ജാ​മ്യ​ത്തി​ലി​റ​ങ്ങി​യ പോക്സോ കേസ്​​ പ്രതി അതേ പെൺകുട്ടിയെ വീണ്ടും ബലാത്സംഗം ചെയ്യാൻ ശ്രമിച്ചു; പിടിയിലായി

കു​ള​ത്തൂ​പ്പു​ഴ: പ്രാ​യ​പൂ​ര്‍ത്തി​യാ​കാ​ത്ത പെ​ണ്‍കു​ട്ടി​യെ ബ​ലാ​ത്സം​ഗം ചെ​യ്​​ത കേ​സി​ല്‍ യു​വാ​വ് ര​ണ്ടാം​ത​വ​ണ പൊ​ലീ​സ് പി​ടി​യി​ല്‍. കു​ള​ത്തൂ​പ്പു​ഴ മ​ഠ​ത്തി​ക്കോ​ണം അ​നീ​ഷ് ഭ​വ​നി​ല്‍ അ​ജി​ത് (22) ആ​ണ് ക​ഴി​ഞ്ഞ​ദി​വ​സം കു​ള​ത്തൂ​പ്പു​ഴ പൊ​ലീ​സി​െൻറ പി​ടി​യി​ലാ​യ​ത്.

ഒ​മ്പ​താം ക്ലാ​സ് വി​ദ്യാ​ര്‍ഥി​നി​യെ ഒ​രു വ​ര്‍ഷം മു​മ്പ് ബ​ലാ​ത്സം​ഗം ചെ​യ്യാ​ൻ ശ്ര​മി​ച്ച​തി​ന് പോ​ക്സോ ചു​മ​ത്തി കു​ള​ത്തൂ​പ്പു​ഴ പൊ​ലീ​സ് പി​ടി​കൂ​ടി​യ അ​ജി​ത് മൂ​ന്നു​മാ​സം മു​മ്പാ​ണ് ജാ​മ്യ​ത്തി​ലി​റ​ങ്ങി​യ​ത്.

ക​ഴി​ഞ്ഞ​ദി​വ​സം വീ​ണ്ടും ഇ​തേ പെ​ണ്‍കു​ട്ടി​യെ ആ​ളി​ല്ലാ​ത്ത ബ​ന്ധു​വീ​ട്ടി​ലെ​ത്തി​ച്ച്​ ബ​ലാ​ത്സം​ഗം ചെ​യ്യാ​ൻ ശ്ര​മി​ച്ച​ത്​ സം​ബ​ന്ധി​ച്ച് സ​മീ​പ​വാ​സി​ക​ളാ​യ നാ​ട്ടു​കാ​ര്‍ ന​ല്‍കി​യ ര​ഹ​സ്യ​വി​വ​ര​ത്തെ തു​ട​ര്‍ന്ന് പൊ​ലീ​സ് പി​ടി​കൂ​ടു​ക​യാ​യി​രു​ന്നു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.