പ്രധാനമന്ത്രിയുടെ പേരിലുള്ള വായ്പാ തട്ടിപ്പ്; കൂടുതല്‍ അന്വേഷണത്തിനായി പ്രതികളെ പൊലീസ് കസ്റ്റഡിയില്‍ വാങ്ങി

കു​ള​ത്തൂ​പ്പു​ഴ: പ്ര​ധാ​ന​മ​ന്ത്രി​യു​ടെ പേ​രി​ലു​ള്ള സ്വ​യം തൊ​ഴി​ല്‍ വാ​യ്പ പ​ദ്ധ​തി മ​റ​യാ​ക്കി പ​ല​രി​ല്‍ നി​ന്നു​മാ​യി കോ​ടി​ക​ള്‍ ത​ട്ടി​ച്ച കേ​സി​ല്‍ റി​മാ​ന്‍ഡി​ല്‍ ക​ഴി​ഞ്ഞി​രു​ന്ന പ്ര​തി​ക​ളെ കൂ​ടു​ത​ല്‍ അ​ന്വേ​ഷ​ണ​ത്തി​നും തെ​ളി​വെ​ടു​പ്പി​നും വേ​ണ്ടി പൊ​ലീ​സ് ക​സ്റ്റ​ഡി​യി​ല്‍ വാ​ങ്ങി. കേ​സി​ലെ ര​ണ്ടാം പ്ര​തി ഭാ​ര​തീ​പു​രം സു​മി​ത ഭ​വ​നി​ല്‍ സു​മി​ത (36), കൂ​ട്ടാ​ളി​യാ​യ നാ​ലാം പ്ര​തി ഏ​രൂ​ര്‍ ചി​ല്ലിം​ഗ് പ്ലാ​ന്‍റി​നു സ​മീ​പം വി​പി​ന്‍ സ​ദ​ന​ത്തി​ല്‍ വി​പി​ന്‍കു​മാ​ര്‍ (42) എ​ന്നി​വ​രെ​യാ​ണ് ക​സ്റ്റ​ഡി​യി​ല്‍ വാ​ങ്ങി​യ​ത്.

യു​വ​ജ​ന​ങ്ങ​ള്‍ക്കാ​യി പ്ര​ധാ​ന മ​ന്ത്രി​യു​ടെ പേ​രി​ലു​ള്ള സ്വ​യം തൊ​ഴി​ല്‍ വാ​യ്പ ല​ഭി​ക്കാ​ന്‍ മാ​ര്‍ജി​ന്‍ മ​ണി​യാ​യി വ​ന്‍തു​ക അ​ക്കൗ​ണ്ടി​ല്‍ ബാ​ല​ന്‍സ് കാ​ണി​ക്ക​ണ​മെ​ന്നും വാ​യ്പ ല​ഭി​ച്ചാ​ല്‍ തൊ​ഴി​ല്‍ ആ​രം​ഭി​ക്കു​ന്ന​തി​നാ​യി കൂ​ടു​ത​ല്‍ തു​ക ന​ല്‍കാ​മെ​ന്ന് തെ​റ്റി​ദ്ധ​രി​പ്പി​ച്ചു​മാ​ണ് പ്ര​തി​ക​ള്‍ തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളി​ലെ പ​ല​രി​ല്‍ നി​ന്നു​മാ​യി കോ​ടി​യോ​ളം രൂ​പ ത​ട്ടി​ച്ച​ത്. എ​ന്നാ​ല്‍ അ​വ​ധി​ക​ള്‍ പ​ല​തും ക​ഴി​ഞ്ഞി​ട്ടും വാ​യ്പ​യോ വാ​ങ്ങി​യ പ​ണ​മോ തി​രി​കെ കി​ട്ടാ​താ​യ​തോ​ടെ കു​ള​ത്തു​പ്പു​ഴ, ക​ട​യ്ക്ക​ല്‍ സ്വ​ദേ​ശി​ക​ളാ​യ ഒ​രു​കൂ​ട്ടം വീ​ട്ട​മ്മ​മാ​ര്‍ ചേ​ര്‍ന്ന് കു​ള​ത്തു​പ്പു​ഴ, ചി​ത​റ പോ​ലീ​സ് സ്റ്റേ​ഷ​നു​ക​ളി​ല്‍ പ​രാ​തി ന​ല്‍കു​ക​യാ​യി​രു​ന്നു. സം​ഭ​വ​ത്തി​ല്‍ അ​ന്വേ​ഷ​ണം ന​ട​ത്തി​യ ചി​ത​റ പോ​ലീ​സ് ഒ​ന്നാം പ്ര​തി​യാ​യ ര​മ്യ​യെ പി​ടി കൂ​ടി​യി​രു​ന്നു. മൂ​ന്നു മാ​സ​ത്തോ​ളം ഒ​ളി​വി​ല്‍ ക​ഴി​ഞ്ഞി​രു​ന്ന സു​മി​ത​യെ​യും വി​പി​ന്‍കു​മാ​റി​നെ​യും ര​ഹ​സ്യ വി​വ​ര​ത്തെ തു​ട​ര്‍ന്ന് ഏ​താ​നും ദി​വ​സം മു​മ്പ് കു​ള​ത്തൂ​പ്പു​ഴ പൊ​ലീ​സ് പി​ടി​കൂ​ടു​ക​യാ​യി​രു​ന്നു. മൂ​ന്നാം പ്ര​തി​യും ര​മ്യ​യു​ടെ ഭ​ര്‍ത്താ​വു​മാ​യ ബി​നു​സ​ദാ​ന​ന്ദ​നെ ഒ​ളി​വി​ല്‍ ക​ഴി​യു​ന്ന​തി​നി​ടെ ക​ഴി​ഞ്ഞ ദി​വ​സം ച​ണ്ണ​പ്പേ​ട്ട​യി​ല്‍ നി​ന്ന്​ കു​ള​ത്തൂ​പ്പു​ഴ പൊ​ലീ​സ് ക​സ്റ്റ​ഡി​യി​ലെ​ടു​ത്ത് കോ​ട​തി​യി​ല്‍ ഹാ​ജ​രാ​ക്കി​യി​രു​ന്നു. കൂ​ടു​ത​ല്‍ അ​ന്വേ​ഷ​ണം ന​ട​ത്തി​യെ​ങ്കി​ല്‍ മാ​ത്ര​മെ ക​ണ്ടെ​ത്താ​ന്‍ ക​ഴി​യു​ക​യൂ​ള്ളൂ​വെ​ന്നും അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും ഉ​ദ്യോ​ഗ​സ്ഥ​ര്‍ പ​റ​ഞ്ഞു.