സ്മാര്‍ട്ട് വില്ലേജ് ഓഫിസിലേക്ക് കയറണോ, പടി കെട്ടണം

കു​ള​ത്തൂ​പ്പു​ഴ: വ​കു​പ്പു​ക​ള്‍ ത​മ്മി​ലു​ള്ള ഏ​കോ​പ​ന​മി​ല്ലാ​യ്മ​യി​ല്‍ പാ​ടു​പെ​ടേ​ണ്ടി വ​രു​ന്ന​ത് സാ​ധാ​ര​ണ​ക്കാ​രാ​ണെ​ന്ന് വീ​ണ്ടും തെ​ളി​യി​ച്ച് അ​ധി​കൃ​ത​ര്‍. നി​ർ​മാ​ണം പൂ​ർ​ത്തി​യാ​യ കു​ള​ത്തൂ​പ്പു​ഴ വി​ല്ലേ​ജ് ഓ​ഫി​സി​ന്‍റെ പു​തി​യ കെ​ട്ടി​ട​ത്തി​ലേ​ക്ക്​ ക​യ​റ​ണ​മെ​ങ്കി​ൽ പ​ടി​ക്കെ​ട്ടു​ക​ൾ നി​ർ​മി​ക്കേ​ണ്ട അ​വ​സ്ഥ​യി​ലാ​ണ്.

ഇ​തി​ന്​ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്ക​ണ​മെ​ന്ന​തി​നാ​ൽ വി​ല്ലേ​ജ്​ ഓ​ഫി​സ്​ ഉ​ദ്​​ഘാ​ട​നം നീ​ളും. കു​ള​ത്തൂ​പ്പു​ഴ സ​ര്‍ക്കാ​ര്‍ ആ​ശു​പ​ത്രി​യും വി​ല്ലേ​ജ് ഓ​ഫി​സും നി​ർ​മാ​ണം പു​രോ​ഗ​മി​ക്കു​ന്ന ര​വീ​ന്ദ്ര​ന്‍ സ്മാ​ര​ക​വും അ​ടു​ത്ത​ടു​ത്താ​​ണു​ള്ള​ത്.

ആ​ധു​നീക​രി​ക്കു​ന്ന​തി​ന്‍റെ ഭാ​ഗ​മാ​യി ഏ​താ​നും മാ​സം മു​മ്പ് വി​ല്ലേ​ജ്​ ഓ​ഫി​സി​ന്‍റെ പ​ഴ​യ കെ​ട്ടി​ടം പൊ​ളി​ച്ച് പു​തി​യ​ത് നി​ർ​മാ​ണം പൂ​ര്‍ത്തി​യാ​ക്കി ഉ​ദ്ഘാ​ട​ന​ത്തി​നൊ​രു​ങ്ങ​വേ​യാ​ണ് കെ​ട്ടി​ട​ത്തി​നു​മു​ന്നി​ലെ ടാ​ര്‍പാ​ത ആ​ശു​പ​ത്രി അ​ധി​കൃ​ത​ര്‍ താ​ഴ്ച​യി​ല്‍ കു​ഴി​ച്ച്​ മ​ണ്ണ് നീ​ക്കി​യ​ത്.

ആ​ശു​പ​ത്രി​ക്കു​വേ​ണ്ടി ആ​ധു​നി​ക സൗ​ക​ര്യ​ങ്ങ​ളോ​ടെ പു​തി​യ കെ​ട്ടി​ടം നി​ർ​മി​ക്കാ​ൻ വേ​ണ്ടി​യാ​ണി​ത്. പു​തി​യ കെ​ട്ടി​ട നി​ർ​മാ​ണ​ത്തി​നാ​യി ആ​രോ​ഗ്യ​വ​കു​പ്പ് പ​ഴ​യ ഓ​ഫി​സ് കെ​ട്ടി​ട​വും ചു​റ്റു​മു​ണ്ടാ​യി​രു​ന്ന ക്വാ​ര്‍ട്ടേ​ഴ്സു​ക​ളും പൊ​ളി​ച്ചു​മാ​റ്റി​യി​രു​ന്നു.

