​പ​ന്നി​ക​ള്‍ പു​റ​ത്തേ​ക്ക് ക​ട​ക്കാ​നു​ള്ള ശ്ര​മ​ത്തി​നി​ടെ വേ​ലി​ക്കെ​ട്ടി​നൊ​പ്പം സ്ഥാ​പി​ച്ചി​ട്ടു​ള്ള ക​വാ​ട​ത്തി​ല്‍ ഇ​ടി​ച്ച് കു​ടു​ങ്ങു​ക​യാ​യി​രു​ന്നു. ശ​ബ്ദം കേ​ട്ട് വീ​ട്ടു​കാ​ര്‍ പു​റ​ത്തി​റ​ങ്ങി നോ​ക്കു​മ്പോ​ഴാ​ണ് കാ​ട്ടു​പ​ന്നി കു​ടു​ങ്ങി​യ വി​വ​രം അ​റി​യു​ന്ന​ത്.

ഈ ​സ​മ​യം വീ​ട്ടി​ലെ കൊ​ച്ചു കു​ഞ്ഞു​ങ്ങ​ള്‍ വീ​ട്ടു​മു​റ്റ​ത്ത് ക​ളി​ച്ചു​കൊ​ണ്ടു നി​ല്‍ക്കു​ന്നു​ണ്ടാ​യി​രു​ന്നു. ശ​ബ്ദം കേ​ട്ടെ​ത്തി​യ വീ​ട്ട​മ്മ കാ​ട്ടു​പ​ന്നി​ക​ളെ ക​ണ്ട് ഉ​ട​ന്‍ത​ന്നെ കു​ഞ്ഞു​ങ്ങ​ളെ​യും വാ​രി​യെ​ടു​ത്ത് വീ​ട്ടി​നു​ള്ളി​ലേ​ക്ക് ഓ​ടി​ക്ക​യ​റി. ഇ​തി​നി​ടെ സി​മ​ന്‍റ് തൂ​ണി​ല്‍ സ്ഥാ​പി​ച്ചി​രു​ന്ന ഇ​രു​മ്പ് ഗേ​റ്റി​ല്‍ കു​ടു​ങ്ങി​യ കാ​ട്ടു​പ​ന്നി ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ട​യി​ല്‍ തൂ​ണു​ക​ളും ക​വാ​ട​വും ത​ക​ര്‍ന്നു വീ​ണു. ഈ ​സ​മ​യം മ​റ്റു​ള്ള​വ ഇ​തു​വ​ഴി പു​റ​ത്തേ​ക്ക് ഓ​ടി​പ്പോ​യി.

ഏ​റെ നേ​ര​ത്തെ പ​രി​ശ്ര​മ​ത്തി​നൊ​ടു​വി​ല്‍ ഗേ​റ്റി​ല്‍നി​ന്ന്​ ത​ല ഊ​രി​യെ​ടു​ത്ത കാ​ട്ടു​പ​ന്നി​യും ആ ​ദി​ശ​യി​ലേ​ക്കു​ത​ന്നെ ഓ​ടി​പ്പോ​യി. രാ​ത്രി​യി​ല്‍ തീ​റ്റ​തേ​ടി ജ​ന​വാ​സ മേ​ഖ​ല​യി​ലെ കൃ​ഷി​യി​ട​ത്തി​ല്‍ എ​ത്തി​യ കാ​ട്ടു​പ​ന്നി​ക്കൂ​ട്ടം തി​രി​കെ കാ​ട്ടി​ലേ​ക്ക് ക​ട​ക്കാ​നു​ള്ള ത​ത്ര​പ്പാ​ടി​ല്‍ ദി​ക്കു​തെ​റ്റി അ​ട​ച്ചി​ട്ട ക​വാ​ട​ത്തി​ല്‍ കു​ടു​ങ്ങി​യാ​താ​കാ​മെ​ന്ന് വീ​ട്ടു​കാ​ര്‍ പ​റ​യു​ന്നു.

ത​ക​ര​ഷീ​റ്റു​കൊ​ണ്ട് പു​ര​യി​ട​ത്തി​നു ചു​റ്റാ​കെ സം​ര​ക്ഷ​ണ വേ​ലി സ്ഥാ​പി​ച്ച കൃ​ഷി​യാ​ണ് ക​ഴി​ഞ്ഞ രാ​ത്രി​യി​ല്‍ കാ​ട്ടു​പ​ന്നി​ക​ള്‍ ത​ക​ര്‍ത്ത​ത്. പ​ക​ല്‍സ​മ​യ​ത്ത് കു​ഞ്ഞു​ങ്ങ​ള്‍ പു​റ​ത്തു നി​ല്‍ക്കെ വീ​ട്ടു​മു​റ്റ​ത്ത് കാ​ട്ടു​പ​ന്നി​ക്കൂ​ട്ട​ത്തെ ക​ണ്ട​തി​ന്‍റെ ഭീ​തി​യി​ലാ​ണ് വീ​ട്ടു​കാ​ര്‍.