ആ​ശു​പ​ത്രി​യു​ടെ അ​ധീ​ന​ത​യി​ലു​ള്ള സ്ഥ​ല​വും പ്ര​ദേ​ശ​ത്തേ​ക്കു​ള്ള ടാ​ര്‍ റോ​ഡ​ട​ക്കം പ​ത്ത​ടി​യോ​ളം താ​ഴ്ച​യി​ല്‍ കു​ഴി​ച്ച്​ മ​ണ്ണ് നീ​ക്കി നി​ര​പ്പാ​ക്കി ആ​ശു​പ​ത്രി കെ​ട്ടി​ട​ത്തി​നാ​യി സ്ഥ​ല​മൊ​രു​ക്കി​യ​തോ​ടെ​യാ​ണ് പാ​ത​യോ​ട് ചേ​ര്‍ന്ന് നി​ർ​മി​ച്ച വി​ല്ലേ​ജ് ഓ​ഫി​സ് കെ​ട്ടി​ടം മ​ണ്‍തി​ട്ട​ക്ക് മു​ക​ളി​ലാ​യി മാ​റി​യ​ത്. വി​ല്ലേ​ജ് ഓ​ഫി​സി​ലേ​ക്ക് ക​യ​റ​ണ​മെ​ങ്കി​ല്‍ ഇ​നി പ​ടി​ക്കെ​ട്ടു​ക​ള്‍ നി​ര്‍മി​ക്ക​ണം.

ഒ​രേ സ​മ​യ​ത്ത് പ്ര​ദേ​ശ​ത്ത് അ​നു​വ​ദി​ച്ച വി​വി​ധ നി​ർ​മാ​ണ പ്ര​വൃ​ത്തി​ക​ള്‍ ആ​രം​ഭി​ക്കു​ന്ന​തി​നു​മു​മ്പ്​ വ​കു​പ്പു​ക​ള്‍ ത​മ്മി​ല്‍ ഏ​കോ​പ​ന​മു​ണ്ടാ​യി​രു​ന്നെ​ങ്കി​ല്‍ ഇ​ങ്ങ​നെ സം​ഭ​വി​ക്കി​ല്ലാ​യി​രു​ന്നെ​ന്നും ടൗ​ണ്‍ പ്ലാ​നി​ങ് വ​കു​പ്പി​ന്‍റെ സ​ഹ​ക​ര​ണം തേ​ടാ​തെ ഓ​രോ വ​കു​പ്പും ഇ​ഷ്ട പ്ര​കാ​രം പ്ര​വ​ര്‍ത്തി​ക്കു​ന്ന​താ​ണ് പൊ​തു​ജ​ന​ങ്ങ​ള്‍ക്ക് ബു​ദ്ധി​മു​ട്ടാ​കു​ന്ന​തെ​ന്നും വി​ദ​ഗ്ധ​ര്‍ പ​റ​യു​ന്നു.

നി​ല​വി​ല്‍ നി​ർ​മാ​ണം പൂ​ര്‍ത്തി​യാ​യി ഉ​ദ്ഘാ​ട​നം കാ​ത്തു​കി​ട​ക്കു​ന്ന വി​ല്ലേ​ജ് ഓ​ഫി​സ് കെ​ട്ടി​ട​ത്തി​ന്‍റെ ക​രാ​റി​ല്‍ പ​ടി​ക്കെ​ട്ടി​നെ​ക്കു​റി​ച്ച് പ​രാ​മ​ര്‍ശ​മി​ല്ലാ​ത്ത​തി​നാ​ല്‍ പു​തി​യ ടെ​ന്‍ഡ​ര്‍ ത​യാ​റാ​ക്കി ന​ട​പ​ടി സ്വീ​ക​രി​ക്കേ​ണ്ടി​വ​രും. അ​തി​നാ​ല്‍ വി​ല്ലേ​ജ് ഓ​ഫി​സ് പു​തി​യ കെ​ട്ടി​ട​ത്തി​ല്‍ പ്ര​വ​ര്‍ത്ത​ന​മാ​രം​ഭി​ക്കാ​ന്‍ കാ​ല​താ​മ​സ​മു​ണ്ടാ​കു​മെ​ന്നു​മാ​ണ് അ​ധി​കൃ​ത​ര്‍ ന​ല്‍കു​ന്ന സൂ​ച​ന.